Agbenɔnɔ Kple Subɔsubɔdɔ Kpekpe Ƒe Nusrɔ̃gbalẽ Ƒe Nyatsoƒewo
JANUARY 4-10
NU XƆASI SIWO LE MAWU ƑE NYAA ME | 3 MOSE 18-19
“Nɔ Agbe Dzadzɛ”
Ale Si Nàkpɔ Ðokuiwò Ta Be Satana Ƒe Mɔ̃ Vɔ̃ɖi Aɖe Nagaɖe Wò O
Esi Yehowa nɔ nu ƒom tso gbɔdɔdɔ manɔdzɔdzɔmenu siwo me dukɔwo ƒoa wo ɖokuiwo ɖo ŋu la, egblɔ na Israel-viwo be: “Migawɔ nu abe Kanaan-nyigba si dzi mekplɔ mi yinae la dzi nɔlawo ene o. . . . Woƒe anyigba la ƒo ɖi, eya ta maɖo woƒe vodada teƒe na wo.” Le Israel ƒe Mawu kɔkɔetɔ la gbɔ la, Kanaantɔwo ƒe agbenɔnɔ ƒaƒã ale gbegbe be woƒe anyigba la ƒo ɖi le eŋkume.—3 Mose 18:3, 25.
Yehowae Kplɔa Eƒe Amewo
13 Vovototo gã ka gbegbee nye esi nɔ fia wɔnuteƒe mawo kple dukɔwo ƒe kplɔla siwo amegbetɔwo ƒe nunya fiaa mɔe eye womebua nuwo ŋu nyuie o la dome! Le kpɔɖeŋu me, Kanaantɔwo ƒe kplɔlawo kple wo teviwo wɔ nu baɖabaɖawo, abe ƒometɔ kplikplikpliwo gbɔ dɔdɔ, ŋutsu kple ŋutsu kpakple nyɔnu kple nyɔnu ƒe dɔdɔ, lãwo gbɔ dɔdɔ, vidzĩwo tsɔtsɔ sa vɔe kple trɔ̃subɔsubɔnuwɔna dziŋɔwo ene. (3 Mose 18:6, 21-25) Gakpe ɖe eŋu la, Babilon kple Egipte ƒe kplɔlawo mezɔna ɖe dzadzɛnyenye ƒe mɔfiame nyui siwo Mawu tsɔ na Israel-viwo, siwo sɔ ɖe dzɔdzɔmeŋutinunya nu la dzi o. (4 Mose 19:13) To vovo na ema, kpɔɖeŋu nyui si Mawu ƒe amewo ƒe kplɔlawo ɖo ɖi la do mawusubɔsubɔ vavãtɔ, agbe dzadzɛ nɔnɔ kple dzadzɛnyenye ɖe ŋgɔ le dukɔa me. Edze ƒãa be Yehowae nɔ wo kplɔm.
Nu Si Mawu Awɔ Tso Fukpekpe Ŋu
Ke ame siwo gbe gbidii be yewomatrɔ le yewoƒe mɔ vɔ̃wo dzi o eye wogakpɔtɔ le nu vɔ̃ɖi wɔwɔ dzi ya ɖe? De ŋugble le ŋugbedodo sia si me kɔ nyuie la ŋu kpɔ: “Nuteƒewɔlawo anɔ anyigba la dzi, eye ame maɖifɔwo asusɔ ɖe edzi; ke woatsrɔ̃ ame vɔ̃ɖiwo ɖa le anyigba dzi, eye woaho ame maɖianukwarewo ɖa le edzi.” (Lododowo 2: 21, 22) Ame vɔ̃ɖiwo ƒe nu gbegblẽ wɔwɔwo nu ayi keŋkeŋ. Le ŋutifafa ƒe ɣeyiɣi ma me la, woana amegbetɔ toɖolawo navo tso blibomademade si ƒe dome wonyi la me vivivi.—Romatɔwo 6:17, 18; 8:21.
Mawu Ƒe Nyaa Me Kesinɔnuwo
“Aleke Gbegbe Nyemehelɔ̃a Wò Se Lae O!”
11 Mose ƒe Sea ƒe akpa evelia si ɖe ale si gbegbe Mawu tsɔ ɖe le eƒe amewo ƒe nyonyo me fia lae nye mɔ si wòɖe be woana amewo nafɔ nuku le agblewo me. Yehowa de se be ne agbledela siwo le Israel ŋe woƒe nukuwo la, woaɖe mɔ hiãtɔwo nafɔ esiwo dudu le nukua ŋelawo si la. Mele be agbledelawo naŋe nukuwo ƒiaƒiaƒia va ɖo boawo to o, eye mele be woafɔ waintsetse alo amititsetse siwo dudu ɖi la o. Mele be woatrɔ aɖatsɔ nu siwo woŋe hebla da ɖi gake ŋlɔ be ɖe agblea me o. Esia nye ɖoɖo si wowɔ lɔlɔ̃tɔe na ame dahewo, amedzrowo, tsyɔ̃eviwo, kple ahosiwo. Ele eme baa be nukufɔfɔ mele bɔbɔe ya o, ke hã, awɔe be ameawo manɔ nu biam o.—3 Mose 19:9, 10; 5 Mose 24:19-22; Psalmo 37:25.
JANUARY 11-17
NU XƆASI SIWO LE MAWU ƑE NYAA ME | 3 MOSE 20-21
“Yehowa Ðe Eƒe Amewo Ðe Vovo”
Paradiso—Ànɔ Emea?
