3. Aleke Yehowa Ðasefowo lɔ̃a wo nɔewo abe ale si Yesu lɔ̃ eƒe nusrɔ̃lawo ene?

Yesu lɔ̃ eƒe nusrɔ̃lawo ale gbegbe be ɖeko wonɔ nɛ abe eƒe ƒometɔwo ene. (Xlẽ Marko 3:35.) Nenema kee Yehowa Ðasefowo hã wɔ ɖeka eye wonye ƒome gã si me tɔwo le xexea me godoo. Esia tae míeyɔa mía nɔewo be nɔviŋutsu kple nɔvinyɔnu ɖo. (Filemon 1, 2) Azɔ hã, míewɔa sedede si nye, ‘Milɔ̃ nɔviwo ƒe habɔbɔ bliboa katã’ la dzi. (1 Petro 2:17) Yehowa Ðasefowo ɖea lɔlɔ̃ sia fiana le mɔ vovovowo nu. Le kpɔɖeŋu me, míekpena ɖe míaƒe haxɔsetɔ siwo le xexea me godoo la ŋu ne nane dzɔ si wɔe be wohiã kpekpeɖeŋu.

6. Ne míexɔ nyɔnyrɔ la, míeva zua Yehowa ƒe ƒomea me tɔwo

Ne míexɔ nyɔnyrɔ la, míeva zua ƒome gã ɖeka si le xexea me godoo la me tɔwo. Togbɔ be míetso dukɔ vovovowo me eye míaƒe dekɔnuwo to vovo hã, míaƒe dzixɔsewo le ɖeka eye míewɔna ɖe se kple mɔfiame siwo le Biblia me dzi. Mixlẽ Psalmo 25:14 kple 1 Petro 2:17, eye miadzro biabia sia me:

• Ne ame aɖe xɔ nyɔnyrɔ la, aleke eya kple Yehowa kpakple ame siwo subɔnɛ la dome anɔ?

Ne míele haxɔsetɔwo dome la, míesena le mía ɖokui me abe Fia David ene. Egblɔ be: “Kpɔ ale si wònyo eye wòvivinae ɖa ne nɔviwo le afi ɖeka le ɖekawɔwɔ me!” (Psalmo 133:1) Míaƒe ɖekawɔwɔa mevana le eɖokui si o. Ele na mía dometɔ ɖe sia ɖe be wòawɔ akpa aɖe be ɖekawɔwɔa nanɔ anyi.

1. Nu kae ɖe dzesi le Mawu ƒe amewo ŋu?

Ne ède hame ƒe kpekpe le dukɔ bubu aɖe me la, ɖewohĩ màse gbe si dom wole ya o, gake àɖe dzi ɖi. Nu ka tae? Nu si tae nye be, Biblia-srɔ̃gbalẽ ɖeka mawo ke koe míezãna tsɔ srɔ̃a Biblia le xexea me godoo. Azɔ hã, míedzea agbagba ɖea lɔlɔ̃ fiaa mía nɔewo. Afi ka kee míeɖale o, mí katã ‘míeyɔa Yehowa ƒe ŋkɔ, eye míesubɔnɛ le ɖekawɔwɔ me.’—Zefaniya 3:9.

2. Nu kae nàte ŋu awɔ be ɖekawɔwɔ nanɔ hamea me?

Biblia gblɔ be: “Milɔ̃ mia nɔewo vevie tso dzi me ke.” (1 Petro 1:22) Aleke nàte ŋu awɔ ɖe Biblia ƒe aɖaŋuɖoɖo sia dzi? Mègatsɔ susu ɖo ame bubuwo ƒe gbɔdzɔgbɔdzɔwo ŋu o, ke boŋ na wò susu nanɔ woƒe nɔnɔme nyuiwo ŋu. Mègade ha kple hawòtiwo kple ame siwo doa vivi ɖe nu siwo dzɔa dzi na wò ŋu la ɖeɖe ko o, ke boŋ dze agbagba nàde ha kple nɔviŋutsu kple nɔvinyɔnu ƒomevi vovovowo hã. Azɔ hã, ele be míadze agbagba atsri nazãbubu ɖe sia ɖe si anɔ mía me ɖe ame ƒomevi aɖewo ŋu.—Xlẽ 1 Petro 2:17.a

3. Nu kae nàwɔ ne masɔmasɔ aɖe ɖo wò kple hati Kristotɔ aɖe dome?

Togbɔ be míewɔ ɖeka hã la, míede blibo o. Ɣeaɖewoɣi la, míewɔa nu siwo vea mía nɔviwo alo tena ɖe wo dzi gɔ̃ hã. Esia tae Mawu ƒe Nyaa gblɔ na mí be, “Miyi edzi . . . miatsɔ anɔ mia nɔewo kem faa,” eye wògagblɔ hã be: “Ale si ko Yehowa tsɔ ke mi faa la, miawo hã miwɔ nenema ke.” (Xlẽ Kolosetɔwo 3:13.) Míewɔa nu wòtena ɖe Yehowa dzi zi geɖe, gake etsɔnɛ kea mí. Eya ta, edi be míawo hã míatsɔe ake mía nɔviwo. Ne èkpɔe be yewɔ nu wòte ɖe ame aɖe dzi la, dze agbagba nàdzra mia kplii dome ɖo kaba.—Xlẽ Mateo 5:23, 24.b

SRƆ̃ NU BUBUWO

4. Mègabu nazã ɖe ame ƒomevi aɖewo ŋu o

Míedina be míalɔ̃ mía nɔviwo katã. Gake ɖewohĩ esesẽna na mí be míalɔ̃ ame ƒomevi aɖewo. Nu kae ate ŋu akpe ɖe mía ŋu? Mixlẽ Dɔwɔwɔwo 10:34, 35, eye miadzro biabia siawo me:

• Yehowa xɔa ame ƒomeviwo katã be woanye yeƒe Ðasefowo. Ne míedi be míasrɔ̃ Yehowa la, ke nɔnɔme kae wòle be wòanɔ míawo hã si ɖe ame ƒomevi bubuwo ŋu?

