Obadia
1 Obadia* ninaa lɛ nɛ:
Nɔ ni Nuŋtsɔ Ofe Yehowa kɛɛ yɛ Edom he nɛ:+
“Wɔnu sane ko kɛjɛ Yehowa ŋɔɔ,
Atsu tsulɔ* ko kɛtee jeŋmaji lɛ aŋɔɔ akɛ:
‘Nyɛtea shi, nyɛhãa wɔsaa wɔhe ní wɔkɛ lɛ ayawua ta.’”+
2 “Naa! Mifee bo bibioo yɛ jeŋmaji lɛ ateŋ;
Anyaŋeɔ bo waa.+
3 Otsuinaa sane ni oyeɔ lɛ elaka bo,+
Bo mɔ ni oyɔɔ tɛsaa fɔji amli,
Ní ohiɔ he ni kwɔ waa, ní okɛɔ yɛ otsuiŋ akɛ,
‘Namɔ baanyɛ ajie mi kɛkpeleke shi kɛba shikpɔŋ?’ lɛ.
4 Kɛji oyafee oshihilɛhe yɛ ŋwɛi shɔŋŋ* tamɔ okropɔŋ feɔ lɛ,
Aloo ofee otsũ yɛ ŋulamii ateŋ po lɛ,
Majie bo kɛjɛ jɛmɛ kɛkpeleke shi,” Yehowa kɛɛ.
Ani jeee nɔ ni amɛtaoɔ lɛ pɛ amɛbaaju?
Aloo kɛ́ mɛi ni tseɔ wain yibii ba onɔ lɛ,
Ani amɛshiŋ kpɛkpɛbii yɛ sɛɛ?+
6 Ao, kwɛ bɔ ni atao Esau mli fitsofitso!
Kwɛ bɔ ni atao ejwetrii ni aŋɔtee lɛ!
7 Ashwie bo kɛtee husu lɛ naa tɔ̃ɔ.
Mɛi fɛɛ ni kɛ bo efee ekome* lɛ elaka bo.
Mɛi ni toiŋjɔlɛ yɔɔ okɛ amɛ teŋ lɛ eye onɔ kunim.
Mɛi ni kɛ bo yeɔ nii* lɛ baaŋmɛ yaa yɛ oshishi,
Shi oyɔseŋ.
8 Nakai gbi lɛ nɔ lɛ,” Yehowa kɛɛ,
“Ani mikpãtãŋ hiɛshikalɔi ahiɛ kɛjeŋ Edom,+
Kɛ sanesɛɛkɔmɔ hu hiɛ kɛjeŋ Esau gɔji lɛ anɔ?
9 Ni bo Teman,+ ŋmiŋmi baamɔmɔ otawulɔi lɛ,+
Ejaakɛ abaakpãtã mɔ fɛɛ mɔ ni yɔɔ Esau gɔji lɛ anɔ lɛ hiɛ yɛ gbɔmɔgbee lɛ mli.+
11 Gbi ni odamɔ afã banee,
Gbi ni mɛikpɔji ŋɔ esraafoi lɛ nom,+
Be ni gbɔi bote egbó lɛ mli, ni amɛfɔ̃ Yerusalem nɔ oshiki+ lɛ,
Ofee onii tamɔ amɛteŋ mɔ kome.
12 Kaaŋmɔ onyɛmi lɛ yɛ sane fɔŋ ko ni ba enɔ yɛ emanehulu gbi lɛ nɔ lɛ hewɔ,+
Omii akashɛ ohe yɛ Yudabii lɛ ahewɔ, yɛ amɛhiɛkpatamɔ gbi lɛ nɔ,+
Ni kaawie henɔwomɔ wiemɔi yɛ amɛhaomɔ gbi lɛ nɔ.
13 Kaabote mimaŋ lɛ agbó lɛ mli yɛ amɛmanehulu gbi lɛ nɔ,+
Kaaŋmɔ lɛ yɛ oshãra ni eba enɔ yɛ emanehulu gbi lɛ nɔ lɛ hewɔ,
Ni kaakpã onine mli ota enii ahe yɛ emanehulu gbi lɛ nɔ.+
14 Kaayadamɔ gbɛnta ní ogbe emɛi ni joɔ foi lɛ,+
Ni kaaŋɔ emɛi ni yi ená wala lɛ ohã yɛ haomɔ gbi lɛ nɔ.+
15 Ejaakɛ Yehowa gbi ni baaba jeŋmaji lɛ fɛɛ anɔ lɛ ebɛŋkɛ.+
Bɔ ni ofee lɛ, nakai nɔŋŋ abaafee bo.+
Bɔ ni okɛ mɛi krokomɛi ye ohã lɛ baaku sɛɛ ababua oyiteŋ.
16 Ejaakɛ bɔ ni nyɛnu nii yɛ migɔŋ krɔŋkrɔŋ lɛ nɔ lɛ,
Nakai nɔŋŋ jeŋmaji lɛ fɛɛ baaya nɔ anu nii daa.+
Amɛbaanu, ni amɛbaami,
Ni amɛbaafee tamɔ mɛi ni ehiko shi pɛŋ.
17 Shi mɛi ni he baaje mli lɛ baahi Zion Gɔŋ lɛ nɔ,+
Ni ebaafee krɔŋkrɔŋ;+
Ni Yakob shĩa lɛ baaŋɔ nii ni ji amɛnɔ lɛ.+
18 Yakob shĩa lɛ baatsɔ la,
Yosef shĩa lɛ hu baatsɔ lalilɛi,
Ni Esau shĩa lɛ baatsɔ tamɔ ŋmaa* tsei;
Amɛbaawo mli la, ni amɛbaashã amɛ,
Ni Esau shĩabii lɛ ateŋ mɔ ko mɔ ko yi náŋ wala,+
Ejaakɛ Yehowa diɛŋtsɛ ewie.
Amɛbaaŋɔ Efraim shikpɔŋ lɛ kɛ Samaria shikpɔŋ lɛ hu,+
Ni Benyamin baaŋɔ Gilead.
20 Nomii ni yɔɔ kpoku* nɛɛ sɛɛ,+
Ni ji Israelbii lɛ, Kanaanbii lɛ ashikpɔŋ lɛ aahu kɛyashi Zarefat+ tɔ̃ɔ baatsɔ amɛnɔ.
Ni Yerusalem nomii ni hi Sefarad lɛ baaŋɔ maji ni yɔɔ Negeb lɛ.+