-
Vakavulici Keda o Jiova Meda Vinaka KinaParofisai i Aisea—Me Vakararamataka na Kawatamata II
-
-
19. Na vosa ni vakamamasu cava e sa qai tauca o Jiova?
19 E totoka na vosa i Jiova ni tusanaka na nona diva mera kua ni sotava na ka ca na nona tamata, me maravu tu ga na nodra bula: “De ko a vakarorogo ki na noqu vunau! sa na qai vaka na uciwai na nomu vakacegu, ka vaka na ua ni wasawasa na nomu cakacaka dodonu.” (Aisea 48:18) Na nona vakamamasu oqo na Dauveibuli e vakamamasu dina ni loloma! (Vakarua 5:29; Same 81:13) Ke ra a vakarorogo na Isireli ke ra a sega ni lai tu vakavesu, ke ra a vakila na vakacegu levu me vaka na drodro ni uciwai. (Same 119:165) Na nodra ivalavala dodonu ena sega ni wiliki rawa, ena vaka na ua ni wasawasa. (Emosi 5:24) E kauaitaki ira dina na Isireli o Jiova, oya na vuna e vakamasuti ira kina vakayalololoma, e vakaraitaka vei ira na sala mera lakova. Ke ra a vakarorogo mada ga!
-
-
Vakavulici Keda o Jiova Meda Vinaka KinaParofisai i Aisea—Me Vakararamataka na Kawatamata II
-
-
21. Na veivakalougatataki cava eda na vakila ke da qara na veidusimaki i Jiova ena gauna oqo?
21 Na ivakavuvuli e koto vata mai kei na itukutuku bibi oqo e yaga tale ga vei ira na qaravi Jiova ena gauna oqo. O Jiova na iVurevure ni bula, o koya duadua ga e kila vinaka na ivakavakayagataki dodonu ni noda bula. (Same 36:9, NW) Sa vakarautaka vei keda na nona ivakaro—na ivakaro oqo e yaga vei keda, e sega ni kauta tani na noda marau. Era rai vei Jiova na lotu Vakarisito yalomatua, era qara na nona veidusimaki. (Maika 4:2) E taqomaki keda vakayalo na nona ivakaro, e maroroya na noda veiwekani kei koya, qai viribaiti keda mai na yaloca vakasetani. Nida kila vinaka na ivakavuvuli e yavu tiko mai ni lawa ni Kalou, eda na qai raica ni dau vakavulici keda o Jiova meda vinaka ga kina. Eda na raica ni “sega ni i colacola bibi na nona ivakaro.” Eda na sega tale ga ni muduki tani.—1 Joni 2:17; 5:3, VV.
-