Dzidzɔ ka gbegbee nye esi wònyena be ame nanɔ ƒome wɔɖeka si me lɔlɔ̃ le me! Stor·geʹ ye nye Helagbe me nya si wozã zi geɖe tsɔ ɖɔ dzɔdzɔmelɔlɔ̃ si nɔa ame siwo nye ƒome ɖeka me tɔwo dome. Kristotɔwo dzea agbagba ɖea lɔlɔ̃ fiaa woƒe ƒometɔwo. Paulo gblɔe ɖi be, le ŋkeke mamlɛawo me la, ame geɖe anye “ame siwo melɔ̃a ame ƒe nya o.”b—2 Tim. 3:1, 3.

Ewɔ nublanui be dzɔdzɔmelɔlɔ̃ si wòle be wòanɔ ƒometɔwo dome la megabɔ le egbexexea me o. Nu ka tae funɔ geɖe ɖea fu ɖo? Nu ka tae ƒome geɖewo megatsɔa ɖeke le eme na wo dzila tsitsiwo o? Nu ka tae srɔ̃gbegbe yi edzi le dzidzim ɖe edzi kabakaba nenema gbegbe? Ŋuɖoɖoa ŋutɔŋutɔ ye nye be, Amewo megalɔ̃a ame ƒe nya o.