Lee È Bló Tuto nú Agun ɔ Gbɔn É

Jehovah ɔ, Mawu tito jí tɔn ɖé wɛ. (1 Kɔlɛntinu lɛ 14:33) Enɛ wu ɔ, mǐ na ɖó nukún ɖɔ togun tɔn lɔ na ɖò tito jí. Nɛ̌ è ka bló tito nú agun Klisanwun tɔn gbɔn? Nɛ̌ mǐ ka sixu nɔ gudo nú tito jí ninɔ tɔn gbɔn?

1. Mɛ̌ ka nyí ta nú agun ɔ?

‘Klisu wɛ kpa acɛ nú agun’ ɔ. (Efɛzinu lɛ 5:23) É nɔ kpé nukún dó azɔ̌ e wà wɛ è ɖè ɖò togun Jehovah tɔn mɛ gbɔn gbɛ̀ ɔ bǐ mɛ lɛ é wu sín jixwé. Jezu sɔ́ “[deví] gbejinɔtɔ́, ayiɖotenanɔ” e nyí gbɛ̌ta kpɛví mɛxo e ko zin lɛ é tɔn ɖé é. Ye wɛ è nɔ lɛ́ ylɔ́ ɖɔ Hagbɛ̌ Alixlɛ́mɛtɔ́ ɔ. (Xà Matie 24:45-47.) Mɛsɛ́dó xwè kanweko nukɔntɔn ɔ tɔn lɛ kpo mɛxo e ɖò Jeluzalɛmu lɛ é kpo ɖɔhun ɔ, Hagbɛ̌ Alixlɛ́mɛtɔ́ ɔ nɔ na alixlɛ́mɛ lɛ agun e gbɔn gbɛ̀ ɔ bǐ mɛ lɛ é. (Mɛsɛ́dó 15:2) Amɔ̌, sunnu enɛ lɛ nyí gǎn nú tutoblonunu mǐtɔn ǎ. Ye nɔ xà Biblu ɔ bá dó tuùn nǔ e Jehovah ba ɖɔ ye ni wà é, bo nɔ sɔ́ jlǒ dó xwedó alixlɛ́mɛ Jezu tɔn.

2. Azɔ̌ tɛ mɛxo agun tɔn lɛ ka nɔ wà?

Sunnu ɖěɖee nyí Klisanwun gbejinɔtɔ́ sín xwè mɔ̌kpan ɖíe lɛ é wɛ mɛxo agun tɔn lɛ nyí. Ye nɔ zán Biblu dó kplɔ́n nǔ mɛ e ɖò togun Jehovah tɔn mɛ lɛ é, nɔ d’alɔ ye, bo nɔ lɛ́ dó wusyɛn lanmɛ nú ye. È nɔ s’axɔ́ ye nú azɔ̌ e ye nɔ wà é ǎ. É nyɔ́ wà ɔ, ye nɔ “sɔ́ jlǒ ɖagbe dó kpé nukún dó ye wu lee Mawu jló gbɔn é” bo nɔ ‘wà azɔ̌ yetɔn kpodo bibǐ ɖó dó nǔ wǔ kpan; ye nɔ xwedó akwɛ ǎ.’ (1 Piyɛ́ɛ 5:1, 2) Devízɔ́watɔ́ sinsɛnzɔ́wiwa tɔn lɛ nɔ d’alɔ mɛxo agun tɔn lɛ. Ðò nukɔnmɛ ɔ, ye lɔ sixu jɛxa bá nyí mɛxo agun tɔn.

Hagbɛ̌ Alixlɛ́mɛtɔ́ ɔ nɔ sɔ́ mɛxo ɖé lɛ bonu ye na nyí nukúnkpénuwutɔ́ lɛdo tɔn. Ye nɔ ba agun gegě kpɔ́n bo na dó na alixlɛ́mɛ lɛ nɔví lɛ lobo dó wusyɛn lanmɛ nú ye. Ye nɔ zán nǔ e è byɔ ɖò Biblu mɛ lɛ é dó kpɔ́n ɖɔ ye sixu sɔ́ nɔví sunnu ɖé b’ɛ na huzu devízɔ́watɔ́ sinsɛnzɔ́wiwa tɔn alǒ mɛxo agun tɔn à jí.—1 Timɔtée 3:1-10, 12; Titu 1:5-9.

