Nukplɔnkplɔn 4

Mɛ Ka Nyí Awovi?

Fitɛ wɛ Sataan Awovi go sín? (1, 2)

Nɛ Sataan nɔ blɛ gbɛtɔ lɛ gbɛn? (3-7)

Etɛwu wɛ a ɖo na syɛnlin ɖò Awovi nukɔn? (7)

1. Xogbe “awovi” ɔ tinmɛ ɖɔ mɛ e nɔ ɖó núvú syɛnsyɛn do mɛɖevo wu. “Sataan” ɔ tinmɛ ɖɔ kɛntɔ abǐ gbèklanxámɛtɔ. Xogbe enɛ lɛ wɛ nyí níná kɛntɔgan Mawu tɔn. Ð’ayi ɔ, wɛnsagun mímɛ́ wɛ é nyí bo nɔ nɔ kpɔ xá Mawu dó sɛxwé. Enɛgudo ɔ, é huzu goyitɔ bo wá jlo ɖɔ̀ è ni sɛ̀n emi bo jó Mawu dó.—Matie 4:8-10.

2. Wɛnsagun enɛ ɔ, Sataan, ɖɔxó nú Ɛva gbɔn dàn ɖe ji. Gbɔn núvú ɖiɖo n’i gbla mɛ, e wá zɔ́n bɔ Ɛva gbà sɛ́n Mawu tɔn. Ali enɛ xo ɔ, é ci te dó nu e nyí yiylɔ ɖɔ “nubiwukpetɔ” Mawu tɔn ji abǐ tɛn yiaga Ajalɔnlɔn tɔn ɔ. Sataan dɔ̀n nǔ ɖɔ Mawu ka ɖo ganɖu wɛ ganji bo nɔ ba dagbe mɛ e ji É ɖo ganɖu wɛ lɛ tɔn ájí. Sataan lɛ́ ɖɔ̀n nǔ ɖɔ gbɛtɔ ɖebu ka sixu nɔ alɔji nú Mawu ájí. Enɛwutu ɔ, Sataan huzu kɛntɔ Mawu tɔn. Nǔ e wutu wɛ zɔn bɔ e wá nyí yiylɔ Sataan Awovi e nɛ.—Genèse 3:1-5; Job 1:8-11; Nǔɖexlɛ́mɛ 12:9.

3. Sataan nɔ tɛnkpɔn bo na do dɔ̀n gbɛtɔ lɛ bɔ yé na nɔ sɛ̀n ɛ. (2 Kɔlɛntinu lɛ 11:3, 14) Alixo ɖokpo e é nɔ dó dɔ̀n gbɛtɔ lɛ wɛ nyí sinsɛ̀n núvú tɔn. Enyí sinsɛ̀n ɖe nɔ kplɔ́n adingban mɛ dó Mawu wu ɔ, e xlɛ́ ɖɔ̀ sinsɛ̀n enɛ ɖò azɔ̌ wà nú Sataan wɛ. (Jaan 8:44) Mɛɖe e ɖò sinsɛ̀n núvú tɔn mɛ lɛ ɔ nɔ lɛn ɖɔ émi ɖo Mawu nugbo ɔ sɛ̀n wɛ. Amɔ̌ nugbo nugbo ɔ, Sataan sɛ̀n wɛ yé ɖe. É wɛ nyí ‘mawu gbɛ̀ elɔ tɔn.’—2 Kɔlɛntinu lɛ 4:4.

4. Majikibiblo wɛ nyí alixo ɖevo e Sataan nɔ do dɔ̀n mɛ lɛ dò eɖe glɔ é. Yé nɔ ylɔ yɛ lɛ bo na do xɔ́ yé, bo na dó tagba nú mɛɖevo lɛ, bo na do ɖɔ nǔ e na wá jɛ ɖo sɔ, abǐ bo na dó blo nujiwu lɛ. Sataan wɛ nyí hlɔnhlɔn nyanya e ɖo nuwiwa elɔ lɛ bǐ gudo ɔ. Co nu mí na nyɔ Mawu nukún mɛ ɔ, mí ɖo na ɖó nuwiwa ɖebu ɖò majikibiblo mɛ ǎ.—Deutéronome 18:10-12; Mɛsɛ́dó 19:18, 19.

5. Sataan nɔ lɛ́ dɔ̀n gbɛtɔ lɛ ɖo goyíyí akɔta tɔn abǐ sinsɛ̀n nuzedayi toxoɖɔtɔ lɛ tɔn lɛ mɛ. É nɔ zɔ́n bɔ mɛɖe lɛ nɔ lin ɖɔ tò émitɔn abi akɔ émitɔn nyɔ́ hú mɛɖevo lɛ tɔn. Loɔ e ka nyí mɔ ǎ. (Mɛsɛ́dó 10:34, 35) Mɛɖe lɛ nɔ lin ɖɔ nuzedayi toxoɖɔtɔ lɛ tɔn lɛ na ɖè tagba yetɔn lɛ sín. Ðo mɔ mɛ ɔ, yé gbɛ́ Axɔsuɖuta Mawu tɔn. Ganɖuɖu enɛ ɔ wɛ ka na ɖè tagba mítɔn lɛ bǐ sín.—Daniel 2:44.

6. Alixo ɖevo e Sataan nɔ dó dɔ̀n mɛ lɛ wɛ nyí jlo nyanya. Jehovah ɖɔ́ nú mí ɖɔ̀ mí ni hɔn nú nǔnyanya wiwà ɖó é tuùn ɖɔ̀ e na nyí ɖagbe nú mí ǎ wutu. (Galatinu lɛ 6:7, 8) Mɛɖe lɛ sixu jlo ɖɔ a ni “nɔ kpɔ” xá yé ɖo nǔnyanya mɔhunkɔ tɔn wiwà mɛ. Loɔ, bo flin ɖɔ, nugbo nugbo, Sataan wɛ jlo ɖɔ mí ni blo nǔ enɛ lɛ.—1 Kɔlɛntinu lɛ 6:9, 10; 15:33.

7. Sataan sixu zan yadonumɛ abi nukunvandomɛ gbɛtɔ tɔn bɔ a na dó jó Jehovah sinsɛ̀n dó. Mɛ yiwanna towe ɖe lɛ sixu sín xomɛ do wè ɖó a ɖò Biblu kplɔ́n wɛ wútu. Mɛɖevo lɛ sixu jɛ kiko wè jí. Amɔ̌ mɛ ka wɛ a ka ɖu gbɛ̀ xɔ́ do tawun? Sataan jlo na dó xɛsi nú wè bɔ a na jó nukpinkplɔn do Jehovah wu dó. Ma lɔn nú Sataan ɖù ɖo ji we ó! (Matie 10:34-39; 1 Piyɛɛ 5:8, 9) Enyí ɖɔ a syɛnlin ɖò Awovi nukɔn ɔ, xomɛ ná hùn Jehovah do wutu towe bɔ a na xlɛ́ ɖɔ̀ a ɖò gudo nú nubiwukpetɔ́ Tɔn.—Proverbes 27:11.

[Tinmɛ E Nɔ Nɔ Ðiɖe Glɔ É, Wexwɛ 9]

Sinsɛ̀n núvú tɔn, majikibiblo, kpó wanyiyi nú akɔ mɛtɔn glanglan kpó nɔ blɛ́ gbɛtɔ lɛ

[Tinmɛ E Nɔ Nɔ Ðiɖe Glɔ É, Wexwɛ 9]

Syɛnlin ɖò Sataan nukɔn gbɔn nukplɔnkplɔn tɛ̀gbɛ̀ tɔn towe do Jehovah wu gbla mɛ