12 Ke hã, nane li si dzi mele be míaŋe aɖaba aƒu o. Mawu gblɔ na Israel-viwo be: “Milé se siwo katã dem mele na mi egbe la me ɖe asi, ale be ŋusẽ nanɔ mia ŋu, eye miayi aɖaxɔ anyigba si dzi yim miele la wòazu mia tɔ.” (5 Mose 11:8) Le 3 Mose 20:22, 24 la, woƒo nu tso anyigba ma ke ŋu ale: “Milé nye sewo kple nye ʋɔnudrɔ̃ɖoɖowo katã me ɖe asi ne miawɔ wo dzi, ne anyigba si dzi mekplɔ mi yinae be mianɔ edzi la nagatu mi aƒu gbe o. Eya tae megblɔ na mi be: ‘Miaxɔ woƒe anyigba wòanye mia tɔ, eye matsɔ anyigba sia si dzi notsi kple anyitsi le sisim le la, ana mi wòazu mia tɔ.’” Ẽ, ele be ƒomedodo nyui nanɔ woa kple Yehowa Mawu dome hafi woate ŋu axɔ Ŋugbedodonyigba la. Esi wònye Israel-viwo meɖo to Mawu o tae wòɖe mɔ Babilontɔwo va ɖu wo dzi heɖe wo ɖa le teƒe si wonɔ la.
mwbr21.01 2 ¶2
Domenyinu
Enye nunɔamesi ɖe sia ɖe si asu domenyila alo ame si dze axɔe la si, nenye be ame si tɔ nua nyea megava le agbe o; enye nu sia nu si dome ame nyi tso eƒe ƒometɔ bubu gbɔ. Hebrigbe me dɔwɔnya si me woɖee tsoe nye na·chalʹ. Efia ale si ame atsɔ domenyinu ana alo axɔe tso eƒe ƒometɔ aɖe gbɔ, le esi wònye nua domenyila ta. (4Mo 26:55; Eze 46:18) Wozãa dɔwɔnya ya·rashʹ ɣeaɖewoɣi wòfiaa ale si ame aɖe ‘nava nyi dome’ ɖe ame bubu teƒe, gake zi geɖea, efiaa ale si ame ‘naxɔ nane wòazu etɔ.’ (1Mo 15:3; 3Mo 20:24) Egafiaa ale si ame nawɔ aʋa ‘axɔ nane le ame si’ alo ‘anya amea ɖa’ hã. (5Mo 2:12; 31:3) Woɖe Helagbe me nya siwo wozãna na domenyinu tso kleʹros me, si gɔme woɖena tsã be ‘nudzidze,’ gake wova ɖea egɔme be “gome,” eye mlɔebaa, be “domenyinu.”—Mt 27:35; Dw 1:17; 26:18.
mwbr21.01 2 ¶3
Xewo
Esi Tsiɖɔɖɔ ɖe anyigba bliboa vɔ megbea, Noa tsɔ lãwo kple “xe dzodzoe siwo . . . ŋu kɔ” sa vɔe. (1Mo 8:18-20) Emegbea, Mawu ɖe mɔ be amegbetɔwo naɖu xewo, gake womegaɖu woƒe ʋu o. (1Mo 9:1-4; tsɔe sɔ kple 3Mo 7:26; 17:13.) Ɣemaɣia, edze ƒãa be ne wotsɔ xe aɖewo sa vɔ na Mawu eye wòwɔ dzesi aɖe si ɖee fia be vɔsaa dze eŋua, ke wobua xeawo be ‘wo ŋu kɔ’; gake le wo ɖuɖu gome ya, Mawu metɔ asi xeawo dometɔ aɖeke dzi be “wo ŋu mekɔ o” va se ɖe esime wòna Sea to Mose dzi. (3Mo 11:13-19, 46, 47; 20:25; 5Mo 14:11-20) Biblia megblɔ nu siwo koŋ dzi wonɔ te ɖo hafi bu xe aɖewo be “wo ŋu mekɔ o” la na mí o. Eya ta, togbɔ be xe siwo nu wode se ɖo be wo ŋu mekɔ o la dometɔ akpa gãtɔ nye xe siwo léa nu alo esiwo ɖua nu kukuwo hã, menye wo katã ŋue mekɔ o. Se sia va dzudzɔ dɔ wɔwɔ esi woɖo nubabla yeyea anyi, eye ŋutega si Mawu ɖe fia Petro la ɖo kpe esia dzi.—Dw 10:9-15.
Mawu Ƒe Nyaa Me Kesinɔnuwo
mwbr21.01 2 ¶4
Ame Ðokui Sisi
Mawu ƒe Sea gblɔe eme kɔ nyuie be mele be Israel-viwo nasi wo ɖokui ne ame ku o. (3Mo 19:28; 21:5; 5Mo 14:1) Susu si tae nye be Israel nye dukɔ kɔkɔe na Yehowa, eƒe nunɔamesi tɔxɛ. (5Mo 14:2) Le ema ta, ele be Israel-viwo naƒo asa na trɔ̃subɔsubɔnuwɔna ɖe sia ɖe. Gakpe ɖe eŋua, mesɔ be wo ame siwo nya nɔnɔme si me tututu ame kukuwo le eye tsitretsitsimɔkpɔkpɔ le wo si la naxa nu wòagbɔ eme ale gbegbe be woatsɔ lãnuwo anɔ wo ɖokui sim o. (Da 12:13; Heb 11: 19) Azɔ hã, se si Mawu de ku ɖe ame ɖokui sisi ŋua ana Israel-viwo nakpɔe be ele be yewoade bubu si sɔ yewoƒe ŋutilã, si Mawu wɔa ŋu.
JANUARY 18-24
NU XƆASI SIWO LE MAWU ƑE NYAA ME | 3 MOSE 22-23
“Nu Si Ŋkekenyui Siwo Woɖu Le Blema Fia Na Mí”
mwbr21.01 3 ¶1-2
Amɔwɔ Maʋamaʋã Bolo Ŋkekenyuia
Amɔwɔ Maʋamaʋã Bolo Ŋkekenyuia ƒe ŋkeke gbãtɔ nyea takpekpe kɔkɔe kple sabat. Le ŋkeke evelia si nye Nisan 16 lia dzia, wotsɔa ƒo, si nye nuku gbãtɔ si wɔna le Palestina, ƒe nuŋeŋe gbãtɔwo ƒe babla ɖeka yina na nunɔlaa. Do ŋgɔ na ŋkekenyui sia, mele be ame aɖeke naɖu nuku yeye aɖeke o, woɖatsɔe mè abolo alo tɔe o. Nunɔlaa nyèa nuku gbãtɔawo ƒe bablaa le Yehowa ŋkume tsɔ ɖenɛ fiana be yetsɔe le enam, eye wotsɔa alẽtsui si xɔ ƒe ɖeka eye wòsɔ bliboa saa numevɔ. Tsɔ kpe ɖe eŋua, wosaa nunovɔ eye wotsɔa ami dzabaa wɔ memee tsɔ saa nuɖuvɔ hã. (3Mo 23:6-14) Sea mebia ɣemaɣi be woatɔ dzo nukua alo eƒe wɔ le vɔsamlekpuia dzi o; emegbe hafi wova ɖe mɔ na nunɔlawo be woawɔe alea. Le ŋkekenyui sia ɖuɣia, menye ɖeko dukɔ bliboa va naa woƒe nuŋeŋe gbãtɔwo ko evɔ o, ke boŋ mɔnukpɔkpɔ sua ƒome ɖe sia ɖe kple ame ɖekaɖeka siwo katã xɔ domenyinu le Israel la si be wòasa akpedavɔ hã.—2Mo 23:19; 5Mo 26:1, 2.
