-
“E Kaukaua ni Kalou o Karisito”Toro Voleka Vei Jiova
-
-
18-20. (a) Na cava e uqeti Jisu me vakayagataka nona kaukaua? (b) Cava nomu rai ena sala e vakabula kina na didivara?
18 E tu na kaukaua vei Jisu, ia e sega vakadua ni vakataki ira na iliuliu dau veivakalolomataki. E kauaitaki ira na lewenivanua. Nona raici ira mada ga na vakaloloma e tarai koya sara ga, e vinakata me vakacegui ira. (Maciu 14:14) E kauaitaka na lomadra kei na ka era vinakata. Na nona yalololoma gona e uqeti koya me vakayagataka nona kaukaua me vakacegui ira kina. Dua na kena ivakaraitaki e tiko ena Marika 7:31-37.
19 Era a raici Jisu e dua na ilala levu, era qai kauta yani vua e levu na tauvimate, e vakabulai ira kece o koya. (Maciu 15:29, 30) Ia e dua vei ira e kauaitaka vakalevu o Jisu. Na turaga qori e didivara qai sega ni vosa rawa. De dua sa kila rawa tu o Jisu nona taqaya kei na nona madua. Na levu ni nona nanumi koya o Jisu, e kauti koya vakatikitiki ina dua na vanua lala. Sa qai matanataka eso na ka o Jisu me kila kina na turaga qo na ka e sa vakarau cakava. E “daramaka nona iqaqalo e daligana, ni kasivi oti, sa qai tara na yamena.”c (Marika 7:33) Oti e tacake i lomalagi, qai cegu vinaka. E vaka ga e tukuna tiko o Jisu vua na turaga didivara, ‘Na ka au vakarau cakava qo e rawa ga ena kaukaua ni Kalou.’ Oti qori, sa qai kaya o Jisu: “Mo tadola mai.” (Marika 7:34) Mai rogo tale yani na daligana na turaga qori, sa qai vosa rawa.
-
-
“E Kaukaua ni Kalou o Karisito”Toro Voleka Vei Jiova
-
-
c Na kasivi e dau ivakatakilakila ni veivakabulai vei ira na Jiu kei ira na Kai Veimatanitu, e kilai tale ga ena ka era vola na rapai ni qori e dau nodra wainimate. Rairai kasivi o Jisu me vakaraitaka vua na turaga didivara ni sa vakarau vakabulai. Eda sega ni kila na vuna e kasivi kina, ia e macala ga ni sega ni vakayagataka me wainimate.
-