Ezekiel
28 Yehowa kɛɛ mi ekoŋŋ akɛ: 2 “Gbɔmɔ bi,* kɛɛmɔ Tiro hiɛnyiɛlɔ lɛ akɛ, ‘Nɔ ni Nuŋtsɔ Ofe Yehowa kɛɛ nɛ:
“Akɛni otsui ewó ehe nɔ hewɔ lɛ,+ oyaa nɔ okɛɔ akɛ, ‘Nyɔŋmɔ ko ji mi.
Mita nyɔŋmɔ ko maŋtsɛ sɛi nɔ yɛ ŋshɔ lɛ teŋ.’+
Eyɛ mli akɛ onuɔ he yɛ otsui mli akɛ nyɔŋmɔ ko ji bo moŋ,
Shi gbɔmɔ kɛkɛ ji bo, ojeee nyɔŋmɔ ko.
3 Naa! Ohiɛ kã shi fe Daniel.+
Teemɔŋ sane ko teemɔŋ sane ko bɛ ni akɛtee bo.
4 Ohiɛshikamɔ kɛ osanesɛɛkɔmɔ lɛ ehã otsɔ niiatsɛ,
Ni oyaa nɔ okɛ shika tsuru kɛ jwiɛtɛi toɔ ojwetritoohei lɛ.+
5 Ŋaa ni okɛyeɔ ojara lɛ ehã oná nii babaoo,+
Ni otsui ewó ehe nɔ yɛ nii ni oná babaoo lɛ hewɔ.”’
6 “‘No hewɔ lɛ, nɔ ni Nuŋtsɔ Ofe Yehowa kɛɛ nɛ:
“Akɛni onuɔ he yɛ otsui mli akɛ nyɔŋmɔ ko ji bo hewɔ lɛ,
7 Mahã gbɔi, jeŋmaji lɛ ateŋ mɛi ni yitseiaŋ wala waa lɛ, aba onɔ,+
Ni amɛbaagbala amɛklantei lɛ amɛwo nɔ fɛɛ nɔ ni yɔɔ fɛo ni ohiɛshikamɔ lɛ ehã oná lɛ,
Ni amɛbaabule ohiɛnyam kpele lɛ.+
9 Ani obaaya nɔ okɛɛ mɔ ni gbeɔ bo lɛ akɛ, ‘Nyɔŋmɔ ko ji mi’?
Mɛi ni buleɔ bo lɛ baana bo akɛ gbɔmɔ kɛkɛ, jeee nyɔŋmɔ ko.”’
10 ‘Gbɔi baagbe bo tamɔ mɔ ko ni afoko lɛ ketia,
Ejaakɛ mi diɛŋtsɛ miwie,’ Nuŋtsɔ Ofe Yehowa kɛɛ.”
11 Ni Yehowa kɛɛ mi ekoŋŋ akɛ: 12 “Gbɔmɔ bi,* lá Tiro maŋtsɛ lɛ he yaafo lala,* ni okɛɛ lɛ akɛ, ‘Nɔ ni Nuŋtsɔ Ofe Yehowa kɛɛ nɛ:
13 Eden, Nyɔŋmɔ abɔɔ lɛ mli oyɔɔ.
Akɛ ojarawatɛi srɔtoi fɛɛ ewula bo
—Rubi tɛ, topaz tɛ, kɛ yaspi tɛ; krisolito tɛ, onike tɛ, kɛ yade tɛ; safiro tɛ, tɛkwais tɛ,+ kɛ emerald tɛ;
Ni akɛ eko fɛɛ eko etara shika tsuru nii mli.
Asaa fɛɛ ato yɛ gbi ni abɔ bo lɛ nɔ.
14 Mifɔ bo mu akɛ kerub ni haa nii nɔ.
Nyɔŋmɔ gɔŋ krɔŋkrɔŋ lɛ nɔ oyɔɔ,+ ni oyaa obaa yɛ tɛi ni tsoɔ ateŋ.