• Aleke miaƒe nutoa me tɔwo bua nazã ɖe ame ƒomevi aɖewo ŋui? Nu ka tae wòle be nàƒo asa na nazãbubu mawo tɔgbi?

Mixlẽ 2 Korintotɔwo 6:11-13, eye miadzro biabia sia me:

• Nu kae akpe ɖe ŋuwò be nàlɔ̃ mía nɔviwo katã geɖe wu?

5. Tsɔe ke nɔviwòwo faa eye nàwɔ ŋutifafa kpli wo

Yehowa tsɔna kea mí faa togbɔ be mahiã gbeɖe be míawo hã míatsɔ akee o hã. Mixlẽ Psalmo 86:5, eye miadzro nyabiase siawo me:

• Nu kae mawunyakpukpui sia fia mí tso Yehowa ŋu?

• Nu ka tae wòdzɔ dzi na wò be Yehowa lɔ̃a tsɔtsɔke?

• Nu kawoe ate ŋu ana wòasesẽ na mí be mía kple ame bubuwo dome navivi?

Aleke míate ŋu asrɔ̃ Yehowa ale be ɖekawɔwɔ nanɔ mía kple mía nɔviwo dome? Mixlẽ Lododowo 19:11, eye miadzro nyabiase sia me:

• Ne ame aɖe do dziku na wò alo dze agɔ le dziwò la, nu kae nàte ŋu awɔ atsɔ adzra mia kplii dome ɖo?

Ɣeaɖewoɣi la, míedzea agɔ le ame bubuwo dzi. Ne edzɔ alea la, nu kae wòle be míawɔ? Mikpɔ VIDEOA, eyome miadzro nyabiase sia me.

VIDEO: Ŋutifafawɔwɔ Hea Yayrawo Vanɛ (6:01)

• Le videoa me la, afɔ kae nɔvinyɔnua ɖe tsɔ wɔ ŋutifafa?

6. Wò susu nenɔ nɔviwòwo ƒe nɔnɔme nyuiwo ŋu

Ne míeva le si dzem mía nɔviwo nyuie la, míeva nyana woƒe nɔnɔme nyuiwo kple woƒe gbɔdzɔgbɔdzɔwo siaa. Nu kae akpe ɖe mía ŋu be míaƒe susu nanɔ woƒe nɔnɔme nyuiwo ŋu? Mikpɔ VIDEOA, eyome miadzro biabia si gbɔna me.

VIDEO: Atsyɔ̃ Wònye Ne Èŋe Aɖaba Ƒu Agɔdzedze Dzi! (5:10)

• Nu kae akpe ɖe ŋuwò be wò susu nanɔ nɔviwòwo ƒe nɔnɔme nyuiwo ŋu?

Míaƒe nɔnɔme nyuiwo koŋ ŋue Yehowa léa ŋku ɖo. Mixlẽ 2 Kronika 16:9a eye miadzro biabia sia me:

• Esi nèkpɔe be míaƒe nɔnɔme nyuiwo koŋ ŋue Yehowa léa ŋku ɖo la, aleke esia na nèse le ɖokuiwò me?

NU SIWO MÍESRƆ̃

Àte ŋu akpe asi ɖe eŋu be ɖekawɔwɔ nanɔ hamea me ne ètsɔa amewo ƒe vodadawo kea wo eye nèlɔ̃a nɔviwo katã.

Numetoto

• Aleke nàte ŋu aƒo asa na nazãbubu ɖe ame ƒomevi aɖewo ŋu?

• Nu kae nàwɔ ne masɔmasɔ ɖo mia kple hati Kristotɔ aɖe dome?

• Nu ka tae nàdi be yeasrɔ̃ Yehowa ƒe kpɔɖeŋu eye nàtsɔ amewo ƒe vodadawo ake wo?

KU NU ME TSO NYATIA ŊU

Le video sia me la, àkpɔ ale si Yesu ƒe kpɔɖeŋu aɖe ate ŋu akpe ɖe mía ŋu be míaganɔ vodada dim le amewo ŋu o.

Ðe Atikpo La (6:56)

Ðe wòhiã be míaɖe kuku ne míese le mía ɖokui me be míedze agɔ aɖeke o gɔ̃ hã?

“Kukuɖeɖe—Enye Mɔ Nyuitɔ si Dzi Woato Awɔ Ŋutifafa” (Gbetakpɔxɔ, November 1, 2002)

Le video sia me la, àkpɔ nu si kpe ɖe ame aɖewo ŋu wova srɔ̃ ale si woalɔ̃ amewo katã awɔ nu ɖe wo ŋu nyuie.

Mègadrɔ̃ Ʋɔnu Amewo Le Woƒe Gotagomedzedzeme Nu O (5:06)

Le nyati sia me la, àkpɔ ale si míate ŋu akpɔ masɔmasɔwo gbɔ ale be woagagblẽ hamea ƒe ŋutifafa me o.

“Mikpɔ Masɔmasɔwo Gbɔ Le Lɔlɔ̃ Me” (Gbetakpɔxɔ, May 2016)