Nu Si Wòfia. Amɔwɔ maʋamaʋã bolo si woɖuna le ŋkekenyuia ɖuɣia wɔ ɖeka kple mɔfiame siwo Yehowa na Mose le 2 Mose 12:14-20, eye le kpukpui 19 lia mea, ede se na wo tẽe be: “Ŋkeke adre sɔŋ womakpɔ amɔwɔ ʋaʋã le miaƒe aƒewo me o.” Le 5 Mose 16:3 la, woyɔ amɔwɔ maʋamaʋã boloa be “fukpekpebolo,” eye eɖoa ŋku edzi na Yudatɔwo ƒe sia ƒe be kplakplakpla dzie wonɔ dzo le Egipte-nyigbaa dzi (elabe ɣeyiɣi menɔ wo si woalala be woƒe amɔwɔwo naʋã o [2Mo12:34]). Esia nana Israel-viwo ɖoa ŋku xaxa kple fukpekpe si me woɖe wo tsoe la dzi, Yehowa ŋutɔ hã gblɔ be, ‘nàtsɔe anɔ ŋku ɖom ŋkeke si dzi nèʋu dzo le Egipte-nyigba dzi le wò agbemeŋkekewo katã me.’ Esi Israel dukɔ bliboa le ablɔɖe me eye wonya hã be Yehowae ɖe yewoa, fifia nɔnɔmea sɔ nyuie na wo be woaɖu ŋkekenyui gã etɔ̃ siwo Yehowa ɖo na wo be woaɖu ƒe sia ƒea ƒe gbãtɔ.—5Mo 16:16.
mwbr21.01 3 ¶3
Pentekoste
Ale si woazã lu ƒe nuŋeŋe gbãtɔwo la to vovo na ale si woazã ƒo ƒe nuŋeŋe gbãtɔwo. Wobia be woatsɔ luwɔ memee efa me mama ɖe ewo ƒe akpa eve si me wode amɔwɔʋãnui la amè abolo eve. Ele be woatsɔ aboloawo ‘tso wo nɔƒewo vɛ,’ si fia be ɖeko woamèe abe esiwo womèna ɖuna le woƒe aƒewo me gbe sia gbe ene, ke menye esiwo ŋu wotrɔ asi le koŋ na wɔna kɔkɔewo o. (3Mo 23:17) Wosaa numevɔwo kple nuvɔ̃vɔ kpena ɖe eŋu, eye wotsɔa alẽvi eve saa akpedavɔ. Nunɔlaa tsɔa aboloawo kple alẽviawo ƒe lãkɔwo ɖe asi, eye wònyèa wo le Yehowa ŋkume tsɔ ɖenɛ fiana be yele wotsɔm nɛ. Ne nunɔlaa na aboloawo kple alẽviawo vɔa, wozua etɔ eye eɖua wo abe akpedavɔ ene.—3Mo 23:18-20.
Ðe Nèle Zɔzɔm Aduadu Kple Yehowa Ƒe Habɔbɔa?
11 Míaƒe nyonyo tae Yehowa ƒe habɔbɔa dea dzi ƒo na mí be míawɔ ɖe apostolo Paulo ƒe aɖaŋuɖoɖo sia dzi be: “Mina míanɔ mía nɔewo ŋu bum, bene míado ŋusẽ mía nɔewo hena lɔlɔ̃ kple dɔ nyuiwo wɔwɔ, eye míaganɔ míaƒe ƒuƒoƒewo gblẽm ɖi, abe ale si wòzu numame na ame aɖewo ene o, ke boŋ míanɔ dzi dem ƒo na mía nɔewo, eye míawɔe geɖe wu, esi miekpɔ be ŋkeke la le ɖoɖom ta.” (Heb. 10:24, 25) Ŋkekenyui siwo Israel viwo ɖuna kple takpekpe bubu siwo wowɔna ƒe sia ƒe la tua woƒe xɔse ɖo. Gawu la, wɔna tɔxɛ mawo, abe Agbadɔŋkekenyui si woɖu le Nexemiya ƒe ŋkekea me ene la, nyea dzidzɔɣiwo na wo. (2 Mose 23:15, 16; Neh. 8:9-18) Wowɔ kpekpewo, takpekpe suewo kple gãwo ƒe ɖoɖowo na míawo hã egbea. Ele be míadze agbagba ɖe sia ɖe be woagato mía ŋu o, elabena wokpena ɖe mía ŋu míegaxɔa Yehowa dzi sena geɖe wu, eye wonana míekpɔa dzidzɔ le mawusubɔsubɔ me.—Tito 2:2.
Mawu Ƒe Nyaa Me Kesinɔnuwo
Lé Wò Fɔmaɖimaɖi Me Ðe Asi!
