‘Ame sia ame si le ŋku lém ɖe nyɔnu ŋu, eye wòdzroe la, ewɔ ahasi kplii xoxo le eƒe dzi me.’​—Mateo 5:28.

Le kpɔɖeŋu me, Biblia gblɔe tẽe be, ne ŋutsu srɔ̃tɔ ‘le ŋku lém ɖe nyɔnu bubu ŋu,’ eye wòdzroe la, esia ate ŋu akplɔe ade ahasiwɔwɔ me. Biblia ƒe mɔfiame sia yi na ame sia ame ‘si yia edzi kpɔa’ amamaɖeɖefotowo be wòanyɔ gbɔdɔdɔ ƒe dzodzro ɖe ye me, amea ɖanye srɔ̃tɔ alo tre o. Mawu nyɔa ŋu nuwɔna sia.