17 Enɛ sɛɛ lɛ, ekɛ ŋmaa afɔle lɛ ba,+ ni ekpiti eko ekɔkɔ obɔ, ni ekɛfata shãa afɔle ni ashãa leebi+ lɛ he, ni eshã yɛ afɔleshaa latɛ lɛ nɔ.

2 “Okɛ Israelbii lɛ awie ni okɛɛ amɛ akɛ, ‘Kɛ́ nyɛná nyɛyashɛ shikpɔŋ ni mikɛhãa nyɛ koni nyɛhi nɔ lɛ nɔ,+ 3 ni nyɛkɛ tsinai loo toi lɛ eko miihã akɛ afɔle ni akɛ la shãa ahãa Yehowa lɛ—kɛ́ eji shãa afɔle+ jio, afɔle ni akɛmiitsu shiwoo krɛdɛɛ ko he nii jio, afɔle ni ajɛɔ suɔmɔ mli akɛhãa+ jio, afɔle ni ashãa yɛ nyɛgbii juji+ lɛ anɔ jio, bɔ ni afee ni eje ŋma jogbaŋŋ* ewo Yehowa lɛ+— 4 no lɛ, mɔ ni kɛ efɔle lɛ hãa lɛ, ekɛ ŋmaa* afɔle hu, ni ji ashikishaŋ kpakpa+ efa mlijai nyɔŋma mli ekome* ní akɛ mu hin* mlijai ejwɛ mli ekome efutu afata he kɛbahã Yehowa.