3 Aleke Mawu subɔlawo ɖea nɔnɔme nyui si nye fɔmaɖimaɖi fiana? Wowɔa esia to ale si woyia edzi lɔ̃a Yehowa tso dzi blibo me kple ale si wotsɔa wo ɖokuiwo nana Eyama bliboe me, eye esia wɔnɛ be wowɔa nu siwo dzea eŋu ɣeawokatãɣi. Bu ale si wozã nya fɔmaɖimaɖi le Biblia me ŋu kpɔ. Le Biblia me la, Hebrigbe me nya si gɔme woɖe be “fɔmaɖimaɖi” la fia: sɔsɔ bliboe, kpɔtsɔtsɔmanɔŋui alo nu si de le goawo katã me. Le kpɔɖeŋu me, Israel-viwo tsɔa lãwo saa vɔ na Yehowa, eye Sea bia be ele be lã siwo woazã la nasɔ bliboe. (3 Mose 22:21, 22) Sea meɖe mɔ be Mawu ƒe amewo natsɔ lã aɖe si ƒe ata ŋe, lã ŋkuagbã, alo lã toɖeka atsɔ asa vɔe o; nenema kee mele be woatsɔ lã lédɔ hã asa vɔe o. Le Yehowa gbɔ la, ele vevie be lãa nasɔ bliboe, kpɔtsɔtsɔ naganɔ eŋu o, eye wòade le goawo katã me. (Mal. 1:6-9) Míate ŋu ase nu si tae Yehowa di be lãa nasɔ bliboe alo wòade pɛpɛpɛ la gɔme. Ne míeƒle atikutsetse aɖe la, míedina be eƒe akpa aɖeke navó o; ne míeƒle agbalẽ aɖe la, míedina be eƒe akpa aɖeke naɖe ɖa o; nenema kee ne míeƒle dɔwɔnu aɖe la, míedina be nu sia nu nade pɛpɛpɛ le eŋu. Míedina be nua nasɔ bliboe, kpɔtsɔtsɔ aɖeke naganɔ eŋu o, alo wòade le goawo katã me. Nenema tututue Yehowa hã dina be míalɔ̃ ye ahawɔ nuteƒe na ye. Edi be míalɔ̃ ye kple dzi blibo eye míawɔ nuteƒe na ye le goawo katã me.
JANUARY 25-31
NU XƆASI SIWO LE MAWU ƑE NYAA ME | 3 MOSE 24-25
“Ablɔɖeƒea Kple Ablɔɖe Si Míakpɔ Le Etsɔme”
mwbr21.01 4 ¶3
Ablɔɖe
Mawu Si Naa Ablɔɖe. Yehowae nye Mawu si naa ablɔɖe. Eɖe Israel dukɔa tso kluvinyenye me le Egipte. Egblɔ na wo be ne woyi edzi wɔ yeƒe sededewo dzia, woavo tso hĩa me. (5Mo 15:4, 5) David gblɔ be amewo avo eye “woanɔ anyi bɔkɔɔ” le Yerusalem ƒe mɔ́ sesẽwo me. (Ps 122:6, 7) Ke hã, Sea ɖe mɔ be ne edzɔ be Hebri ŋutsu aɖe va da ahe la, ate ŋu azu kluvi ale be wòakpɔ eya ŋutɔ kple eƒe ƒomea ƒe nuhiahiã veviwo gbɔ. Gake Sea bia hã be woana ablɔɖe ŋutsu ma le ƒe adrelia me. (2Mo 21:2) Ƒe blaatɔ̃lia ɖe sia ɖe nyea Ablɔɖeƒe, eye woɖea gbeƒã ablɔɖe na dukɔ bliboa. Wonaa ablɔɖe Hebri ŋutsu ɖe sia ɖe si nye kluvi, wòtrɔna yia eƒe anyigba si dome wònyia dzi.—3Mo 25:10-19.
mwbr21.01 5 ¶1
Domenyinu
Esi wònye ƒome-nyigbawo nyea domenyinu tso dzidzime yi dzidzime taa, womedzraa wo ɖikaa o. Eya ta nuku agbɔsɔsɔ si ate ŋu awɔ ɖe anyigba aɖe dzi ƒe home nue wodzraa anyigbaa ɖo hena ƒe ale si nu ava yi hafi Ablɔɖeƒea nava. Ne ame siwo dzra woƒe anyigbawo mete ŋu gbugbɔ wo ƒle hafi Ablɔɖeƒea va oa, wogbugbɔa anyigbaa na wo le Ablɔɖeƒea me. (3Mo 25:13, 15, 23, 24) Se sia bla aƒe siwo le du siwo ŋu womeɖo gli ɖo oa me hã, elabe wobua wo abe agblenyigbawo ke ene. Ke aƒe siwo le du siwo ŋu woɖo gli ɖo me ya, ƒe ɖeka koe gome le aƒea tɔ si be wòagbugbɔe aƒle, eye ne mete ŋu gbugbɔe ƒle le ƒe ɖeka me oa, ke aƒea zu ame si ƒlea tɔ ɖikaa. Gake esi domenyinu mele Lewi viwo si o taa, wokpɔ mɔ agbugbɔ aƒle aƒe siwo le woƒe duwo mea ɣesiaɣi.—3Mo 25:29-34.
mwbr21.01 5 ¶2
Ablɔɖeƒe
Egbea, nɔnɔme wɔnublanui si míekpɔna le dukɔ geɖe mee nye be ame aɖewo nyea gatɔ gãwo eye ame aɖewo ya daa ahe kolikoli. Gake ne Israel dukɔa wɔ ɖe se siwo ku ɖe Ablɔɖeƒea ŋu dzia, womekpɔa wo ɖokui le nɔnɔme ma me o. Ale si se mawo ɖe vi na ame ɖekaɖekawoa na be ganyawo de dukɔ bliboa dzi, elabe ame sia ame te ŋu zã eƒe ŋutetewo kple nunɔamesiwo tsɔ do alɔ dukɔa ale be ame aɖeke meda ahe kolikoli eye mekpɔ dɔ aɖeke awɔ o. Esi wònye be Yehowa nana Israel-viwo ƒe agblemenukuwo wɔna eye wòfiaa nu wo ale si dze taa, ne woyi edzi ɖo toe la, woakpɔ dzidzeme vavãtɔ si Yehowa ƒe dziɖuɖu debliboa ɖeɖe ko ate ŋu ana.—Yes 33:22.
