14-16. Nukae Xabakuk 3:14, 15 gblɔ be adzɔ ɖe Yehowa ƒe amewo kple woƒe futɔwo dzi?

¹⁴ Le Harmagedon la, woatɔtɔ amesiwo le agbagba dzem be yewoatsrɔ̃ Yehowa ƒe “amesiamina” la. Le Xabakuk 3:14, 15 ƒe nya nu la, nyagblɔɖila la ƒo nu kple Mawu hegblɔ be: “Ètsɔ eƒe akplɔ ƒo ɖe ta na eƒe amegãwo; wonyẽ zi va, be woakam ahlẽ; wole aseye tsom abe ɖe wobe, yewoaɖu ame dahe le bebeme ene. Ètsɔ wò sɔwo to atsiaƒu kple tɔ gã nyanyrãwo dzi.”

¹⁶ Gake nu geɖe gale ŋgɔ. Yehowa azã gbɔgbɔmeŋusẽ si gbɔ amegbetɔ tɔ ŋu awu eƒe futɔwo tsɔtsrɔ̃ nui. Atsɔ eƒe dziƒoʋakɔ si le Yesu Kristo te la ƒe “sɔwo” aho aʋadziɖuɖutɔe ato “atsiaƒu” kple ‘tɔ gã nyanyrã’ siwo nye futɔ siwo le dzidzim ɖe edzi le ameƒomea me la dzi. (Nyaɖeɖefia 19:11-21) Ɣemaɣie woaɖe ame vɔ̃ɖiwo ɖa le anyigba dzi. Mawu ƒe dzɔdzɔenyenye ɖeɖefia sẽŋu ka gbegbee nye si wòanye!