“Mɛsɛntɔ́ ce e un sɔ́ ɔ ɖíe. Mɛ vívɛ́ná ce wɛ bɔ xomɛ nɔ hun mì dó wǔ tɔn. Un na sɔ́ [gbigbɔ] ce ɖó jǐ tɔn, bɔ é na jla hwɛjijɔxó Mawu tɔn nú akɔta lɛ bǐ. É na dɔn nǔ xá mɛɖé ǎ; é ka ja xó sú gbé ǎ; mɛɖé ka ja gbè tɔn sè gbé ɖò toligbó xò ǎ. É na nyínyɛ́ fántín e ko tɔ̀ é ǎ; é ka na cí myɔ e ko ɖò cící wɛ é ǎ. É na bló mɔ̌ kaka jɛ hwenu e mɛ bǐ na xwedó Mawu sɛ́n ɔ dó é. Bɔ akɔta lɛ bǐ na ɖó nukún i.”​—Matie 12:18-21; Ezayíi 42:1-4.

Etɛ ɖɔ wɛ xógbe “é na dɔn nǔ xá mɛɖé ǎ; é ka ja xó sú gbè ǎ; mɛɖé ka ja gbè tɔn sè gbè ɖò toligbó xó ǎ” ɔ ka ɖè? Enyi Jezu gbɔ azɔn nú mɛ lɛ gudo ɔ, é nɔ dó sɛ́n nú ye alǒ nú awovi lɛ ɖɔ “ye ma ɖɔ mɛ e emi nyí ɔ nú mɛɖé sè ó.” (Maki 3:12) É jló ɖɔ mɛɖé ni jla emi kpo zingidi kpo gbɔn toligbó lɛ xò, alǒ kpi tan e ma sɔgbe ǎ lɛ é kpo akpàkpà sɔ́ mɛ kpo bonu mɛ lɛ na dó tuùn emi ǎ.