Mawu Ƒe Nyaa Me Kesinɔnuwo
Ne Wodze Agɔ Le Dziwò
Ne Israel vi aɖe wɔ nuvevi nɔvia aɖe si na nɔvia ƒe ŋku gbã la, Sea bia be woagbã ŋku na eya hã. Ke hã, womeɖe mɔ na ame si wowɔ nuvevii la loo alo eƒe ƒometɔ aɖeke be wòabia hlɔ̃ ame si wɔ nuvevii la o. Sea bia be wòatsɔ nya la ayi ʋɔnudrɔ̃lawo gbɔ bene woakpɔ nyaa gbɔ ale si dze. Nyanya be woahe to na ame ɖe eɖoɖo koŋ ado hlɔ̃ alo awɔ nuvevi ame ta la xea mɔ ɖe wɔɖenuiwɔwɔ nu. Gake menye nya la katãe nye ema o.
FEBRUARY 1-7
NU XƆASI SIWO LE MAWU ƑE NYAA ME | 3 MOSE 26-27
“Nu Siwo Nàwɔ Be Yehowa Nayra Wò”
Gbe “Nu Ƒuƒluwo”
8 Aleke “Kesinɔnuwo” ate ŋu ava nɔ abe mawu aɖe ene? Enyo, le kpɔɖeŋu me, tsɔe be kpe aɖe le agble aɖe me le blema Israel. Woate ŋu azã kpe ma wòaɖe vi ne wotsɔe tu xɔ alo tsɔe ɖo gli. Le go bubu me la, ne wotsɔ kpe ma wɔ “aƒeli” alo tsɔe ‘kpa nɔnɔme aɖe ɖo woƒe anyigba dzi’ la, ate ŋu azu nukikli na Yehowa ƒe amewo. (3 Mose 26:1) Nenema kee ga ƒe wɔƒe li. Míehiã ga atsɔ akpɔ agbemenuhiahiãwo gbɔe, eye míate ŋu azãe hã nyuie le Yehowa subɔsubɔ me. (Nyagb. 7:12; Luka 16:9) Gake ne míetsɔ ga yome titi ɖo nɔƒe gbãtɔ ɖe míaƒe Kristotɔwo ƒe subɔsubɔdɔa teƒe la, le nyateƒe me la, ga va zua mawu aɖe na mí. (Xlẽ 1 Timoteo 6:9, 10.) Le xexe sia si me kesinɔnuwo yome titi nye nu vevitɔ na amewo le me la, ele be míakpɔ egbɔ be nukpɔsusu si da sɔ le mía si ku ɖe ga ŋu.—1 Tim. 6:17-19.
mwbr21.01 6 ¶1
Bubu Deto
Ale si Yehowa kpɔ ŋudzedze ɖe Mose ŋu kple ŋusẽ si wònae la wɔe be Mose te ŋu wɔ nu klitsuwo le Mawu ƒe amewo ŋkume. (5Mo 34:10, 12; 2Mo 19:9) Ame siwo si xɔse lea de bubu Mose ƒe ɖoƒe ŋu. Wokpɔe be Mawu ƒoa nu na yewo to Mose dzi. Yehowa gblɔ na Israel-viwo be ele be vɔvɔ̃ nanɔ yeƒe kɔkɔeƒea hã ŋu. (3Mo 19:30; 26:2) Esia fia be ele be woade bubu deto kɔkɔeƒea ŋu, woasubɔ Yehowa le mɔ si wòdi nu, eye woanɔ agbe ɖe se siwo katã wòde na wo la nu.
w91 3/1 17 ¶10
Na “Mawu Ƒe Ŋutifafa” Nadzɔ Wò Dzi Ŋu
10 Yehowa gblɔ na dukɔa be: “Ne mieyi edzi zɔ ɖe nye ɖoɖowo nu, eye mielé nye sewo me ɖe asi hewɔ wo dzi la, ekema nye hã mana tsi nadza na mi le edzaɣi, anyigba la awɔ nu, eye ati siwo le edzi la atse nyuie. Mana ŋutifafa naxɔ anyigba la dzi, miamlɔ anyi eye ame aɖeke mado voɖi na mi o. Manya lã wɔadãwo ɖa le anyigba la dzi, eye aʋawɔwɔ ƒe yi aɖeke mato miaƒe anyigba dzi ayi o. Mazɔ kpli mi, manye miaƒe Mawu, eye miawo mianye nye dukɔ.” (3Mo 26:3, 4, 6, 12) Israel-viwo ate ŋu aɖe dzi ɖi bɔkɔɔ le esi wonyae be ƒomedodo nyui le yewo kple Yehowa dome, akpɔ yewo ta tso yewoƒe futɔwo si me, eye wòakpɔ yewoƒe ŋutilãme nuhiahiãwo gbɔ na yewo nyuie ta. Gake ne wowɔ ɖe Yehowa ƒe Sea dzi ko hafi esia ate ŋu ava eme na wo.—Psalmo 119:165.
Mawu Ƒe Nyaa Me Kesinɔnuwo
mwbr21.01 6 ¶3
Dɔvɔ̃
Esiwo Mawu Ƒe Sewo Dzi Dada Hena Vɛ. Yehowa gblɔ na Israel dukɔa be ‘yeaɖo dɔvɔ̃ ɖe wo dome’ ne womelé yeƒe nubablaa me ɖe asi o. (3Mo 26:14-16, 23-25; 5Mo 28:15, 21, 22) Le Ŋɔŋlɔawo mea, ne wole nu ƒom tso lãmesẽmenɔnɔ le ŋutilã kple gbɔgbɔ me ŋua, ekuna ɖe Mawu ƒe yayrawo ŋu (5Mo 7:12, 15; Ps 103:1-3; Lod 3:1, 2, 7, 8; 4:21, 22; 4:21, 22; Nyɖ 21:1-4), gake ne wole nu ƒom tso dɔléle ŋua, ekuna ɖe nu vɔ̃ kple blibomademade ŋu. (2Mo 15:26; 5Mo 28:58-61; Yes 53:4, 5; Mt 9:2-6, 12; Yh 5:14) Eya ta togbɔ be enye nyateƒe be le go aɖewo mea Yehowa Mawu ŋutɔe he dɔléle va ame aɖewo dzi enumake, abe ale si wòna anyi ƒo ɖe Miriam, Uziya, kple Gehazi ŋu ene hã la (4Mo 12:10; 2Kr 26:16-21; 2Fi 5:25-27), edze be le go geɖe me yaa ame ɖekaɖekawo alo dukɔwo ŋutɔ ƒe nu vɔ̃ gbenɔnɔ gbɔe wòtsona be dɔléle alo dɔvɔ̃ si nu womate ŋu asi le oa va wo dzi. Nu si woawo ŋutɔwo ƒãa ko ŋem wole; woƒe nu gbegblẽ wɔwɔwo hea fukpekpe vaa woƒe ŋutilãa dzi. (Ga 6:7, 8) Apostolo Paulo gblɔ tso ame siwo ƒo wo ɖokui ɖe gbɔdɔdɔ manɔsenu nyɔŋuwo me ŋu be, Mawu ‘ɖe asi le wo ŋu na makɔmakɔnyenye, ne woado vlo woawo ŋutɔwo ƒe ŋutilãwo, eye wole woƒe vodada ŋuti fetu blibo la xɔm le wo ɖokuiwo me.’—Ro 1:24-27.
