9 Oblanyo,* omii ashɛ ohe yɛ oblahiiaŋ,* ni ohã otsui anya yɛ oblahiiaŋ* gbii lɛ amli. Nyiɛmɔ gbɛi ni otsui kɔɔ lɛ anɔ, ni oya he fɛɛ he ni ohiŋmɛii kɛ bo yaa; shi ná ole akɛ anɔkwa Nyɔŋmɔ lɛ baakojo bo yɛ enɛɛmɛi fɛɛ ahe.*+

20 Shi moŋ, nyɛbuaa jwetrii anaa nyɛhãa nyɛhe yɛ ŋwɛi,+ he ni abɛi* loo ŋkanale fiteee nii,+ ni julɔi hu egbuuu kɛboteee mli kɛyajuuu yɛ lɛ.

17 Wiemɔ otsɔɔ* mɛi ni ji niiatsɛmɛi yɛ jeŋ ni yɔɔ amrɔ nɛɛ* mli lɛ akɛ amɛkana amɛhe tsɔ,* ni amɛkɛ amɛhiɛ akafɔ̃ ninámɔ ni baanyɛ afiliki kɛya lɛ nɔ,+ shi moŋ amɛkɛ amɛhiɛ afɔ̃ Nyɔŋmɔ, mɔ ni kɛ nibii ni wɔnáa mli ŋɔɔmɔ lɛ fɛɛ hãa wɔ ni etekeɔ nɔ lɛ nɔ.+ 18 Kɛɛmɔ amɛ ni amɛtsu nitsumɔ kpakpa, amɛteke nɔ yɛ nitsumɔi kpakpai amli, amɛfee ejurɔ,* amɛsumɔ nihãmɔ,+ 19 koni amɛkɛbua jwetri naa shweshweeshwe amɛhã amɛhe ni efee faneshi kpakpa kɛhã wɔsɛɛ,+ koni amɛmɔ wala diɛŋtsɛ lɛ mli kpɛŋŋ.+

5 Minyɛmimɛi ni misumɔɔ, nyɛboa toi. Ani jeee mɛi ni ji ohiafoi yɛ je lɛ susumɔ naa lɛ Nyɔŋmɔ hala koni amɛtsɔmɔ niiatsɛmɛi yɛ hemɔkɛyeli gbɛfaŋ,+ kɛ Maŋtsɛyeli ni ewo he shi ehã mɛi ni sumɔɔ lɛ lɛ niyelɔi?+