46 Ni Mose kɛɛ Aaron akɛ: “Ŋɔɔ lajeenii lɛ, ni oje la yɛ afɔleshaa latɛ+ lɛ nɔ owo mli, ní okɛ tsofa-kɛ-ŋma ashwie nɔ, ní oya maŋbii lɛ ateŋ oya nɔŋŋ ní oyakpãtã ohã amɛ,+ ejaakɛ Yehowa mli ewo la. Amanehulu lɛ eje shishi!” 47 Amrɔ nɔŋŋ lɛ, Aaron ŋɔ lajeenii lɛ tamɔ bɔ ni Mose kɛɛ lɛ lɛ pɛpɛɛpɛ, ni ejo foi kɛtee asafo lɛ teŋ, ni naa! amanehulu lɛ eje shishi yɛ maŋbii lɛ ateŋ. No hewɔ lɛ, ekɛ tsofa-kɛ-ŋma lɛ shwie lajeenii lɛ nɔ, ni ebɔi kpatamɔ kɛ maŋbii lɛ hãmɔ.

8 Ni enyiɛ Israelnyo lɛ sɛɛ kɛtee mama tsũ lɛ mli, ni ekɛ akpɔlɔ lɛ tsu amɛyi enyɔ lɛ fɛɛ mli, ekɛtsu Israelnyo lɛ kɛ yoo lɛ mli kɛtsɔ yoo lɛ yoohe. Kɛkɛ ni amanehulu ni eba Israelbii lɛ anɔ lɛ sɛɛ fo.+

15 Kɛkɛ ni Yehowa kɛ gbele hela+ ba Israel nɔ kɛjɛ leebi kɛyashi be ni ato lɛ, ni mɛi lɛ ateŋ mɛi 70,000 gboi+ kɛjɛ Dan kɛyashi Beer-sheba.+