16 Ni Farisifoi lɛ kɛ Sadukifoi lɛ ba emasɛi, ni bɔ ni afee ni amɛka lɛ lɛ, amɛbi lɛ koni efee okadi ko ni jɛ ŋwɛi etsɔɔ amɛ.+ 2 Ni ehere nɔ ekɛɛ amɛ akɛ: “Kɛ́ shɛ gbɛkɛnaashi lɛ, nyɛkɛɔ akɛ, ‘Nugbɔ enɛŋ, ejaakɛ ŋwɛi etsu,’ 3 ni leebi lɛ nyɛkɛɔ akɛ, ‘Ŋmɛnɛ lɛ, jeŋ baajɔ ni nugbɔ baanɛ ejaakɛ ŋwɛi etsu, shi ehiɛ eha.’ Nyɛle ŋwɛi atatui lɛ ashishitsɔɔmɔ, shi bei lɛ ahe okadii lɛ, nyɛnyɛɛɛ shishi nyɛtsɔɔ.