Lalai
78 Nyɛboa toi, miwebii, nyɛboa mimla* lɛ toi;
Nyɛbaa nyɛtoi shi nyɛhãa midaaŋ wiemɔi lɛ.
2 Magbele minaa mabu abɛ.
Magbá blema ajenui.+
3 Nibii ni wɔnu ni wɔle,
Ni wɔtsɛmɛi lɛ gba wɔ lɛ,+
4 Wɔkɛteŋ amɛseshibii* lɛ;
Wɔbaagba yinɔbii ni baaba lɛ+
Yehowa nifeemɔi ni sa yijiemɔ lɛ kɛ ehewalɛ lɛ,+
Nibii ni yɔɔ naakpɛɛ ni efee lɛ.+
5 Eto kaimɔ yɛ Yakob
Ni ekɛ mla ma shi yɛ Israel;
Efã wɔtsɛmɛi lɛ
Koni amɛtsɔɔ amɛbii lɛ nibii nɛɛ,+
6 Koni yinɔbii ni baaba lɛ,
Bii ni anáko afɔ amɛ lɛ aná ale nibii nɛɛ.+
Ni amɛ hu amɛgba amɛbii lɛ.+
7 Kɛkɛ lɛ, amɛkɛ amɛhiɛ baafɔ̃ Nyɔŋmɔ nɔ.
8 Ni no hãŋ amɛfee amɛnii tamɔ amɛtsɛmɛi lɛ,
Yinɔbii kuɛŋtilɔi kɛ atuatselɔi lɛ,+
Yinɔbii ni tsui damɔɔɔ he kome*+
Ni yeee Nyɔŋmɔ anɔkwa lɛ.
9 Eyɛ mli akɛ Efraimbii lɛ hiɛ gãi moŋ,
Shi amɛjo foi yɛ tawuu gbi lɛ nɔ.
14 Kɛ́ je tsɛre lɛ, ekɛ atatu nyiɛɔ amɛhiɛ
Ni jenamɔ muu fɛɛ lɛ, ekɛ la ni kpɛɔ nyiɛɔ amɛhiɛ.+
15 Egbala tɛsai amli yɛ ŋa lɛ nɔ,
Ehã amɛ nu amɛnu kɛyashi amɛtɔrɔ oookɛɛ amɛmiinu kpaakpo wulu ko* mli nu.+
16 Ehã fai je kpo kɛje tɛsaa mli
Ni ehã nui lɛ kpeleke shi kɛho tamɔ fai.+
17 Shi amɛtee nɔ amɛtse Mɔ Ni Nɔ Kwɔ Fe Fɛɛ lɛ hiɛ atua yɛ ŋa kpataa lɛ nɔ,
Ni amɛkɛ no fee esha amɛshi lɛ;+
18 Amɛbi niyenii ni baa amɛtsine lɛ*
19 No hewɔ lɛ, amɛwie amɛshi Nyɔŋmɔ,
Amɛkɛɛ: “Ani Nyɔŋmɔ baanyɛ aŋmɛ okpɔlɔ yɛ ŋa lɛ nɔ?”+
20 Naa! Etswa tɛsaa lɛ nii
Ni nui tue kɛje mli, ni fai babaoo ho.+
21 Be ni Yehowa nu nɔ ni amɛwie lɛ, emli fu waa;+
La+ bashã Yakob,
Ni emli wo la ewo Israel+
22 Ejaakɛ amɛheee Nyɔŋmɔ amɛyeee;+
Amɛkɛ amɛhiɛ efɔ̃ɔɔ enɔ akɛ ebaanyɛ ehere amɛ.
23 No hewɔ lɛ, efã atatui ni yɔɔ ŋwɛi lɛ,
Ni egbele ŋwɛi shinai lɛ hu efɔ̃.
26 Ehã bokã kɔɔyɔɔ lɛ tswa yɛ ŋwɛi
Ni ehã wuoyi kɔɔyɔɔ lɛ tswa yɛ ehewalɛ lɛ naa.+
27 Ni ehã loo ni fa babaoo tamɔ mulu nɛ eshwie amɛnɔ,
Hɛɛ, loofɔji babaoo tamɔ ŋshɔnaa shia.
