Kayafa ɖe eƒe vɔ̃ɖivɔ̃ɖi fia esi wògblɔ na ehati dziɖulawo be: “Miedea ŋugble ɖe eme . . . o bena, enyo na mí bena, ame ɖeka naku ɖe dukɔ la ta, eye bena dukɔ blibo la nagatsrɔ̃ o.” Nuŋlɔɖia yi edzi be: “Gake megblɔ esia le eya ŋutɔ ɖokui si o; ke boŋ, esi wònye nunɔlagã le ƒe ma me la ŋuti, wògblɔ nya ɖi bena, Yesu laku ɖe dukɔ la ta; eye menye ɖe dukɔ la ta ɖeɖeko o, ke boŋ, bena wòaƒo mawuvi, siwo kaka la, nu ƒu ɖekae. Azɔ tso ŋkeke ma dzi la woɖo bena, [yewoawu Yesu].”—Yohanes 11:49-53.

Kayafa ŋutɔ mese nya siwo wògblɔ la gɔme bliboe o. Esi wònye nunɔlagã ta la, egblɔ nya ɖi.b Viɖe anɔ Yesu ƒe kua ŋu—gake menye na Yudatɔwo ɖeɖeko o. Eƒe agbe si wòatsɔ ana tafee la awɔe be woaɖe ameƒomea katã tso nuvɔ̃ kple ku ƒe kluvinyenye me.