FEBRUARY 8-14
NU XƆASI SIWO LE MAWU ƑE NYAA ME | 4 MOSE 1-2
“Yehowa Na Eƒe Amewo Le Ðoɖo Nu”
w94 12/1 9 ¶4
Afi Si Dze Be Yehowa Ƒe Tadedeagu Nanɔ Le Míaƒe Agbe Me
4 Ne ɖe nènɔ yame lé ŋku ɖe Israel-vi siwo ƒu asaɖa anyi ɖe gbeadzi ŋua, anye nu kae nàkpɔ? Àkpɔ avɔgbadɔ gbogbo aɖewo siwo wotu ɖe ɖoɖo nu, siwo me ame miliɔn etɔ̃ alo esi wu nenema anya nɔ, eye woma wo ɖe to etɔ̃tɔ̃tɔ̃ me ɖe dziehe, anyiehe, ɣedzeƒe kple ɣetoɖoƒe. Ne ègate ɖe eŋu wua, àkpɔ hatsotso bubu si te ɖe asaɖaa titina ŋu. Woawoe nye Lewi viwo, eye woƒe agbadɔawo hã ma ɖe ƒuƒoƒo suesue ene me le dziehe, anyiehe, ɣedzeƒe kple ɣetoɖoƒe. Wotu agbadɔ tɔxɛ aɖe ɖe asaɖaa titina tututu le teƒe aɖe si wotsɔ avɔ tɔ kpɔ ɖo. Esiae nye “takpegbadɔa” alo avɔgbadɔa, si Israel-vi siwo “aɖaŋu le tagbɔ na” la wɔ ɖe Yehowa ƒe ɖoɖo nu.—4 Mose 1:52, 53; 2:3, 10, 17, 18, 25; 2 Mose 35:10.
mwbr21.01 7 ¶1
Asaɖa
Israel-viwo ƒe asaɖaa lolo ale gbegbe. Aʋawɔla siwo katã ƒe ŋkɔ woŋlɔ le asaɖaa me ƒe xexlẽmee nye 603,550; azɔ̃ hã, nyɔnuwo, ɖeviwo, ame tsitsiwo, nuwɔametɔwo kple Lewi vi akpe blaeve vɔ eve kple “ame vovovowo ƒe ha gã aɖe,” siwo menye Israel-viwo o hã kpe ɖe wo ŋu—xexlẽme siawo katã anya de miliɔn etɔ̃ kple edzivɔ. (2Mo 12:38, 44; 4Mo 3:21-34, 39) Kakaɖedzi mele teƒe si gbegbe ame gbogbo mawo ƒe asaɖa anya xɔ ŋu o; nyatakaka siwo amewo na ku ɖe eŋua meto mɔ ɖeka o. Esi Ɩsrael viwo va ƒu asaɖa anyi ɖe Moab tagba le Yeriko gbɔa, wogblɔ be asaɖaa didi “tso Bet-Yesimot va se ɖe Abel-Sitim.”—4Mo 33:49.
Mawu Ƒe Nyaa Me Kesinɔnuwo
mwbr21.01 7 ¶2
Ŋkɔŋɔŋlɔ
Zi geɖea, woŋlɔa ame ƒe ŋkɔ, eƒe ƒome, to kple aƒekɔ si me wòtsoa ɖe agbalẽ me. Ŋkɔŋɔŋlɔ sia mefia be woaxlẽ dukɔ bliboa alo aƒekɔwo ƒe tatɔwo ko evɔ o. Le Biblia mea, woŋlɔ Israel ŋutsuwo ƒe ŋkɔ le susu vovovowo ta, le kpɔɖeŋu me, woŋlɔ wo ŋkɔwo be woate ŋu axe adzɔ, ayi aʋa, alo (le Lewi viwo gomea) woate ŋu ade dɔ asi na wo le kɔkɔeƒea.
FEBRUARY 15-21
NU XƆASI SIWO LE MAWU ƑE NYAA ME | 4 MOSE 3-4
“Lewi Viwo Ƒe Dɔwo”
mwbr21.01 7 ¶3
Nunɔla
Le Se Ƒe Nubablaa Te. Esi Israel-viwo nɔ kluvinyenye me le Egipte la, Yehowa kɔ Israel-viwo ƒe ŋgɔgbeviwo katã ŋu na eɖokui esi wòtsrɔ̃ Egiptetɔwo ƒe ŋgɔgbeviwo le fuwɔame ewolia me. (2Mo 12:29; 4Mo 3:13) Esia fia be Israel-viwo ƒe ŋgɔgbevi siawo nye Yehowa tɔ, eye woawɔ subɔsubɔdɔ tɔxɛ na eya ɖeɖe ko. Mawu ate ŋu aɖo Israel-viwo ƒe ŋgɔgbeviŋutsu siawo katã nunɔlawo kple ame siwo akpɔ kɔkɔeƒea ƒe dɔwo gbɔ hafi. Gake le ɖekawɔwɔ me kple eƒe tameɖoɖoa, etia ŋutsu siwo tso Lewi toa me ko be woawɔ dɔ sia. Le susu sia taa, eɖe mɔ be dukɔa natsɔ Lewi vi siwo nye ŋutsuwo la aɖo to 12 susɔeawo ƒe ŋgɔgbeviŋutsuwo teƒe (wobu Yosef viŋutsu siwo nye Efrayim kple Manase ƒe dzidzimeviwo be wonye to eve). Esi woxlẽ Israel-viwo ƒe ŋgɔgbeviŋutsu siwo katã xɔ tso ɣleti ɖekaa, wokpɔe be wosɔ gbɔ wu Lewi vi siwo xɔ tso ɣleti ɖeka zi gbɔ zi 273 sɔŋ, eya ta Mawu bia be woaxe sekel atɔ̃ ɖe Israel-viwo ƒe ŋgɔgbevi 273-awo dometɔ ɖe sia ɖe ta, eye woatsɔ gaa ana Aron kple viaŋutsuwo. (4Mo 3:11-16, 40-51) Do ŋgɔ na nudzɔdzɔ sia, Yehowa ɖe ŋutsu siwo tso Lewi toa me, siwo nye Aron ƒe ƒomea me tɔwo la ɖe vovo xoxo be woanye nunɔlawo le Israel.—4Mo 1:1; 3:6-10.
