7 Okɛ frankinsɛnsi krɔŋŋ ashwie kuu fɛɛ kuu nɔ, ni no baafee blodo ni akɛbaahã akɛ kaimɔ afɔle*+ ni akɛ la shãa ahãa Yehowa. 8 Eto yɛ Yehowa hiɛ be fɛɛ be,+ yɛ Hejɔɔmɔ Gbi fɛɛ Hejɔɔmɔ Gbi nɔ. Eji kpaŋmɔ ni kã shi daa yɛ mi kɛ Israelbii lɛ ateŋ. 9 Etsɔ Aaron kɛ ebihii lɛ anɔ,+ ni amɛye yɛ he ko ni yɔɔ krɔŋkrɔŋ,+ ejaakɛ eji afɔlei ni akɛ la shãa ahãa Yehowa lɛ amli nɔ ko ni yɔɔ krɔŋkrɔŋ fe fɛɛ kɛhã lɛ. Eji mla* ni kã shi daa.”

25 Shi ekɛɛ amɛ akɛ: “Ani nyɛkaneko nɔ ni David fee be ni ehe fi lɛ, ni hɔmɔ miiye lɛ kɛ hii ni fata ehe lɛ,+ 26 bɔ ni eba lɛ yɛ osɔfonukpa Abiatar+ sane lɛ mli lɛ, ebote Nyɔŋmɔ shĩa lɛ mli, ni eye blodo ni akɛmaa Nyɔŋmɔ hiɛ,* ni mla eŋmɛɛɛ gbɛ akɛ mɔ ko yeɔ akɛ ja osɔfoi lɛ kɛkɛ lɛ,+ ni ehã hii ni fata ehe lɛ hu eko lɛ?”

3 Shi Yesu here nɔ ekɛɛ amɛ akɛ: “Ani nyɛkaneko nɔ ni David fee be ni hɔmɔ ye lɛ kɛ hii ni fata ehe lɛ?+ 4 Bɔ ni ebote Nyɔŋmɔ shĩa lɛ mli ni akɛ blodo ni akɛmaa Nyɔŋmɔ hiɛ* lɛ hã lɛ ni eye ni ehã hii ni fata ehe lɛ hu eko lɛ, nɔ ko ni mla eŋmɛɛɛ gbɛ akɛ mɔ ko aye, ja osɔfoi lɛ pɛ lɛ?”+