NYABIASE 6
Nya kae Biblia gblɔ ɖi tso Mesia la ŋu?
NYAGBLƆÐI
“Oo wò, Betlehem Efrata, . . . mewòe ame si anye dziɖula le Israel la ado tso nam.”
EMEVAVA
“Esi wodzi Yesu le Betlehem le Yudea le fia Herodes ŋɔli la, kpɔ ɖa, ɣletivimefakalawo tso Ɣedzeƒe va Yerusalem.”
NYAGBLƆÐI
“Woma nye awuwo ɖe wo nɔewo dome, eye wodzidze nu ɖe nye awu dzi.”
EMEVAVA
“Ke esi asrafowo he Yesu ɖe ati ŋu la, wotsɔ eƒe awudziwuiwo, eye woma wo ɖe akpa ene me . . . Ke wometɔ awutewuia ya o, ɖe wolɔ̃e bliboe tso dzi va anyi. Eya ta wogblɔ na wo nɔewo be: ‘Migana míadzee o, ke boŋ mina míadzidze nu ɖe edzi ne míakpɔ ame si tɔ wòanye.’”
NYAGBLƆÐI
“Ekpɔa eƒe ƒuwo katã ta; womeŋe wo dometɔ ɖeka pɛ hã o.”
EMEVAVA
“Esi wova Yesu gbɔ la, wokpɔ be eku xoxo, eya ta womeŋe eƒe afɔwo o.”
NYAGBLƆÐI
“Míaƒe dzidada tae woƒo nu ɖee ɖo.”
EMEVAVA
“Asrafoawo dometɔ ɖeka tɔ akplɔ eƒe axadame, enumake ʋu kple tsi do go.”
NYAGBLƆÐI
“Wotsɔ klosalo blaetɔ̃ xe fe nam.”
EMEVAVA
“Eye Ame Wuieveawo dometɔ ɖeka si woyɔna be Yuda Iskariot la yi nunɔlawo ƒe tatɔwo gbɔ ɖabia wo be: ‘Nu kae mianam ne madee asi na mi?’ Wogblɔ be yewoana klosalo blaetɔ̃e.”