31 “Mahã ohusu lɛ ajɛ Ŋshɔ Tsuru lɛ naa kɛyashi Filistibii lɛ aŋshɔ lɛ naa, kɛ agbɛnɛ hu, kɛjɛ ŋa lɛ nɔ kɛyashi Faa* lɛ naa;+ ejaakɛ mikɛ shikpɔŋ lɛ nɔ bii lɛ baawo odɛŋ, ni obaashwie amɛ kɛaaje ohiɛ.+ 32 Okɛ amɛ loo amɛnyɔŋmɔi lɛ akakpaŋ kpaŋmɔ ko.+ 33 Amɛkahi oshikpɔŋ lɛ nɔ, koni amɛkahã ofee esha oshi mi. Kɛ́ osɔmɔ amɛnyɔŋmɔi lɛ, bɔ fɛɛ bɔ ni fee lɛ, no baatsɔ bo tsɔne.”+

3 Okɛ amɛ akaye gbalahamɔ.* Okɛ obiyei akahã amɛbihii, ni kaaŋɔ amɛbiyei ohã obihii.+ 4 Ejaakɛ amɛbaahã obii* lɛ aje misɛɛ ní amɛyasɔmɔ nyɔŋmɔi krokomɛi;+ ni Yehowa mli baawo la ewo nyɛ, ni ebaakpãtã nyɛhiɛ oya.+

12 “Shi kɛ́ nyɛku nyɛsɛɛ ni nyɛkɛ nyɛhe yakpɛtɛ mɛi ni eshwɛ yɛ jeŋmaji ni eshwɛ+ yɛ nyɛteŋ nɛɛ amli lɛ ahe, ni nyɛkɛ amɛ bote gbalashihilɛ mli,*+ ni nyɛkɛ amɛ bɔ, ni amɛ hu amɛkɛ nyɛ fee nakai lɛ, 13 no lɛ, nyɛnáa nyɛlea akɛ, bɔ fɛɛ bɔ ni fee lɛ, Yehowa, nyɛ-Nyɔŋmɔ lɛ, eyaŋ nɔ eshwieŋ jeŋmaji nɛɛ* ehãŋ nyɛ dɔŋŋ.+ Amɛbaatsɔmɔ tsɔne kɛ akpa kɛ kpãi ni akɛyiɔ mɔ yɛ nyɛŋmawuiaŋ+ kɛ ŋmei yɛ nyɛhiŋmɛiiaŋ kɛyashi nyɛhiɛ baakpãtã yɛ shikpɔŋ kpakpa nɛɛ ni Yehowa, nyɛ-Nyɔŋmɔ lɛ, kɛhã nyɛ lɛ nɔ.

2 Ni yɛ nyɛgbɛfaŋ lɛ, esaaa akɛ nyɛkɛ mɛi ni yɔɔ shikpɔŋ nɛɛ+ nɔ lɛ kpaŋɔ kpaŋmɔ ko, ni esa akɛ nyɛkumɔ amɛfɔleshaa latɛi lɛ nyɛshwie shi.’+ Shi nyɛbooo migbee toi.+ Mɛni hewɔ nyɛfee nakai? 3 Enɛ hewɔ ni mi hu mikɛɛ, ‘Mishwieŋ amɛ yɛ nyɛhiɛ,+ ni amɛbaatsɔ tsɔne amɛhã nyɛ,+ ni amɛnyɔŋmɔi lɛ baatsɔ nyɛ akpa’ lɛ.”+