Nte Abasi Eyefiak Osobo Mme Idiọk Owo?

22 Mme owo ẹdiọk etieti mfịn, nde. Nso ndiọi n̄kpọ ke ẹnam ke ebiet emi?

23 Ndusụk owo ẹwot mbon eken. Abasi ọdọhọ ete ke afo unyeneke ndinam emi.—Exodus 20:13; 1 John 3:11, 12

24 Ndusụk owo ẹyịp inọ. Abasi ọdọhọ ete ke afo unyeneke ndiyịp inọ.—Exodus 20:15; N̄wed Mbon Ephesus 4:28

25 Ndusụk owo ẹdọ uwak iban. Mbon eken ẹdụn̄ ye iban iba m̀mê ẹbede oro ke nsionsio ufọk. Ndien mbon eken ẹdụn̄ ọtọkiet ke ini mîdọhọ ndọ. Kpukpru emi ẹdu ke ntuaha ye se Bible ọdọhọde.—Matthew 19:4-6; 1 Corinth 7:1-4;1 Timothy 3:1, 2

26 Nte emeti ete ke Abasi ọkọnọ Adam n̄wan kiet kpọt?—Genesis 2:22, 24

27 Ndusụk owo ẹtuak ibuot ẹnọ ndisọi n̄kpọ. Abasi ọdọhọ ke afo unyeneke ndikama ndisọi n̄kpọ m̀mê mme m̀biét ke utuakibuot.—Exodus 20:4, 5; Isaiah 44:9-17; 1 John 5:21

28 Jehovah eyesobo mme idiọk owo oro mîkabakede esịt.—Psalm 37:9, 10; Luke 13:5; 1 Corinth 6:9, 10