Yoshua
12 Shikpɔŋ lɛ nɔ maŋtsɛmɛi ni Israelbii lɛ ye amɛnɔ kunim, ní amɛŋɔ amɛshikpɔŋ lɛ yɛ Yordan lɛ bokãgbɛ, kɛjɛ Arnon Jɔɔ*+ lɛ naa kɛyashi Hermon Gɔŋ+ lɛ he, kɛ Araba lɛ fɛɛ yɛ bokãgbɛ lɛ nɛ:+ 2 Amorbii lɛ amaŋtsɛ Sihon+ ní hi Heshbon lɛ, mɔ ni ye nɔ kɛjɛ Aroer+ ni kã Arnon Jɔɔ*+ lɛ naa lɛ, kɛ jɔɔ lɛ teŋ, kɛ Gilead fã, aahu kɛyashi Yabok Jɔɔ* lɛ, ni ji Amonbii lɛ ahusu lɛ naa. 3 Eye Araba lɛ hu nɔ kɛyashi Kineret Ŋshɔ*+ lɛ naa yɛ bokãgbɛ, aahu kɛyashi Araba lɛ Ŋshɔ lɛ, ni ji Ŋoo Ŋshɔ* lɛ naa yɛ bokãgbɛ kɛmiiya Bet-yeshimot gbɛ, kɛ agbɛnɛ hu, kɛtee wuoyigbɛ yɛ Pisga+ gɔŋ lɛ shishi.
4 Ni amɛŋɔ Bashan maŋtsɛ Og+ shikpɔŋ lɛ hu; Maŋtsɛ Og ji Refabii+ ni hi Ashtarot kɛ Edrei lɛ naagbee bii lɛ ateŋ mɔ kome, 5 eye Hermon Gɔŋ lɛ kɛ Saleka kɛ Bashan+ fɛɛ nɔ, aahu kɛyashi Geshurbii kɛ Maakatbii+ lɛ ahusu lɛ naa, kɛ Gilead fã, kɛyashi Heshbon maŋtsɛ Sihon+ shikpɔŋ lɛ husu lɛ naa.
6 Yehowa tsulɔ Mose kɛ Israelbii lɛ ye amɛnɔ kunim,+ ni no sɛɛ lɛ, Yehowa tsulɔ Mose kɛ amɛshikpɔŋ lɛ hã Rubenbii lɛ kɛ Gadbii lɛ kɛ Manase weku lɛ fã lɛ akɛ amɛnɔ.+
7 Mɛnɛɛmɛi ji shikpɔŋ lɛ nɔ maŋtsɛmɛi ni Yoshua kɛ Israelbii lɛ ye amɛnɔ kunim yɛ Yordan lɛ anaigbɛ lɛ, kɛjɛ Baal-gad+ ni yɔɔ Lebanon Jɔɔ+ lɛ mli lɛ nɔ aahu kɛyashi Halak Gɔŋ+ lɛ ní yaa* Seir+ lɛ he, ni no sɛɛ lɛ, Yoshua kɛ amɛshikpɔŋ lɛ hã Israel wekui lɛ akɛ amɛnɔ, yɛ gbɛfaŋnɔ ni sa akɛ amɛná lɛ naa,+ 8 yɛ gɔji lɛ anɔ, yɛ Shefela lɛ, yɛ Araba lɛ, yɛ gɔŋkpɔi lɛ anɔ, yɛ ŋa lɛ nɔ, kɛ Negeb+ lɛ—ni ji Hitbii lɛ kɛ Amorbii+ lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii+ lɛ ashikpɔŋ lɛ; maŋtsɛmɛi lɛ nɛ:
9 Yeriko maŋtsɛ lɛ,+ mɔ kome; Ai ni yɔɔ Betel masɛi lɛ maŋtsɛ lɛ,+ mɔ kome;
10 Yerusalem maŋtsɛ lɛ, mɔ kome; Hebron maŋtsɛ lɛ,+ mɔ kome;
11 Yarmut maŋtsɛ lɛ, mɔ kome; Lakish maŋtsɛ lɛ, mɔ kome;
12 Eglon maŋtsɛ lɛ, mɔ kome; Gezer maŋtsɛ lɛ,+ mɔ kome;
13 Debir maŋtsɛ lɛ,+ mɔ kome; Geder maŋtsɛ lɛ, mɔ kome;
14 Horma maŋtsɛ lɛ, mɔ kome; Arad maŋtsɛ lɛ, mɔ kome;
15 Libna maŋtsɛ lɛ,+ mɔ kome; Adulam maŋtsɛ lɛ, mɔ kome;
16 Makeda maŋtsɛ lɛ,+ mɔ kome; Betel maŋtsɛ lɛ,+ mɔ kome;
17 Tapua maŋtsɛ lɛ, mɔ kome; Hefer maŋtsɛ lɛ, mɔ kome;
18 Afek maŋtsɛ lɛ, mɔ kome; Lasharon maŋtsɛ lɛ, mɔ kome;
19 Madon maŋtsɛ lɛ, mɔ kome; Hazor maŋtsɛ lɛ,+ mɔ kome;
20 Shimron-meron maŋtsɛ lɛ, mɔ kome; Akshaf maŋtsɛ lɛ, mɔ kome;
21 Taanak maŋtsɛ lɛ, mɔ kome; Megido maŋtsɛ lɛ, mɔ kome;
22 Kedesh maŋtsɛ lɛ, mɔ kome; Yokneam ni yɔɔ Karmel lɛ maŋtsɛ lɛ,+ mɔ kome;
23 Dor ni yɔɔ Dor gɔŋkpɔi lɛ anɔ lɛ maŋtsɛ lɛ,+ mɔ kome; Goiim ni yɔɔ Gilgal lɛ maŋtsɛ lɛ, mɔ kome;
24 Tirza maŋtsɛ lɛ, mɔ kome; fɛɛ feɔ maŋtsɛmɛi 31.