18 No mli lɛ, Samuel miisɔmɔ+ yɛ Yehowa hiɛ, ni eyɛ mli akɛ gbekɛ nuu fioo ji lɛ moŋ, shi ewoɔ* klala efɔd.+ 19 Agbɛnɛ hu, enyɛ kpɛɔ atade bibioo ni nine bɛ he, ni daa afi kɛ́ Hana kɛ ewu lɛ kwɔ kɛba koni amɛbashã daa afi afɔle lɛ, ekɛbahãa lɛ.+

3 Nakai nɔŋŋ yei onukpai lɛ hu, amɛba amɛjeŋ akɛ Nyɔŋmɔ gbeyeishelɔi, amɛkawie mɛi ahe efɔŋ, amɛkahã dãanumɔ babaoo ye amɛ nyɔŋ, amɛfee mɛi ni tsɔɔ nii kpakpai, 4 koni amɛwo oblayei lɛ ŋaa* ni amɛsumɔ amɛwumɛi, ni amɛsumɔ amɛbii, 5 ni amɛjwɛŋ jogbaŋŋ, amɛhe atse, amɛtsu nii yɛ shĩa,* amɛfee ekpakpa, amɛba amɛhe shi amɛwo amɛ diɛŋtsɛ amɛwumɛi ashishi,+ koni akagbe Nyɔŋmɔ wiemɔ lɛ he guɔ.