Watchtower ONLINE LIBURUTEGIA

«Pozez eta espiritu santuz beterik»

«Jainkoaren Erreinuari buruzko testigantza osoa»
- 5. Azaldu nola predikatu zuten Zipren.
  
  ⁵ Bernabe eta Saulo Antiokiatik abiatu eta Seleuziara oinez iritsi ziren. Han, itsasontzi bat hartu eta Zipreraino joan ziren, 200 bat kilometroko bidaia eginez.d Bernabe uharte hartakoa zenez, berri onak bere jaioterrian zabaltzeko irrikitan egongo zen. Salaminara, uhartearen ekialdean zegoen hirira, iritsi orduko, denborarik galdu gabe «juduen sinagogetan Jainkoaren hitza predikatzen hasi ziren» (Eg. 13:5).e Gero, punta batetik bestera uharte osoa zeharkatu zuten, seguruenik hiri garrantzitsuenetan predikatuz. Ez dakigu zer bide jarraituko zuten, baina misiolari haiek, agian, 160 bat kilometro egingo zituzten oinez!
  
  JUDUEN SINAGOGAK
  
  Literalki «sinagoga» hitzak «bilera» esan nahi du. Hasieran, elkarrekin biltzen ziren judu talde bati egiten zion erreferentzia hitz honek, baina denborarekin, biltzen ziren tokiari honela deitzen hasi zitzaion.
  
  Badirudi sinagogak juduak Babilonian erbesteratuta egon zirenean, edo handik gutxira, sortzen hasi zirela. Era honetara, non zeuden axola gabe, Jehoba adoratu zezaketen. Zer egiten zuten juduek sinagogetan? Jehobari buruz ikasi, Idazkiak irakurri eta hauetan oinarritutako hitzaldiak entzun. Kristo ondorengo I. menderako, palestinar herri bakoitzak bere sinagoga zuen. Hiri handietan bat baino gehiago egoten zen eta Jerusalemen asko zeuden.
  
  Babiloniako erbesteratzearen ondoren, judu guztiak ez ziren Palestinara itzuli. Batzuk beste herrialde batzuetara joan ziren negozio kontuengatik. Kristo aurreko V. menderako, Persiar Inperioko 127 probintzietan juduen komunitateak zeuden (Est. 1:1; 3:8). Denborarekin, Mediterraneo itsasoaren inguruko hirietan juduen auzoak sortu ziren eta hauetan ere sinagogak eratu zituzten. Sakabanatutako judu talde haiei «Diaspora» deitzen hasi zitzaien. Hitz horrek «Sakabanatzea» esan nahi du.
  
  Sinagogetan, Larunbatero Legea irakurri eta azaltzen zen. Irakurketak mintzaleku batetik egiten ziren, eta honen aurrealdean eta alboetan eserlekuak egoten ziren. Larunbatetan, juduak elkartzen zirenean, edozein gizon leialek parte hartu zezakeen irakurketan, eta azalpenak eta hitzaldiak eman zitzakeen.

«Pozez eta espiritu santuz beterik»

«Jainkoaren Erreinuari buruzko testigantza osoa»
- d Lehen mendean, itsasontzi batek egun batean 160 bat kilometro egin zitzakeen haizea alde bazuen. Baina eguraldi txarra egiten zuenean, bidaiek askoz ere denbora gehiago irauten zuten.