Hiob
39 “Ani ole be ni gɔji anɔ abotiai fɔɔ?+
Ani ona baayelɔi ni miifɔ amɛbii pɛŋ?+
2 Ani okaneɔ nyɔji ni amɛkɛhiɛɔ musu?
Ani ole be ni amɛfɔɔ?
3 Kɛji amɛmiifɔ amɛbii lɛ, amɛbuɔ shi,
Ni amɛkɔ̃ɔmɔi lɛ asɛɛ foɔ.
4 Amɛbii lɛ náa hewalɛ, ni amɛdaraa yɛ ŋa mli;
Amɛyaa, ni amɛkuuu amɛsɛɛ kɛbaaa amɛŋɔɔ dɔŋŋ.
6 Mikɛ ŋa kpataa efee eshĩa
Kɛ ŋoo shikpɔŋ lɛ hu eshihilɛhe.
7 Eŋmɔɔ hoofeemɔ ni yɔɔ maŋ lɛ mli lɛ;
Enuuu kooloo kpalalɔ bolɔmɔi lɛ.
8 Ekpaa shi yɛ gɔŋkpɔi anɔ etaoɔ niyenii,
Etaoɔ jwɛi fɔ fɛɛ jwɛi fɔ.
9 Ani ŋa mli tsina baakpɛlɛ ní esɔmɔ bo?+
Ani ebaaye jenamɔ yɛ okooloi atsũ mli?*
10 Ani obaawo ŋa mli tsina kpãa kɛyagbá nujɔɔ yɛ ŋmɔ mli,
Aloo ebaanyiɛ osɛɛ kɛyahu* jɔɔ mli?
11 Ani okɛ ohiɛ baafɔ̃ ehewalɛ kpele lɛ nɔ
Ní ohã etsu onitsumɔ ni wa ehã bo?
12 Ani okɛ ohiɛ baafɔ̃ enɔ akɛ ekɛ onikpamɔnii* lɛ baaba,
Ni ebaabua naa kɛya oŋmaagbeemɔhe lɛ?
14 Ejaakɛ eshiɔ ewɔji yɛ shikpɔŋ,
Ni ehãa amɛhe dɔɔ la yɛ mulu mli.
15 Ehiɛ kpaa nɔ akɛ nane ko baanyɛ ajwara amɛ
Aloo ŋa mli kooloo ko aaanaanaa amɛnɔ.
16 Efeɔ ebii lɛ niseniianii, oookɛɛ jeee ebii ji amɛ;+
Esheee gbeyei akɛ etɔlɛ lɛ baafee efolo.
18 Shi kɛji ewó ehe nɔ, ni etswa efiji amli lɛ,
Eŋmɔɔ okpɔŋɔ kɛ enɔtalɔ.
19 Ani bo ji mɔ ni hã okpɔŋɔ ehewalɛ lɛ?+
Ani bo okɛ ekuɛ he tsɔi ni tswaa kɛyaa kɛbaa lɛ wula ekuɛ he?
20 Ani obaanyɛ ohã ehuru tamɔ baalabi?*
Etsinemɔ ni naa wa lɛ yɛ gbeyei waa.+
22 Eŋmɔɔ gbeyeishemɔ, ni esheee nɔ ko nɔ ko gbeyei.+
Ekuuu esɛɛ yɛ klante hewɔ.
23 Gãimlibii akotoku gbɛɔ woɔ lɛ,
Akpɔlɔ kɛ akpɔlɔ kuku kpɛlɛɔ kaŋkaŋ woɔ lɛ.
25 Kɛ́ tɛtɛrɛmantɛrɛ gbɛɛ lɛ, ekɛɔ akɛ, ‘Ahãa!’
Enuɔ ta he fu yɛ shɔŋŋ
Ni enuɔ tatsɛmɛi abolɔmɔ kɛ oshebɔɔ hu.+
26 Ani bo oniiashishinumɔ naa akroma* filikiɔ kɛyaa ŋwɛi shɔŋŋ,
Ni egbɛɔ efiji amli kɛyaa wuoyigbɛ lɛ?