Etenuŋɔŋlɔ
a Kpeɖodzi siwo ŋu kakaɖedzi le li be wowu Hebri Ŋɔŋlɔawo ƒe agbalẽwo—si me Yesaya ƒe agbalẽa hã le—ŋɔŋlɔ nu ɣeyiɣi didi aɖe do ŋgɔ na ƒe alafa gbãtɔ M.Ŋ. Ŋutinyaŋlɔla Josephus (ƒe alafa gbãtɔ M.Ŋ.) gblɔ be woda asi ɖe agbalẽ siwo woxɔ be wotso gbɔgbɔ me dzi hede wo Hebri Ŋɔŋlɔawo me ɣeyiɣi didi aɖe do ŋgɔ na yewo ŋɔli.8 Tsɔ kpe ɖe eŋu la, wodze Helagbe me Septuagint si nye Hebri Ŋɔŋlɔ siwo gɔme woɖe ɖe Helagbe me, la gɔmeɖeɖe gɔme le ƒe alafa etɔ̃lia D.M.Ŋ. me eye wowu enu le ƒe alafa evelia D.M.Ŋ. me.