NU XƆASI SIWO LE MAWU ƑE NYA LA ME | YEREMIYA 51-52
Yehowa Ƒe Nyawo Katã Vaa Eme Pɛpɛpɛ
Yehowa gblɔa nu siwo ava dzɔ le etsɔme la ɖi pɛpɛpɛ
Persia fiaƒemedzɔla aŋutrɔdala
“Minyre aŋutrɔwo”
Mediatɔwo kple Persiatɔwo nye aŋutrɔdala bibiwo eye aŋutrɔ koŋ ye nye woƒe aʋawɔnu. Wonyrea woƒe aŋutrɔwo ale be woate ŋu atɔ ame ayi eme
“Babilon ƒe aʋawɔlawo dzudzɔ aʋawɔwɔ”
Nabonido ƒe Ŋutinyakpememe gblɔ be: “Kores ƒe aʋakɔa ge ɖe Babilon dua me aʋamawɔmawɔe.” Esia wɔ ɖeka kple Yeremiya ƒe nyagblɔɖia
Nabonido ƒe Ŋutinyakpememe
“Babilon azu glikpo, [eye] azu aƒedo tegbee”
Tso ƒe 539 D.Y. me la, bubu si nɔ Babilon ŋu la nɔ to yim vivivi. Aleksanda Gãtɔ di be yeawɔ Babilon wòazu yeƒe fiadu gake eku kukpo. Le Kristotɔwo ƒe ɣeyiɣia ƒe gɔmedzedze la, Yudatɔ aɖewo kpɔtɔ nɔ Babilon, esia na apostolo Petro yi ɖasrã wo kpɔ le Babilon. Gake kaka ƒe alafa ene K.Ŋ. naɖo la, dua zu aƒedo eye ame aɖeke meganɔ afi ma o