3. Azɔ̌ tɛ Kúnnuɖetɔ́ ɖokpo ɖokpo ka ɖó?

Mɛ e ɖò agun ɔ mɛ lɛ é bǐ wɛ nɔ “kpa susu nú nyikɔ Mawu Mavɔmavɔ tɔn” gbɔn alɔ ɖiɖó ɖò kplé agun tɔn lɛ kpo sinsɛnzɔ́ ɔ kpo mɛ sɔgbe xá ninɔmɛ yetɔn lɛ gblamɛ.—Xà Ðɛhan 148:12, 13.

BA DÒ NÚ NǓ D’EJI

4. Gǎn xomɛnyɔtɔ́ ɖé wɛ Jezu nyí

Jezu nyi gbehwan ɖagbeɖagbe ɖé sɛ́dó mǐ. Xà Matie 11:28-30, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:

• Gǎn alɔkpa tɛ Jezu ka nyí? Nɛ̌ é ka ba ɖɔ nǔ ni nɔ cí nú mǐ d’ewu?

VIDEO: Mɛxo Agun Tɔn lɛ D’alɔ Ðò Ayikúngban Dánwǔ Népal Tɔn Gudo (4:56)

Biblu kplɔ́n mɛ lee mɛxo lɛ ɖó na nɔ wà azɔ̌ yetɔn gbɔn é nyi wɛn.

Xà Ezayíi 32:2 kpo 1 Piyɛ́ɛ 5:1-3 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:

• Nɛ̌ tuùn e a tuùn ɖɔ, Jezu ɖɔhun ɔ, mɛxo agun tɔn lɛ nɔ tɛ́n kpɔ́n bo na fá kɔ nú mɛ é ka cí nú we?

• Ali ɖevo tɛ lɛ nu mɔ̌ mɛxo agun tɔn lɛ ka nɔ xwedó kpɔ́ndéwú Jezu tɔn ɖè?

5. Mɛxo agun tɔn lɛ nɔ kplɔ́n nǔ mɛ gbɔn kpɔ́ndéwú yeɖesunɔ tɔn gblamɛ

VIDEO: Mɛxo Agun Tɔn lɛ Nɔ Kpé Nukún Dó Nǔ Wǔ! (7:39)

Jezu sɔ́ nǔgbododó lɛ ɖ’ayǐ nú mɛ ɖěɖee nɔ kpé nukún dó nǔ lɛ wu ɖò agun ɔ mɛ lɛ é. Xà Matie 23:8-12, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:

• Nǔgbododó Biblu tɔn tɛ lɛ è ka sɔ́ ɖ’ayǐ nú mɛxo agun tɔn lɛ? A ka lin ɖɔ sinsɛngán lɛ nɔ xwedó nǔ e Biblu ɖɔ é à?

1. Mɛxo agun tɔn lɛ nɔ hɛn yeɖesunɔ kpo xwédo yetɔn lɛ kpo lidǒ ɖò gbigbɔ lixo

2. Mɛxo agun lɛ nɔ kpé nukún dó mɛ e ɖò agun ɔ mɛ lɛ é bǐ wu

3. Mɛxo agun tɔn lɛ nɔ jlá wɛnɖagbe ɔ ɖò gbesisɔmɛ

4. Mɛxo agun tɔn lɛ nyí nǔkplɔnmɛtɔ́. Ye nɔ lɛ́ nɔ gudo nú ayǐjlajlaɖózɔ́ kpo azɔ̌ ɖevo lɛ kpo

6. Mǐ sixu wà nǔ alɔ ɖò alɔ mɛ xá mɛxo agun tɔn Lɛ

Biblu ɖɔ hwɛjijɔ taji e wu mǐ na wà nǔ alɔ ɖò alɔ mɛ xá mɛxo lɛ é nú mǐ. Xà Eblée lɛ 13:17, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:

• Etɛwu Biblu ka ɖɔ ɖɔ mǐ ɖó na sɔ́ jlǒ dó setónú nú mɛ ɖěɖee ɖò nukún kpé dó nǔ wu wɛ lɛ é? Nɛ̌ nǔ ka nɔ cí nú we dó enɛ wu?

