-
De Asixɔxɔ Mawu Ƒe Nunana Si Nye Agbe ŊuKpɔ Dzidzɔ Le Agbe Me Tegbee!—Biblia Me Dzodzro Si Aɖe Vi Na Wò
-
-
1. Nu ka tae wòle be míade asixɔxɔ agbe ŋu?
Ele be míade asixɔxɔ agbe ŋu, elabe agbe nye nunana tso Yehowa, mía Fofo lɔ̃ame la gbɔ. Eyae nye “agbedzɔƒe”—eyae wɔ nu gbagbewo katã. (Psalmo 36:9) “Eya ŋutɔe naa agbe kple agbegbɔgbɔ kpakple nuwo katã ame sia ame.” (Dɔwɔwɔwo 17:25, 28) Yehowa naa nu siwo míehiã be míanɔ agbe la mí. Gake menye ema ɖeɖe koe o, nu siwo wòna mí la sɔ gbɔ eye wole hamehame, ale be míate ŋu ase vivi na agbea.—Xlẽ Dɔwɔwɔwo 14:17.
-
-
De Asixɔxɔ Mawu Ƒe Nunana Si Nye Agbe ŊuKpɔ Dzidzɔ Le Agbe Me Tegbee!—Biblia Me Dzodzro Si Aɖe Vi Na Wò
-
-
2. Aleke míate ŋu aɖee afia Yehowa be míedea asixɔxɔ eƒe nunana si nye agbe ŋu?
Yehowa tsɔ ɖe le eme na wò tso keke esime dawò fɔ wò fu ke. Biblia na míenya be mawusubɔla si nye David do gbe ɖa na Mawu gblɔ nɛ be: “Wò ŋkuwo kpɔm esime menye ʋukɔe.” (Psalmo 139:16) Yehowa dea asixɔxɔ gã wò agbe ŋu. (Xlẽ Mateo 10:29-31.) Ate ɖe edzi vevie ne ame aɖe ɖoe koŋ wu ame aɖe alo ɖe eya ŋutɔ gɔ̃ hã ƒe agbe ɖa.a (2 Mose 20:13) Azɔ hã, ate ɖe Yehowa dzi vevie ne míede míawo ŋutɔwo míaƒe agbe afɔku me dzodzro alo míewɔ nu siwo wòle be míawɔ atsɔ akpɔ ame bubuwo ƒe agbe ta o. Ne míewɔa nu siwo ana míanɔ dedie eye míedea asixɔxɔ ame bubuwo ƒe agbe ŋu la, míeɖenɛ fiana be míekpɔ ŋudzedze ɖe nunana xɔasi si nye agbe ŋu.
-
-
De Asixɔxɔ Mawu Ƒe Nunana Si Nye Agbe ŊuKpɔ Dzidzɔ Le Agbe Me Tegbee!—Biblia Me Dzodzro Si Aɖe Vi Na Wò
-
-
5. Mègawɔ naneke si agblẽ nu le vi si le dɔ me la ŋu o
David gblɔ nya siwo fia be vi si le tsitsim le dadaa ƒe dɔ me la ƒe dedienɔnɔ le vevie na Yehowa ŋutɔ. Mixlẽ Psalmo 139:13-17, eye miadzro biabia sia me:
Le Yehowa gbɔ la, ɣekaɣie ame ƒe agbe dzea egɔme, esime wofɔ amea ƒe fu ye loo alo esime wodzii?
Se siwo Yehowa de na blema Israel-viwo la kpɔ vidadawo kple wo vi si le dɔ me la ta. Mixlẽ 2 Mose 21:22, 23, eye miadzro biabia siawo me:
Aleke Yehowa sena le eɖokui me ne ame aɖe meɖoe hafi wu vi si le dɔ me la o?
Aleke wòsena le eɖokui me ne ame aɖe ɖoe koŋ wu vi si le dɔ me la?b
Aleke nèkpɔ Mawu ƒe susu le nya sia ŋu?
Nɔnɔme aɖewo ate ŋu awɔe be nyɔnu si dea asixɔxɔ agbe ŋu gɔ̃ hã nase le eɖokui me be naneke meli yeawɔ tsɔ wu be yeaɖe fu o. Mixlẽ Yesaya 41:10, eye miadzro biabia siawo me:
Ne wole eƒom ɖe nyɔnu aɖe nu be wòaɖe fu la, ame ka ŋue wòle be wòatrɔ ɖo be wòakpe ɖe eŋu? Nu ka tae nèɖo eŋu nenema?
-
-
De Asixɔxɔ Mawu Ƒe Nunana Si Nye Agbe ŊuKpɔ Dzidzɔ Le Agbe Me Tegbee!—Biblia Me Dzodzro Si Aɖe Vi Na Wò
-
-
b Mele be ame siwo ɖe fu kpɔ la nana woƒe dzitsinya nabu fɔ wo fũu akpa o, elabena Yehowa ate ŋu atsɔe ake wo. Ne èdi be yeakpɔ nya bubuwo ku ɖe nya sia ŋu la, xlẽ nyati si nye “Nya Kae Biblia Gblɔ Tso Fuɖeɖe Ŋu?” si dze le nusɔsrɔ̃ sia ƒe akpa si nye Ku Nu Me Tso Nyatia Ŋu.
-