Cí e kú Jezu tɔn ɖi adakaxotɔ́ ɖé ɖɔhun na kɔn dó Tɔ́ tɔn sín nyikɔ wu é ɖò ayi mɛ ɖu n’i wɛ tawun. Amɔ̌, Jehovah ɖò ɖɛ e xò wɛ Vǐ tɔn ɖè é sè wɛ, bɔ é jɛ hweɖenu é ɔ, é sɛ́ wɛnsagun ɖokpo dó b’ɛ wá dó wusyɛn lanmɛ n’i. É ɖò mɔ̌ có, Jezu ɖó vosisa nú Tɔ́ tɔn te ǎ, loɔ, é kpó “ɖò ɖɛ xò wɛ syɛnsyɛn.” Wuvɛ̌ e sè wɛ é ɖè ɖò lanmɛ é syɛn tawun. Agban ɖaxó ɖé wɛ nyí enɛ bo ɖò kɔ jí nú Jezu à cé? Gbɛ̀ mavɔmavɔ éɖesunɔ tɔn kpo gbɛtɔ́ nùɖitɔ́ lɛ tɔn kpo wɛ ɖò atɛ jí. Nugbǒ ɔ, “dɛ̌n e jɛ wɛ é ɖè ɔ cí hun ɖɔhun, bo nɔ kun kɔn nyì ayǐ.”​—Luki 22:44.