10 “Kɛ́ Yehowa, o-Nyɔŋmɔ lɛ, kɛ bo yashɛ shikpɔŋ ni ekã otsɛmɛi Abraham kɛ Isak kɛ Yakob kitã yɛ he akɛ ekɛbaahã bo lɛ nɔ+—maji wuji ni yɔɔ fɛo ni jeee bo oto,+ 11 shĩai ni amɛmli eyimɔ obɔbɔ kɛ nibii kpakpai srɔtoi ni jeee bo otsu owo mli, bui ni atsatsai ni akɛtoɔ nu ni jeee bo otsa, kɛ wain ŋmɔji ni jeee bo ofee, kɛ oliv tsei ni jeee bo odu*—ni oye ni otɔ lɛ,+ 12 kwɛmɔ jogbaŋŋ ni ohiɛ akakpa Yehowa nɔ,+ mɔ ni jie bo kɛje Ejipt shikpɔŋ lɛ nɔ, mɔ ni jie bo kɛje nyɔŋyeli shĩa lɛ.

12 Kɛji oye nii ni otɔ, ni omamɔ shĩai fɛfɛji ni ohi mli,+ 13 kɛji otsinai kɛ otoi shwere babaoo, ni ojwiɛtɛi kɛ oshika tsuru bafa babaoo, ni oná nɔ fɛɛ nɔ babaoo lɛ, 14 kaahã otsui wó ehe nɔ+ ní no hã ohiɛ kpa Yehowa, o-Nyɔŋmɔ lɛ nɔ, mɔ ni jie bo kɛje Ejipt shikpɔŋ lɛ nɔ lɛ, kɛje nyɔŋyeli shĩa lɛ,+

15 Be ni Yeshurun* shwi lɛ, ekɛ atuatsemɔ shi ntia.

Oshwi, ofee titirii, ofu agbo.+