Xà Luki 16:10, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:

• É na bo tlɛ nyí ɖò nǔ e cí nǔ e ma hwɛ́n nǔ kaka ɖé ǎ é ɖɔhun lɛ é mɛ ɔ, etɛwu é ka ɖò taji ɖɔ mǐ ni nɔ wà nǔ alɔ ɖò alɔ mɛ xá mɛxo agun tɔn lɛ?

ETƐ LƐ A KA KPLƆ́N?

Jezu wɛ nyí ta nú agun ɔ. Kpo xomɛhunhun kpo wɛ mǐ nɔ wà nǔ alɔ ɖò alɔ mɛ xá mɛxo agun tɔn e ɖò azɔ̌ wà wɛ ɖò acɛ tɔn glɔ́ lɛ é, ɖó ye nɔ fá kɔ nú mǐ bo nɔ lɛ́ kplɔ́n nǔ mǐ gbɔn kpɔ́ndéwú yetɔn lɛ gblamɛ.

Vɔ̌gbɔnji

• Mɛ̌ ka nyí ta nú agun ɔ?

• Nɛ̌ mɛxo agun tɔn lɛ ka nɔ d’alɔ agun ɔ gbɔn?

• Azɔ̌ tɛ Jehovah sɛntɔ́ lɛ ɖokpo ɖokpo ka ɖó?

KÍJÉ

Kpɔ́n kúnnuɖenú e xlɛ́ ɖɔ Klisanwun lɛ sín nǔ nɔ ɖu ayi mɛ nú Hagbɛ̌ Alixlɛ́mɛtɔ́ ɔ kpo mɛxo agun tɔn ɖevo lɛ kpo tawun ɖò égbé é.

Wusyɛn Didó Lanmɛ nú Nɔví Mǐtɔn Ðěɖee Ðò Fí E È Gbɛ́ Azɔ̌ Mǐtɔn Ðè lɛ É É (4:22)

Kpɔ́n azɔ̌ e nukúnkpénuwutɔ́ lɛdo tɔn lɛ nɔ wà é.

Gbɛzán Nukúnkpénuwutɔ́ Lɛdo Tɔn ɖé Tɔn Ðò Gletoxo ɖé Mɛ (4:51)

Xà nǔ dó azɔ̌ e nyɔnu lɛ nɔ wà ɖò agun ɔ mɛ é wu.

“Kúnnuɖétɔ́ Jehovah Tɔn lɛ Ðó Nyɔnu E Nɔ Wà Sinsɛnzɔ́ lɛ É Wɛ À?” (Atɔxwɛ [Gungbe] 1^er octobre 2012)

Ba dò nú lee mɛxo agun tɔn lɛ nɔ wà azɔ̌ syɛnsyɛn dó dó wusyɛn lanmɛ nú nǔɖitɔ́ hatɔ́ yetɔn lɛ gbɔn é.

“Klisanwun Mɛxo Agun Tɔn lɛ: ‘Azɔ̌watɔ́gbɛ́ lɛ nú Awǎjijɛ Mǐtɔn’” (Atɔxwɛ [Gungbe] 15 janvier 2013)

3. Nǔ lɛ ɖó na nɔ tito jí ɖò togun Jehovah tɔn mɛ

Ðò alixlɛ́mɛ Jezu tɔn glɔ́ ɔ, Hagbɛ̌ Alixlɛ́mɛtɔ́ ɔ nɔ bló tito nú azɔ̌ Kúnnuɖetɔ́ Jehovah tɔn lɛ tɔn. Tito mɔ̌hun ko ɖè ɖò Klisanwun nukɔntɔn lɛ tɛntin. Xò VIDEO ɔ.

VIDEO: Jehovah Bló Tuto nú Togun Tɔn (6:18)

Xà 1 Kɔlɛntinu lɛ 14:33, 40, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:

• Nɛ̌ wemafɔ enɛ lɛ ka xlɛ́ ɖɔ Jehovah ba ɖɔ Kúnnuɖetɔ́ emitɔn lɛ ni nɔ tito jí gbɔn?