-
Marko 2:23-28Ŋmalɛ Krɔŋkrɔŋ Lɛ Jeŋ Hee Shishitsɔɔmɔ
-
-
23 Agbɛnɛ, eyatsɔ ŋmaa* ŋmɔji komɛi amli yɛ Hejɔɔmɔ Gbi lɛ nɔ, ni be ni amɛyaa lɛ, ekaselɔi lɛ bɔi ŋmaa lɛ kpɔlɔmɔ.+ 24 No hewɔ lɛ, Farisifoi lɛ kɛɛ lɛ akɛ: “Kwɛmɔ! Mɛni hewɔ amɛfeɔ nɔ ni mla eŋmɛɛɛ gbɛ akɛ afeɔ yɛ Hejɔɔmɔ Gbi lɛ nɔ lɛ?” 25 Shi ekɛɛ amɛ akɛ: “Ani nyɛkaneko nɔ ni David fee be ni ehe fi lɛ, ni hɔmɔ miiye lɛ kɛ hii ni fata ehe lɛ,+ 26 bɔ ni eba lɛ yɛ osɔfonukpa Abiatar+ sane lɛ mli lɛ, ebote Nyɔŋmɔ shĩa lɛ mli, ni eye blodo ni akɛmaa Nyɔŋmɔ hiɛ,* ni mla eŋmɛɛɛ gbɛ akɛ mɔ ko yeɔ akɛ ja osɔfoi lɛ kɛkɛ lɛ,+ ni ehã hii ni fata ehe lɛ hu eko lɛ?” 27 Kɛkɛ ni ekɛɛ amɛ akɛ: “Gbɔmɔ hewɔ ato Hejɔɔmɔ Gbi lɛ,+ shi jeee Hejɔɔmɔ Gbi lɛ hewɔ abɔ gbɔmɔ. 28 Agbɛnɛ hu, gbɔmɔ Bi lɛ ji Hejɔɔmɔ Gbi Lɛ Nuŋtsɔ.”+
-
-
Luka 6:1-5Ŋmalɛ Krɔŋkrɔŋ Lɛ Jeŋ Hee Shishitsɔɔmɔ
-
-
6 Agbɛnɛ, yɛ Hejɔɔmɔ Gbi ko nɔ lɛ, eyatsɔ ŋmaa* ŋmɔji komɛi amli, ni ekaselɔi lɛ kpɔlɔ ŋmaa+ lɛ ni amɛkposa yɛ amɛdɛŋ ni amɛkpe.+ 2 Kɛkɛ ni Farisifoi lɛ ekomɛi kɛɛ akɛ: “Mɛni hewɔ nyɛfeɔ nɔ ni mla eŋmɛɛɛ gbɛ akɛ afeɔ yɛ Hejɔɔmɔ Gbi lɛ nɔ lɛ?”+ 3 Shi Yesu here nɔ ekɛɛ amɛ akɛ: “Ani nyɛkaneko nɔ ni David fee be ni hɔmɔ ye lɛ kɛ hii ni fata ehe lɛ?+ 4 Bɔ ni ebote Nyɔŋmɔ shĩa lɛ mli ni akɛ blodo ni akɛmaa Nyɔŋmɔ hiɛ* lɛ hã lɛ ni eye ni ehã hii ni fata ehe lɛ hu eko lɛ, nɔ ko ni mla eŋmɛɛɛ gbɛ akɛ mɔ ko aye, ja osɔfoi lɛ pɛ lɛ?”+ 5 Kɛkɛ ni ekɛɛ amɛ akɛ: “Gbɔmɔ Bi lɛ ji Hejɔɔmɔ Gbi Lɛ Nuŋtsɔ.”+
-