15 Anaaa tɔmɔ ko yɛ ogbɛi lɛ anɔ kɛjɛ gbi nɔ ni abɔ bo lɛ
Kɛyashi ana nɔ ni ejaaa yɛ omli.+
No hewɔ lɛ, mashɛ bo mafɔ̃ kɛje Nyɔŋmɔ gɔŋ lɛ nɔ akɛ nii ni abule, ni makpãtã ohiɛ+
Kɛje tɛi ni tsoɔ lɛ ateŋ, bo kerub ni haa nii nɔ.
17 Ohefɛo lɛ hewɔ lɛ, otsui wó ehe nɔ.+
Bo diɛŋtsɛ ohiɛnyam kpele lɛ hewɔ lɛ, ofite ohiɛshikamɔ lɛ.+
Mashɛ bo mafɔ̃ shikpɔŋ lɛ nɔ.+
Mahã maŋtsɛmɛi akwɛ bo.
18 Otɔmɔ kpele lɛ kɛ ojarayeli ni ejaaa lɛ ehã obule ojamɔhei lɛ.
Mahã la aje yɛ omli, ni ebaashã bo wɛɛ.+
Mahã otsɔ lamulu yɛ shikpɔŋ lɛ nɔ yɛ mɛi fɛɛ ni kwɛɔ bo lɛ ahiɛ.
19 Mɛi fɛɛ ni le bo yɛ majimaji lɛ ateŋ lɛ baakwɛ bo ni amɛhe baajɔ̃ amɛhe.+
Onaagbee baaba trukaa ni ebaafee gbeyei,
Ni obaalaaje kɛaatee naanɔ.”’”+
20 Ni Yehowa kɛɛ mi ekoŋŋ akɛ: 21 “Gbɔmɔ bi,* tsɔ ohiɛ ohã Sidon,+ ni ogba oshi lɛ. 22 Kɛɛmɔ akɛ, ‘Nɔ ni Nuŋtsɔ Ofe Yehowa kɛɛ nɛ:
“Bo Sidon, naa, mikɛ bo ená, ni abaawo mihiɛ nyam yɛ omli;
Ni kɛ́ migbala etoi ni afee mi krɔŋkrɔŋ yɛ emli lɛ, mɛi baaná ale akɛ miji Yehowa.
23 Matsu tsɛŋemɔ hela ni gbeɔ mɔ kɛya emli ni lá baaho yɛ egbɛjegbɛi lɛ anɔ.
Kɛ́ klante lɛ jɛ he fɛɛ he ba enɔ lɛ, mɛi baanyɔnyɔi yɛ emli;
Ni amɛbaaná amɛle akɛ miji Yehowa.+
24 “‘“Kɛkɛ lɛ, aklatei ni pilaa mɔ kɛ ŋmei ni naa jaraa, ni ji mɛi ni yeɔ Israel shĩa lɛ he fɛo lɛ, bɔleŋ Israel shĩa lɛ he dɔŋŋ;+ ni mɛi baaná amɛle akɛ miji Nuŋtsɔ Ofe Yehowa.”’
25 “‘Nɔ ni Nuŋtsɔ Ofe Yehowa kɛɛ nɛ: “Kɛ́ mibua Israel shĩa lɛ naa ekoŋŋ kɛje majimaji ni agbɛ amɛ ashwã nɔ lɛ anɔ lɛ,+ abaafee mi krɔŋkrɔŋ yɛ amɛteŋ yɛ jeŋmaji lɛ ahiɛ.+ Ni amɛbaahi amɛshikpɔŋ+ ni mikɛhã mitsulɔ Yakob lɛ nɔ.+ 26 Amɛbaahi nɔ, ni sane fɔŋ ko ninaŋ amɛ,*+ ni amɛbaamamɔ shĩai ni amɛbaafee wain ŋmɔji,+ ni kɛ́ migbala mɛi ni ebɔle amɛ ni yeɔ amɛhe fɛo lɛ atoi lɛ, amɛbaahi shi shweshweeshwe;+ ni amɛbaaná amɛle akɛ miji Yehowa, amɛ-Nyɔŋmɔ lɛ.”’”