11 Ŋɔɔ jwiɛtɛi kɛ shika tsuru, ní okɛfee akekere,* ní okɛbu Osɔfonukpa Yoshua,+ Yehozadak binuu lɛ yitso. 12 Ní okɛɛ lɛ akɛ,

“‘Nɔ ni Yehowa, taiatsɛ lɛ, kɛɛ nɛ: “Naa nuu ni atsɛɔ lɛ Tso Ni Etsɛ̃ lɛ.+ Ebaatsɛ̃ kɛjɛ lɛ diɛŋtsɛ egbɛhe lɛ, ni ebaama Yehowa sɔlemɔ shĩa lɛ.+ 13 Lɛ ji mɔ ni baama Yehowa sɔlemɔ shĩa lɛ, ni lɛ ji mɔ ni baaŋɔ agbojee lɛ. Ebaata emaŋtsɛ sɛi lɛ nɔ eye nɔ, ni ebaaye osɔfo hu yɛ emaŋtsɛ sɛi lɛ nɔ,+ ni gbeekpamɔ baahi egbɛnai enyɔ lɛ fɛɛ ateŋ.*