Lalai

Nyɛláa lala hee nyɛhãa Yehowa;+

Nyɛjiea eyi yɛ anɔkwafoi lɛ asafo lɛ mli.+

 2 Israel mii ashɛ ehe yɛ e-Feelɔ Kpele+ lɛ hewɔ;

Zionbii lɛ anya yɛ amɛ-Maŋtsɛ lɛ hewɔ.

 3 Amɛjie egbɛ́i lɛ yi kɛ joo,+

Ni amɛlá kɛjie* eyi kɛ akashaa kɛ saŋku.+

 5 Anɔkwafoi lɛ anya yɛ anunyam mli;

Amɛlá nyamɔ lala yɛ amɛsai anɔ.+

 6 Nyɔŋmɔ yijiemɔ lalai lɛ akã amɛnaa,

Ni klante ni hiɛ kɛ sɛɛ fɛɛ naa ba ahi amɛdɛŋ,

 7 Koni amɛtɔ jeŋmaji lɛ anɔ owele,

Ni amɛgbala majimaji lɛ atoi,

 8 Koni amɛwo amɛmaŋtsɛmɛi lɛ kɔsɔŋkɔsɔi

Kɛ amɛbladei lɛ hu dade gboklɛi,

 9 Koni amɛkɛ toigbalamɔ* ni aŋma ashi amɛ lɛ aba amɛnɔ.+