3 “Ole jogbaŋŋ akɛ mitsɛ David nyɛɛɛ ama shĩa ahã Yehowa, e-Nyɔŋmɔ lɛ gbɛ́i lɛ, ejaakɛ awu tai ashi lɛ kɛjɛ he fɛɛ he kɛyashi Yehowa kɛ ehenyɛlɔi lɛ wo enajiashi.+

17 No mli lɛ, ekã mitsɛ David tsui nɔ akɛ ema shĩa ehã Yehowa, Israel Nyɔŋmɔ lɛ gbɛ́i lɛ.+ 18 Shi Yehowa kɛɛ mitsɛ David akɛ, ‘Ekã otsui nɔ akɛ oma shĩa ohã migbɛ́i lɛ, ni ehi jogbaŋŋ akɛ nɔ ko nakai kã otsui nɔ. 19 Shi jeee bo ji mɔ ni baama shĩa lɛ, shi moŋ, bo diɛŋtsɛ obinuu ni abaafɔ ahã bo lɛ,* lɛ ji mɔ ni baama shĩa lɛ ehã migbɛ́i lɛ.’+

4 “Yaa ni oyakɛɛ mitsulɔ David akɛ, ‘Nɔ ni Yehowa kɛɛ nɛ: “Jeee bo ji mɔ ni baama shĩa ohã mi ni mahi mli.+ 5 Ejaakɛ kɛjɛ gbi nɔ ni mijie Israelbii lɛ kɛbashi ŋmɛnɛ lɛ, mihiko shĩa ko mli pɛŋ, shi mama tsũ mli sɔŋŋ miyaa mibaa yɛ.*+ 6 Be ni mikɛ Israelbii lɛ fɛɛ nyiɛ lɛ mli fɛɛ lɛ, ani mikɛɛ Israel kojolɔi ni mihala akɛ amɛkwɛ mimaŋ lɛ ateŋ mɔ ko pɛŋ akɛ, ‘Mɛni hewɔ nyɛmaaa tseneduru tsei atsũ nyɛhãaa mi lɛ?’”’

7 David kɛɛ ebinuu Solomon akɛ: “Kulɛ ekã mitsui nɔ akɛ mama shĩa mahã Yehowa, mi-Nyɔŋmɔ lɛ gbɛ́i lɛ.+ 8 Shi Yehowa kɛɛ mi* akɛ, ‘Oshwie lá shi tsɔ, ni owu tai wuji. Jeee bo ji mɔ ni baama shĩa ohã migbɛ́i lɛ,+ ejaakɛ oshwie lá shi tsɔ yɛ mihiɛ yɛ shikpɔŋ lɛ nɔ.