Éyong ayong dèñ é mbe dé bo ñe melo, Jehôva a mbe é lôm bekule medzô bèñ naa be bame ye ve de akira. Éfônan, Jehôva a nga dzô ngalane nkule medzô Jeremías naa : « Bulughan, a Israel a ne melo [. . .] Maa ye ki buru asu dam ôsi ye ôlun akal duè, amu me ne sôsôe [. . .] Maa ye ki wô baghle zing mbèmbèè. Yebeghe fave naa wa ku, amu ô va bo Jehôva, é Nzame wiè melo » (Jér. 3:12, 13). Ngalane nkule medzô Joel, Jehôva a nga dzô naa : « Bulughan ébe ma, ye min’nem misese mienan » (Joël 2:12, 13). Ngalan Esaïe a nga dzô naa : « Fubeghane mina bebièn ; vèèghane mbimbia mimboane mienan asu dam ; simghane naa mia bo é dzam é ne abé » (Esaïe 1:16-19). Ye naa, ngalan Ézéchiel, Jehôva a nga sili be naa : « Ye awu mbia môr da ve ma mevakh ? [. . .] Ye maa bame kômô naa a tsen mbia abo-dulu dèñ, ye tsini naa a ning ? Awu môr ézing daa vaghle ki me ve mevakh, [. . .] éde, tseneghan abo-dulu denan ye ning » (Ézéch. 18:23, 32). Jehôva a ne édedèè mvom éyong a yen naa bôr ba dzôbane minsem mieba, amu a kômô naa be ning mbèmbèè ! w24.08 Af. 9 Bif. 5-6.

Bôr besese be ye ayong Jehôva ba bele bidzi bi ya nsisim, melepgha, ye nkamane ba yi. Éfônan da lere naa Jehôva éé se ki ôbangam, é ne naa, a ve bôr besese be ye si ése ngura naa, be ne lang Bible ému. Ôsusua, Bible a mbe ntsilan minkobe milal : Hebreo, Arameo, ye Griego nge ki Hébreu, Araméen ye Grec. Ye é bôr ba yem lang Bible minkobe be nga tare ñe tsili, ébe ba dang bele élat é ne ngu’u ya Jehôva, a lôt é bôr bevoo be ne kaa mi yem ? Kaa dzôm, déé se ki nèè (Mat. 11:25). Jehôva aa bane ki bia naa bi bo memvuiñ mèñ, fave nge bi ne n’yeman, nge ki naa, bia yem minkobe be nga tare tsili Bible. Ndaane de, Jehôva a ve naa, môr asese a bele n’yeman wèñ, se ki fave é bôr be nga bo bura besikôlô. Be nga konghlan nkobe wèñ, Bible, ébe betoyini a minkobe ; aval da ve naa, bôr besese be ye si ése ngura, be ne buane ayeghle dèñ, ye yeghe aval be ne bo memvuiñ mèñ (2 Tim. 3:16, 17). w24.06 Mef. 6-7 Bif. 13-15.

Ntsamane Jerusalén, Yésu a nga kobe wô, ô nga yir bébéñ (Luc 21:20). Bebela a ne naa, a bo Paul nge ki bekristen be ya Judea, béé mbe ki bé yem é tam ntsaman ôté ô nga ye boban. Afang bo aval té, bekristen be mbe belan é tam é ligheya be, naa ba kôman nfa ya wône mebun ye azôme deba (Behéb. 10:25 ; 12:1, 2). Bi nkuna tubane bitsible bia dang ébi bekristen Behébreu be nga tubane bio (Mat. 24:21 ; Mel. 16:14, 16). N’yeneghan é mbemba melepgha Jehôva a nga ve bekristen Behébreu bia fe, bi ne buane mo. É kalare a nga tsili Behébreu été, ntôl Pablo nge ki Paul a nga saghe bekristen bevoo naa be yeghe ye binane Nkobe Nzame (Behéb. 5:14–6:1). Paul a nga tu nten Behebreo ye lere amu dzé aval bekristen be nga kang Jehôva é nga dang mbeng y’aval Bejudíos be nga bo de. Paul a nga saghe bekristen naa be tugha yem, ye wokh é bebela a ne Mintsili été, nfa ye naa, be yem meyeghle me ne bivus ye tep me. w24.09 Mef. 8-9 Bif. 2-3 ; Af. 10 Éf. 6.