4 Yehoash kɛɛ osɔfoi lɛ akɛ: “Nyɛhea shika fɛɛ ni akɛbaa Yehowa shĩa lɛ kɛhã afɔlei krɔŋkrɔŋi+ lɛ, ni ji too ni esa akɛ mɔ fɛɛ mɔ awo,+ mɔ aŋkro fɛɛ mɔ aŋkro yi jara,* kɛ shika fɛɛ shika ni mɔ tsui tsirɛɔ lɛ akɛ ekɛba Yehowa shĩa lɛ.+ 5 Osɔfoi lɛ ateŋ mɔ fɛɛ mɔ baahe yɛ mɛi ni kɛ shika lɛ baa lɛ* adɛŋ koni amɛkɛsaa shĩa lɛ he fɛɛ he ni abaana akɛ efite lɛ.”*+

29 Be ni Hezekia+ batsɔ maŋtsɛ lɛ, no mli lɛ, eye afii 25, ni eye nɔ afii 29 yɛ Yerusalem. Atsɛɔ emami Abiya, Zakaria biyoo lɛ.+

3 Yɛ enɔyeli lɛ klɛŋklɛŋ afi lɛ mli, yɛ klɛŋklɛŋ nyɔɔŋ lɛ nɔ lɛ, egbele Yehowa shĩa lɛ shinai lɛ, ni esaa amɛ.+

9 Amɛtee osɔfonukpa Hilkia ŋɔɔ ni amɛkɛ shika ni akɛba Nyɔŋmɔ shĩa lɛ hã lɛ, ni ji shika ni Levibii ni sɔmɔɔ akɛ shinaanaakwɛlɔi lɛ ebua naa kɛjɛ Manase, kɛ Efraim, kɛ Israel wekui ni eshwɛ lɛ,+ kɛ agbɛnɛ hu, Yuda, kɛ Benyamin, kɛ Yerusalembii lɛ fɛɛ adɛŋ lɛ. 10 Kɛkɛ ni amɛkɛhã mɛi ni ahala akɛ amɛkwɛ Yehowa shĩa lɛ nitsumɔ lɛ nɔ lɛ. Ni nitsulɔi ni tsuɔ nii yɛ Yehowa shĩa lɛ mli lɛ kɛ shika lɛ tsu nii kɛsaa shĩa lɛ.