Abɛi
20 Wain lɛ, hefɛoyelɔ ni,+ ni dãa ni wa lɛ, basabasafeelɔ ni;+
Mɔ fɛɛ mɔ ni enɛɛmɛi hãa eduɔ gbɛ lɛ, ehiɛ kãaa shi.+
2 Maŋtsɛ he yɛ gbeyei tamɔ jata* ni miihũu;+
Mɔ fɛɛ mɔ ni woɔ emli la lɛ, ekɛ lɛ diɛŋtsɛ ewala miiwo oshãra mli.+
4 Anihaolɔ huuu yɛ fɛ̃i be mli,
No hewɔ lɛ, kɛ́ shɛ nikpamɔ beiaŋ be ni ebɛ nɔ ko lɛ, ebaayaba nii.*+
6 Mɛi babaoo kɛɔ akɛ amɛyɛ suɔmɔ ni tsakeee,
Shi ewa akɛ abaana mɔ ni ji anɔkwafo.
7 Jalɔ nyiɛɔ yɛ enɔkwayeli mli.+
Ebii* ni baa yɛ esɛɛ lɛ yɛ miishɛɛ.+
12 Toi ni nuɔ nii kɛ hiŋmɛi ni naa nii lɛ
—Yehowa ji mɔ ni fee enyɔ lɛ fɛɛ.+
13 Kaahã wɔ ŋɔɔ onaa, kɛjeee nakai lɛ, obaaye ohia.+
Gbelemɔ ohiŋmɛii, ni obaatɔ kɛ niyenii.+
14 Mɔ ni héɔ nii lɛ kɛɔ akɛ: “Ehiii, ehiii!”;
No sɛɛ lɛ, eyaa ni eyashwãa.+
16 Hemɔ mɔ atade yɛ edɛŋ kɛ́ eyadamɔ mli ehã mɔkpɔŋ;+
Hemɔ nɔ ni ekɛba ni ekɛbaato awaba lɛ yɛ edɛŋ kɛ́ edamɔ mli ehã yoo mɔkpɔŋ.*+
17 Niyenii ni atsɔ malemɔ nɔ aná lɛ, eŋɔɔ gbɔmɔ naa,
Shi kɛ́ fee sɛɛ lɛ, edaaŋ baayi obɔ kɛ ŋmlitsa.+
19 Mɔ ni wieɔ mɔ he efɔŋ lɛ, egbɛɔ saji ni mɛi kɛ lɛ pɛ wie lɛ eshwãa;+
Okɛ mɔ ni sumɔɔ mɛi ahe wiemɔ lɛ akabɔ.*
20 Mɔ fɛɛ mɔ ni lomɔɔ epapa kɛ emami lɛ,
Kɛ́ duŋ wo lɛ, abaagbe ekane.+
21 Gboshinii ni atsɔɔ amimyeli nɔ anáa lɛ,
Naagbee lɛ, jɔɔmɔ baŋ nɔ.+
22 Kaakɛɛ akɛ: “Mato efɔŋ najiaŋ!”+
Okɛ ohiɛ afɔ̃ Yehowa nɔ,+ ni lɛ ebaahere bo.+
23 Nsɛni tɛi ni ejaaa* lɛ, Yehowa miihi,
Ni shishiumɔ nsɛnii lɛ, ejeee nii kpakpa.
24 Yehowa ji mɔ ni kudɔɔ gbɔmɔ najifaamɔi;+
Te gbɔmɔ aaafee tɛŋŋ enu gbɛ ni lɛ diɛŋtsɛ enyiɛ nɔ lɛ shishi lɛ?*
25 Eji tsɔne hã gbɔmɔ akɛ eeeye ehe oyai ni ekɛɛ akɛ, “Nɔ Krɔŋkrɔŋ Ni!”+
Dani sɛɛ mli lɛ ejwɛŋ shi ni ewo lɛ he.+
27 Mumɔ ni gbɔmɔ muɔ lɛ, eji Yehowa kane
Ni taoɔ gbɔmɔ mli ekwɛɔ.
28 Suɔmɔ ni tsakeee kɛ anɔkwayeli buɔ maŋtsɛ he;+
Suɔmɔ ni tsakeee ekɛhãa emaŋtsɛ sɛi lɛ maa shi shiŋŋ.+
30 Pilamɔi kɛ faji tsumɔɔ efɔŋ,+
Ni yii hãa gbɔmɔ mli tseɔ keŋkeŋ.