Rome
12 Mmọdo mmada mbọm Abasi n̄kpe mbufo ubọk, nditọete, nte, ẹda idem+ mbufo ẹnọ Abasi nte odu-uwem+ uwa+ emi asanade,+ emi Abasi onyụn̄ enyịmede ndibọ,+ kpa edisana utom+ emi ẹdade ukeme ukere n̄kpọ mbufo ẹnam.+ 2 Ẹnyụn̄ ẹtre ndibiet+ editịm n̄kpọ emi, edi ẹkpụhọde oto ke edinam ekikere mbufo edi obufa,+ man mbufo ẹkpedomo ẹfiọk+ uduak+ Abasi eke edide eti onyụn̄ enemde enye esịt onyụn̄ ọfọnde ama.
3 Koro nda mfọnido oro owo mîdotke emi ẹkenọde mi ntịn̄ nnọ kpukpru owo do ke otu mbufo nte owo okûkere aban̄a idemesie akan nte enye ekpekerede;+ edi yak ekere ke usụn̄ oro owụtde ke enye enyene eti ibuot,+ nte ekemde ye udomo+ mbuọtidem+ oro Abasi ọnọde owo kiet kiet. 4 Koro kpa nte nnyịn inyenede ediwak ndido ke idem kiet,+ edi kpukpru ndido emi inamke orụk utom kiet, 5 kpasụk ntre, okposụkedi nnyịn iwakde, nnyịn idi idem kiet ke Christ,+ edi idi ndido emi idianade ye kiet eken.+ 6 Sia nnyịn, ndien, inyenede enọ eke edide nsio nsio+ nte ekemde ye mfọnido oro owo mîdotke+ emi ẹkenọde nnyịn, edide itịn̄ prọfesi, ẹyak nnyịn itịn̄ nte ekemde ye udomo mbuọtidem oro ẹkenọde nnyịn; 7 onyụn̄ edieke edide utom, ẹyak nnyịn ika iso inam utom emi;+ owo eke onyụn̄ ọnọde ukpep,+ yak enye aka iso ọnọ ukpep;+ 8 owo eke onyụn̄ ọnọde item, yak enye aka iso ọnọ item;+ owo eke edemede n̄kpọ, yak enye anam emi ke ntatubọk;+ owo eke adade usụn̄,+ yak enye enen̄ede esịn ifịk anam emi; owo eke atuade owo mbọm,+ yak enye anam emi ye idatesịt.
9 Ẹkûyak ima+ mbufo asan̄a ye mbubịk.+ Ẹsua se idiọkde,+ ẹyịre ke se ifọnde.+ 10 Ẹda ima nditọete+ ẹnyene esịt ima ẹnọ kiet eken. Ẹda iso ke ndinọ kiet eken ukpono.+ 11 Ẹkûsịn ifu ke mbubehe mbufo.+ Ẹnyene ifiopesịt ke spirit.+ Ẹdụk ufụn ẹnọ Jehovah.+ 12 Ẹdat esịt ke idotenyịn.+ Ẹyọ ke ini ẹdude ke ukụt.+ Ẹkọbọ ke akam.+ 13 Ẹnọ ndisana owo se inanade mmọ.+ Ẹma ndikama isenowo.+ 14 Ẹka iso ẹdiọn̄ mmọ oro ẹkọbọde mbufo;+ ẹdọdiọn̄+ ẹkûsosụn̄i.+ 15 Ẹdara ye mmọ emi ẹdarade;+ ẹtuan̄a ye mmọ emi ẹtuan̄ade. 16 Ẹkere ẹban̄a kiet eken kpa nte ẹkerede ẹban̄a idem mbufo;+ ẹkûkere ikpọ n̄kpọ,+ edi ẹyom mme usụhọde n̄kpọ.+ Ẹkûnịm idem ke mfiọk-n̄kaha.+
17 Ẹkûda idiọk ẹsio owo usiene idiọk.+ Ẹnam se ifọnde ke enyịn kpukpru owo. 18 Edieke usụn̄ odude, adan̄a nte mbufo ẹkekeme, ẹtie ke emem+ ye kpukpru owo. 19 Ẹkûsio usiene+ ẹnọ idem mbufo, ndima, edi ẹyak ufan̄ ẹnọ iyatesịt Abasi;+ koro ẹwet ẹte: “Jehovah ọdọhọ ete, usiene enyene mi; ami nyosio usiene.”+ 20 Edi, “edieke biọn̄ ọdọn̄de asua fo, nọ enye udia adia; edieke itọn̄ asatde enye, nọ enye mmọn̄ ọn̄wọn̄;+ koro ke edinam ntem afo oyobok enye mbubek ikan̄ ke ibuot.”+ 21 Ẹkûyak idiọk akan mbufo, edi ẹka iso ẹda nti edinam ẹkan idiọk ubọk.+