16 No hewɔ lɛ, nɔ ni Nuŋtsɔ Ofe Yehowa kɛɛ nɛ:

Mɔ fɛɛ mɔ ni heɔ eyeɔ lɛ etsui efaŋ.+

17 Shi ekwɛ amɛhiɛ tɛ̃ɛ ni ekɛɛ: “No hewɔ lɛ, mɛni ji nɔ ni aŋma nɛɛ shishi: ‘Tɛ lɛ ni tsumalɔi lɛ shɛ amɛfɔ̃ lɛ, no nɔŋŋ etsɔ koŋtɛ ni he hiaa fe fɛɛ* lɛ’?+

11 Mɔ nɛ ji ‘tɛ ni nyɛ ni nyɛji tsumalɔi lɛ ebuuu lɛ hãaa nɔ ko, ni etsɔ koŋtɛ ni he hiaa fe fɛɛ* lɛ.’+

11 Ejaakɛ mɔ ko nyɛŋ etswa faneshi kroko fe nɔ ni atswa lɛ, ni ji Yesu Kristo.+

19 No hewɔ lɛ, jeee gbɔi kɛ maŋsɛɛbii ji nyɛ dɔŋŋ,+ shi moŋ nyɛ kɛ mɛi krɔŋkrɔŋi lɛ fɛɛ ji maŋbii,+ kɛ Nyɔŋmɔ shĩa lɛ mli bii hu,+ 20 ni atswa nyɛ ama bɔfoi lɛ kɛ gbalɔi lɛ afaneshi lɛ nɔ,+ ni Kristo Yesu diɛŋtsɛ ji faneshi lɛ koŋtɛ lɛ.+

4 Be mli ni nyɛbaa eŋɔɔ, akɛ tɛ ni hiɛ kã ni gbɔmɛi ekpoo,+ shi Nyɔŋmɔ ehala lɛ, ni ejara wa yɛ ehiɛ lɛ,+ 5 nyɛ hu, akɛ tɛi ni hiɛ kamɔ lɛ, aatswa nyɛ aama shi akɛ mumɔŋ tsũ+ koni nyɛtsɔmɔ osɔfoi aweku krɔŋkrɔŋ, bɔ ni afee ni nyɛtsɔ Yesu Kristo nɔ nyɛkɛ mumɔŋ afɔlei+ ni Nyɔŋmɔ náa he miishɛɛ ahã.+ 6 Ejaakɛ eyɛ Ŋmalɛ lɛ mli akɛ: “Naa! Mikɛ tɛ ni ahala, faneshi koŋtɛ ni jara wa, miiŋmɛ shi yɛ Zion, ni mɔ fɛɛ mɔ ni heɔ enɔ eyeɔ lɛ nine enyɛŋ shi* kɔkɔɔkɔ.”+

7 No hewɔ lɛ, akɛni nyɛhe Nuŋtsɔ lɛ nɔ nyɛye hewɔ lɛ, ejara wa hã nyɛ; shi mɛi ni heee yeee lɛ, “tɛ lɛ ni tsumalɔi lɛ shɛ amɛfɔ̃ lɛ,+ no nɔŋŋ etsɔ koŋtɛ ni he hiaa fe fɛɛ* lɛ”+