12 No hewɔ lɛ, agbɛnɛ yaa, ni mafata ohe be ni owieɔ lɛ,* ni matsɔɔ bo nɔ ni sa akɛ owie.”+

19 Shi kɛ́ amɛkɛ nyɛ wo amɛdɛŋ lɛ, nyɛkayea nyɛtsui yɛ bɔ ni nyɛbaawie loo nɔ ni nyɛbaawie lɛ he, ejaakɛ akɛ nɔ ni nyɛbaawie lɛ baahã nyɛ yɛ nakai ŋmɛlɛtswaa lɛ nɔ nɔŋŋ;+ 20 ejaakɛ jeee nyɛ nyɛwieɔ lɛ, shi moŋ nyɛ-Tsɛ lɛ mumɔ lɛ ni tsɔɔ nyɛnɔ ewieɔ lɛ.+

11 Kɛ́ amɛkɛ nyɛ tee hei ni mɛi ebua amɛhe naa yɛ,* kɛ nɔyelɔi, kɛ mɛi ni yɔɔ hegbɛi ahiɛ lɛ, nyɛkayea nyɛtsui yɛ bɔ ni nyɛbaawie loo nɔ ni nyɛbaawie kɛfã nyɛhe loo nɔ ni nyɛbaakɛɛ lɛ he,+ 12 ejaakɛ mumɔ krɔŋkrɔŋ lɛ baatsɔɔ nyɛ nibii ni esa akɛ nyɛwie lɛ, yɛ nakai ŋmɛlɛtswaa lɛ nɔ nɔŋŋ.”+

14 No hewɔ lɛ, nyɛkpɛa mli yɛ nyɛtsuiiaŋ akɛ nyɛtsɔŋ hiɛ nyɛsusuŋ bɔ ni nyɛaafee nyɛfã nyɛhe lɛ he,+ 15 ejaakɛ mikɛ wiemɔi kɛ hiɛshikamɔ ni nyɛshiteekɛwolɔi lɛ fɛɛ nyɛŋ atsĩ naa loo aku naa baahã nyɛ.+

8 Kɛkɛ ni Petro ni mumɔ krɔŋkrɔŋ eyi lɛ obɔ+ lɛ kɛɛ amɛ akɛ:

“Maŋ lɛŋ nɔyelɔi kɛ onukpai,

9 Shi hii komɛi ni ji kuu ko ni atsɛɔ lɛ Mɛi Ni Eye Amɛhe Kpeehe lɛ mli bii lɛ kɛ mɛi komɛi ni ji Kirenebii kɛ Aleksandriabii, kɛ mɛi komɛi ni jɛ Kilikia kɛ Asia lɛ ba koni amɛkɛ Stefano abataa naa. 10 Shi amɛnyɛɛɛ hiɛshikamɔ kɛ mumɔ ni ekɛwieɔ lɛ naa amɛdamɔ.+