• Gɔ̌ Sò nú Bǔninɔ Agun ɔ Tɔn
    Ðu Gbɛ̀ Víví Kaka Sɔyi!: Biblu Kplɔnkplɔn E Na Hɛn Lè Wá nú We É

    • 3. Nú gbemanɔkpɔ́ ɖé ɖò hwi kpo Klisanwun hatɔ́ ɖé kpo tɛntin ɔ, etɛ a ka na wà?

      Mǐ ɖò bǔ, amɔ̌, mǐ lɛ́ nyí hwɛhutɔ́. Hweɖelɛnu ɔ, mǐ nɔ dó xomɛsin nú mǐɖée lɛ, alǒ tlɛ nɔ jɛ agɔ dó mǐɖée lɛ. Enɛ wu ɔ, Xó Mawu tɔn ɖɔ nú mǐ ɖɔ: “Mi nɔ . . . sɔ́ [hwɛ] kɛ miɖée.” É ɖɔ gɔ́ na ɖɔ: “Mi ɖó na nɔ sɔ́ hwɛ kɛ miɖée lee Aklunɔ sɔ́ kɛ mi é ɖɔhun.” (Xà Kolosinu lɛ 3:13.) Azɔn mɔ̌kpan wɛ mǐ nɔ jɛ agɔ dó Jehovah, é ɖò mɔ̌ có, é ka nɔ sɔ́ hwɛ kɛ mǐ. Enɛ wu ɔ, é nɔ ba ɖɔ mǐ ni nɔ sɔ́ hwɛ kɛ nɔví mǐtɔn lɛ. Nú a mɔ ɖɔ emi jɛ agɔ dó mɛɖé hǔn, ɖè afɔ nukɔntɔn ɔ bá dó ɖeɖɛ xó ɔ.—Xà Matie 5:23, 24.b