-
“Gauna ni Vinakati”Parofisai i Aisea—Me Vakararamataka na Kawatamata II
-
-
8. E vakacava na nodra rogoci koya na Mesaia na kainona, ia na veivakadonui nei cei e bibi vua?
8 Ia, e sega li nira cati Jisu, ra sega ni ciqomi Jisu e levu ga na kainona? Io. E sega ni ciqomi Jisu, na iTalatala lumuti ni Kalou, na matanitu o Isireli. (Joni 1:11) Vei ira na bula ena gauna i Jisu, era nanuma beka ni ka kece e cakava e lailai sara na kena yaga se sega sara ga na betena. Na nodra nanuma cala oqo me baleta na nona cakacaka vakaitalatala e qai vosa tarava kina na Mesaia ni kaya: “Sa sega ni yaga na noqu oca, ka’u sa vakaotia wale na noqu kaukauwa ka sa sega dina ni yaga.” (Aisea 49:4a) Sega ni tauca na Mesaia na vosa oqo baleta ni yalolailai. Rogoca na vosa e cavuta tarava: “Ia sa tu vei Jiova na noqu veivakadonui, kei na [“isau ni,” NW] noqu cakacaka sa tu ga vua na noqu Kalou.” (Aisea 49:4b) Na yaga ni nona cakacaka na Mesaia e sega ni vakatau ena nodra veivakadonui na tamata, e vakatau ena nona veivakadonui na Kalou.
-
-
“Gauna ni Vinakati”Parofisai i Aisea—Me Vakararamataka na Kawatamata II
-
-
10 Nikua, e rawa nira nanuma na imuri i Jisu ni sega ni yaga na nodra cakacaka. Ena so na vanua, ena vaka e sega sara ga ni vakilai na yaga ni nodra cakacaka ni laurai vata kei na nodra sasaga. Ia, era vosota tiko ga ni vakayaloqaqataki ira na ivakaraitaki i Jisu. E vakaukauataki ira tale ga na vosa i Paula na yapositolo ni a vola: “O koya ga oqo, oi kemudou na wekaqu lomani, mo dou qai tu dei sara, mo dou kakua ni yavala, mo dou uasivi cake e na cakacaka ni Turaga e na gauna kecega, ni dou sa kila sa sega ni ka walega na nomudou cakacaka e na vuku ni Turaga.”—1 Korinica 15:58.
-