33 Ni be ni amɛshɛ he ko ni atsɛɔ jɛmɛ Golgota, ni eshishi ji, Yitsoŋoŋohe lɛ,+ 34 amɛhã lɛ wain ni akɛ nɔ ko ni joɔ* efutu mli akɛ enu;+ shi be ni esa enaa lɛ, ekpoo akɛ ebaanu. 35 Be ni amɛkala lɛ amɛkpɛtɛ tso jaŋŋ lɛ he amɛgbe naa lɛ, amɛfɔ̃ oshiki kɛjara etadei anɔhaanɔi lɛ,+ 36 ni amɛho amɛtara shi yɛ jɛmɛ, ni amɛbu ehe. 37 Agbɛnɛ hu, amɛŋma sane ni akɛfɔ̃ enɔ lɛ amɛkpɛtɛ eyiteŋgbɛ akɛ: “Yesu, Yudafoi lɛ a-Maŋtsɛ lɛ nɛ.”+

33 Ni be ni amɛshɛ he ni atsɛɔ jɛmɛ akɛ Yitsoŋoŋo lɛ,+ amɛkala lɛ amɛkpɛtɛ tso jaŋŋ lɛ he yɛ jɛmɛ yɛ efɔŋfeelɔi lɛ amasɛi, mɔ kome yɛ eninejurɔ nɔ ni mɔ kome hu yɛ ebɛku nɔ.+

17 Lɛ diɛŋtsɛ etere piŋmɔ tso* lɛ kɛje kpo kɛtee he ni atsɛɔ jɛmɛ Yitsoŋoŋohe,+ ni atsɛɔ lɛ yɛ Hebri mli akɛ Golgota lɛ.+

12 No hewɔ lɛ, Yesu hu na amanehulu yɛ maŋ lɛ agbó lɛ sɛɛ,+ bɔ ni afee ni ekɛ lɛ diɛŋtsɛ elá afee maŋbii lɛ krɔŋkrɔŋ.+