mwbr21.01 8 ¶1
Lewi Viwo
Woƒe Dɔwo. Lewi viŋutsuwoe nye Gerson, Kohat, kple Merari eye woƒe ƒomewoe ƒo ƒu wɔ Lewi toa. (1Mo 46:11; 1Kr 6:1, 16) Le gbea dzia, wona teƒe ƒome siawo le afi si te ɖe avɔgbadɔa ŋu. Aron si nye Kohat viwo ƒe ƒomea me tɔ la kple viawo ƒu asaɖa anyi ɖe avɔgbadɔa ŋgɔ le ɣedzeƒe gome. Kohat ƒomea me tɔ susɔeawo ƒu asaɖa anyi ɖe anyiehe gome, Gerson viwo ƒui ɖe ɣetoɖoƒe gome, eye Merari viwo le dziehe gome. (4Mo 3:23, 29, 35, 38) Lewi viwoe tua avɔgbadɔa, woawoe kakanɛ, eye woawo kee tsɔnɛ yia teƒe bubu. Ne asaɖaa ahoa, Aron kple viaŋutsuwoe va ɖea xɔmetsovɔ si ma Kɔkɔeƒea kple Kɔkɔeƒewo ƒe Kɔkɔeƒea dome, eye wotsyɔa nu ɖaseɖiɖiɖakaa, vɔsamlekpuiawo, xɔmenuwo kple nu kɔkɔe bubuawo dzi. Emegbea, Kohat viwo va tsɔa nu siawo. Gerson viwo tsɔa agbadɔvɔa, etamegbãnua, mɔnuvɔa, avɔ si wotsɔ tɔ kpɔ ɖe mɔa nu, kple avɔgbadɔa ŋu kawo, eye Merari viwo kpɔa avɔgbadɔa ƒe ʋuƒowo, eƒe sɔtiwo, eƒe anyinɔwo, eƒe tsyotiwo kple ka siwo le avɔgbadɔa ƒe xɔxɔnu ƒe dɔwo gbɔ.—4Mo 1:50, 51; 3:25, 26, 30, 31, 36, 37; 4:4-33; 7:5-9.
mwbr21.01 8 ¶2
Lewi Viwo
Le Mose ƒe ŋkekea mea, ne Lewi vi aɖe xɔ ƒe 30 hafi wodea dɔwo esi bliboe; dɔa ƒe ɖewoe nye avɔgbadɔa kple eƒe nuwo tsɔtsɔ ne asaɖaa aho. (4Mo 4:46-49) Wote ŋu dea dɔ aɖewo wo si ne woxɔ tso ƒe 25, gake edze be manye dɔ sesẽ abe avɔgbadɔa tsɔtsɔ ene o. (4Mo 8:24) Le Fia David ƒe ɣeyiɣia mea, woɖe ƒea dzi va ɖo 20. David ɖe eme be (fifia si wogbɔna gbedoxɔ tu ge ɖe avɔgbadɔa teƒea), magahiã be woanɔ avɔgbadɔa hom anɔ tutum o. Lewi viwo ƒe subɔsubɔdɔa wua enu ne woxɔ ƒe 50. (4Mo 8:25, 26; 1Kr 23:24-26) Zi geɖea, Lewi viwoe woyɔna be woaxlẽ Sea eye woafia dukɔa le dutoƒo, eya ta ele be woanya Sea nyuie.—1Kr 15:27; 2Kr 5:12; 17:7-9; Ne 8:7-9.
Mawu Ƒe Nyaa Me Kesinɔnuwo
Dze Nunya—Vɔ̃ Mawu!
13 Esi David de dzesi ale si Yehowa kpe ɖe eŋu le xaxawo me la, ena eƒe mawuvɔvɔ̃ kple eƒe kaka ɖe eyama dzi me gasẽ ɖe edzi. (Psalmo 31:23-25) Gake David ƒe mawuvɔvɔ̃ me va gbɔdzɔ zi etɔ̃ sɔŋ eye esiawo gblẽ nu le eŋu vevie. Gbãtɔ dzɔ esime wòwɔ ɖoɖo be woatsɔ Yehowa ƒe nubablaɖaka aɖo tasiaɖam dzi ayi Yerusalem, le esi teƒe be Lewi viwo natsɔe ɖe abɔta abe ale si Mawu ƒe Sea gblɔe ene. Esime Usa, si nɔ tasiaɖam la kplɔm do asi ɖa lé Aɖakaa be megamu o la, eku enumake le eƒe ‘bubumademade Mawu ŋu’ ta. Nyateƒee, nu vɔ̃ si nye ŋkubiãnyae Usa wɔ, gake ne míagblɔe koŋ la, esi David do kpo bubu si dze dede Mawu ƒe Sea ŋu tae afɔku gã ma dzɔ ɖo. Be woavɔ̃ Mawu fia be woawɔ nuwo wòasɔ ɖe eƒe mɔwo nu.—2 Samuel 6:2-9; 4 Mose 4:15; 7:9.
