-
Gbeklánxámɛ ɖo fínɛ́ có, xó ɔ “ɖo gbigba kpé wɛ, bo lɛ́ ɖo ɖuɖéjí ɖó wɛ”“Ðe kúnnu dó Axɔ́súɖuto Mawu tɔn wú mlɛ́mlɛ́”
-
-
“Hunnyahunnya ɖaxó ɖé fɔ́n” (Mɛsɛ́dó 19:23-41)
Mɛ ce lɛ́ mi, mi tuun ganjí ɖɔ azɔ̌ élɔ́ wɛ nɔ dó dɔkun nú mǐ.”—Mɛsɛ́dó 19:25
16, 17. (a) Tínmɛ lěe Demɛtliwúsi fɔ́n hunnyahunnya nyi te ɖo Efɛ́zi gbɔn é. (b) Nɛ̌ nǔwiwa Efɛ́zinu lɛ́ tɔn ka xlɛ́ ɖɔ yě nɔ bló sinsɛnnɔ zɛ xwé wú gbɔn?
16 Din ɔ, mǐ ná ɖɔ xó dó wlɛnwín e Satáan zán bɔ Luki ɖɔ xó d’é wú hwenu e é wlán ɖɔ “hunnyahunnya ɖaxó ɖé fɔ́n, ɖó Ali nǔgbó ɔ wútu” é wú. Xó kpannyikpannyi wɛ wá.e (Mɛ. 19:23) Ayǎtɔ́ kpatágan tɔn e nɔ nyí Demɛtliwúsi é fɔ́n hunnyahunnya nyi te. Jɛ nukɔn hwɛ̌ ɔ, é to flín alɔlyɛnzɔ́watɔ́ gbɛ̌ tɔn lɛ́ ɖɔ bǒcyɔ sisa wɛ nɔ dó dɔkun nú yě. Énɛ́ gúdo ɔ, é xlɛ́ ɖɔ wɛn e jlá wɛ Pɔ́lu ɖe é ná zɔ́n bɔ ajɔ̌ yětɔn kún sɔ́ ná ɖi sa ó, ɖó klisánwun lɛ́ nɔ sɛn bǒcyɔ ǎ. Gǔdo mɛ ɔ, é fɔ́n gǒ e tóɖóetɔ́ lɛ́ nɔ gó ɖó toví e yě nyí é wú é kpó gǒ e yě nɔ gó ɖó to yětɔn wú é kpó nyi te, bo gb’akpá nú yě ɖɔ nǔmɛsɛn yětɔn Aatemísi kpó xɔ yětɔn nukúnɖéjí e yě ɖe ɖó vo n’i é kpó ɖo axɔ́ nu, ɖó mɛ lɛ́ sɔ́ “ná nɔ . . . mɔ . . . dó mɔ nǔɖéwanú ǎ.”—Mɛ. 19:24-27.
-
-
Gbeklánxámɛ ɖo fínɛ́ có, xó ɔ “ɖo gbigba kpé wɛ, bo lɛ́ ɖo ɖuɖéjí ɖó wɛ”“Ðe kúnnu dó Axɔ́súɖuto Mawu tɔn wú mlɛ́mlɛ́”
-
-
e Mɛ ɖé lɛ́ ɖɔ ɖɔ nǔ énɛ́ e jɛ é xó ɖɔ wɛ Pɔ́lu ɖe, hwenu e é ɖɔ xó élɔ́ nú Kɔlɛ́ntinu lɛ́ é: “Mǐ tlɛ tuun nú mǐ ná gán ɖ’é mɛ ǎ.” (2 Kɔ. 1:8) Amɔ̌, ninɔmɛ e nylá hú mɔ̌ é ɖé wú ɖɔ xó dó wɛ é sixú ko ɖe. Hwenu e Pɔ́lu ɖɔ ɖɔ émí ‘xo hun xá gběkanlin lɛ́ ɖo Efɛ́zi’ é ɔ, gesí dó xwi e é ɖí xá adǎnkanlin lɛ́ ɖo nǔkpɔ́ntɛn ɖé, alǒ gbeklánxámɛ é wɛ é sixú ko ɖe. (1 Kɔ. 15:32) É sixú nyí ninɔmɛ we énɛ́ lɛ́ ɖěbǔ.
-