FEBRUARY 22-28
NU XƆASI SIWO LE MAWU ƑE NYAA ME | 4 MOSE 5-6
“Aleke Nàte Ŋu Asrɔ̃ Naziritɔwo?”
mwbr21.01 8 ¶4
Naziritɔwo
Nu vevi etɔ̃ aɖewo li si mele be ame siwo ɖe adzɔgbe zu Naziritɔwo nawɔ o: (1) Mele be woano nu muame aɖeke o, eye mele be woaɖu naneke si wotsɔ waintsetse wɔ o; eɖanye waintsetse maɖimaɖi, ɖiɖia alo ƒuƒua o, eye mele be woano waintsetse me tsi aɖeke o, eɖanye vivia alo tsitsia o. (2) Mele be woakpa ɖa o. (3) Mele be woaka asi ame kuku ŋu o, ne woƒe ƒometɔ kpamkpam, abe wo tɔ, wo nɔ, alo wo nɔvi enee ku gɔ̃ hã.—4Mo 6:1-7.
Adzɔgbeɖeɖe Tɔxɛwo. Ame si ɖe adzɔgbe tɔxɛ sia le eɖem fia be yedi be “yeatsɔ ye ɖokui ana Yehowa azu Naziritɔ” [alo yeɖe ye ɖokui ɖe vovo na Yehowa], ke menye be yeatsɔ aɖee afia be yee subɔa Mawu wu ne amewo nakafu ye o. Ke boŋ “ame kɔkɔe wònye na Yehowa le ŋkeke siwo katã me wònye Naziritɔ.”—4Mo 6:2, 8; tsɔe sɔ kple 1Mo 49:26.
Eya ta gɔmesese vevi aɖewo le nu siwo wodi tso Naziritɔwo sia ŋu le Yehowa subɔsubɔ me. Abe Naziritɔwo ke enea, wobia tso nunɔlagãa hã si be mele be wòaka asi ame kuku aɖeke ŋu o, ne eƒe ƒometɔ kpamkpam ye ku gɔ̃ hã, le dɔ kɔkɔe si wɔm wòle ta. Wobia tso nunɔlagãa kple nunɔla bubuawo si be mele be woano wain alo aha muame aɖeke hafi ava wɔ dɔ kɔkɔewo na Yehowa o, elabe agbanɔamedzi gã aɖee dɔ mawo nye.—3Mo 10:8-11; 21:10, 11.
Tsɔ kpe ɖe eŋua, ele be Naziritɔ ‘nagblẽ eƒe taɖa ɖi wòato ʋluyaa wòanye eƒe kɔkɔenyenye ƒe dzesi,’ eye esia ana be ame sia ame si kpɔe la ade dzesii enumake be Naziritɔe wònye. (4Mo 6:5) Hebrigbe me nya si wozã na Naziritɔ la kee wozã na wainka siwo ŋu “womeɖe o,” siwo ŋu wode se ɖo be womegaxa le Sabat kɔkɔea kple Ablɔɖeƒea me o. (3Mo 25:5, 11) Nu si gaɖe dzesie nye be woyɔ sika ga falɛ si le nunɔlagãa ƒe tablanua ŋgɔ, si dzi woŋlɔ ɖo be “Kɔkɔenyenye nye Yehowa tɔ” la be “adzɔgbeɖeɖe ƒe dzesi kɔkɔe, eye Hebrigbe me nya si wozãna na Naziritɔwo ke mee woɖee tso.” (2Mo 39:30, 31) Hebrigbe me nya ma ke mee woɖe fiakuku si woɖɔna na ame siwo wosi ami na be woaɖu fia le Israel la ƒe ŋkɔ tsoe. (2Sa 1:10; 2Fi 11:12) Le Kristo hamea mea, apostolo Paulo gblɔ be wotsɔ ɖa na nyɔnu ɖe tatsyɔnu teƒe. Esia ɖoa ŋku edzi nɛ be le dzɔdzɔme nua, eƒe ɖoƒe to vovo na ŋutsu tɔ; ele be wòabɔbɔ eɖokui ɖe Mawu ƒe tanyenye ƒe ɖoɖoa te. Eya ta nu siwo wobia tso Naziritɔwo si, be mele be woakpa ɖa o, mele be woano wain o, woanɔ kɔkɔe eye mele be woagblẽ kɔ ɖo na wo ɖokuiwo oa, ana woakpɔ ale si gbegbe wòle vevie be woagbe nu le wo ɖokui gbɔ eye woatsɔ wo ɖokuiwo ana Yehowa bliboe be yewoawɔ eƒe lɔlɔ̃nu.—1Ko 11:2-16.
Mawu Ƒe Nyaa Me Kesinɔnuwo
Nyabiabia Siwo Tso Exlẽlawo Gbɔ
Gake Samson ƒe Naziritɔnyenyea to vovo. Hafi woadzi Samson la, Yehowa ƒe dɔla gblɔ na dadaa be: “Kpɔ ɖa, èle fu fɔ ge adzi ŋutsuvi, eye talũhɛ maka ta ŋu nɛ o, elabena ɖevi la anye Mawu ƒe Naziritɔ tso edziɣi; eye axɔ ŋgɔ aɖe Israel tso Filistitɔwo si me.” (Ʋɔnudrɔ̃lawo 13:5) Esia fia be Samson meɖe Naziritɔnyenye ƒe adzɔgbe o. Mawu ŋutɔe tiae be wòanye Naziritɔ le eƒe agbe me ŋkekewo katã me. Womate ŋu azã asikaka ame kuku ŋu ƒe sea le eya gome o. Ne ɖe se sia aku ɖe eŋu eye wòadzɔ be meɖoe hafi ka asi ame kuku aɖe ŋu o la, aleke wòawɔ agagbugbɔ adze eƒe Naziritɔnyenye ƒe agbe si gɔme wòdze tso edziɣi ke la gɔme ake? Eya ta edze ƒãa be ame siwo ɖe lɔlɔ̃nu faa ƒe adzɔgbe be yewoanye Naziritɔwo kple ame siwo wotia koŋ be woanye Naziritɔ le woƒe agbe me ŋkekewo katã me la ƒe nudidiwo to vovo na wo nɔewo le mɔ aɖewo nu.