28 Ehã amɛgbeegbee shi yɛ ensara lɛ teŋ,
Kɛbɔle emama tsũi lɛ ahe fɛɛ.
29 Ni amɛye, ni amɛye lɛ gidigidi;
Ehã amɛ nɔ ni baa amɛtsine lɛ.+
30 Shi be ni niyenii lɛ yɔɔ amɛdaaŋ lolo,
Ni amɛnáko amɛtɔrɔ kɛ nɔ ni baa amɛtsine lɛ,
31 Nyɔŋmɔ mli wo la ewo amɛ.+
Egbegbee amɛteŋ hii ni he wa waa lɛ;+
Ekpãtã Israel oblahii lɛ ahiɛ.
33 No hewɔ lɛ, efo amɛgbii lɛ asɛɛ tamɔ kɔɔyɔɔ ni amuɔ,+
Ni ekɛ nibii ni yɔɔ gbeyei ba amɛnɔ trukaa kɛfo amɛwala afii lɛ asɛɛ.
34 Shi shii abɔ ni egbeɔ amɛteŋ mɛi komɛi lɛ, shii abɔ ni amɛtaoɔ esɛɛ gbɛ ji no;+
Amɛkuɔ amɛsɛɛ ni amɛbataoɔ Nyɔŋmɔ sɛɛ gbɛ,
35 Ni amɛkaiɔ akɛ Nyɔŋmɔ ji amɛ-Tɛsaa+
36 Shi amɛka akɛ amɛkɛ amɛnaabu baalaka lɛ,
Ni amɛkɛ amɛlilɛi male amɛtsɔɔ lɛ.
Bei pii lɛ, yɛ nɔ najiaŋ ni ebaajie emlifu lɛ fɛɛ kpo lɛ,
Egbalaa emlifu lɛ sɛɛ moŋ.+
42 Amɛkaiii ehewalɛ* lɛ,
Gbi ni ejie* amɛ kɛje amɛhenyɛlɔ lɛ dɛŋ lɛ,+
43 Bɔ ni efee okadii yɛ Ejipt+
Kɛ naakpɛɛ nii yɛ Zoan kpokpaa lɛ nɔ lɛ,
44 Kɛ bɔ ni ehã Nilo nujɔi lɛ tsɔ lá+
Koni amɛkanyɛ amɛnu amɛfai lɛ amli nu lɛ.
45 Etsu filikilɔi bibii babaoo ni kɔ̃ɔ mɔ kɛba koni amɛbaye amɛ awui+
Kɛ kɔkɔdenei koni amɛbakpãtã amɛhiɛ.+
46 Ekɛ amɛŋmɔshi nii lɛ hã agãi ni fiteɔ nii,
Ni ekɛ amɛnitsumɔ lɛ mli yibii lɛ hã baalabii pii.+
47 Ekɛ nyɔŋmɔŋtɛi fite amɛwain ŋmɔji lɛ,+
Ni ekɛ nyɔŋmɔŋtɛi wuji fite amɛsikamore tsei lɛ.
48 Ehã nyɔŋmɔŋtɛi nɛ eshwie amɛnitsumɔ kooloi lɛ anɔ,+
Ni ehã sarawai gbala ewo* kooloi ni amɛlɛɔ lɛ hu.
49 Efɔse emlila lɛ eshwie amɛnɔ,
Egirimɔ lɛ, kɛ emlifu lɛ, kɛ ehaomɔ lɛ hu,
Etsu ŋwɛibɔfoi akui koni amɛhã amɛhe ajara amɛ.
50 Egba gbɛ ehã emlifu lɛ.
51 Agbɛnɛ, egbe Ejipt kromɔbii fɛɛ,+
Mɛi ni ji amɛfɔmɔ hewalɛ shishijee yɛ Ham mama tsũi lɛ amli lɛ.
52 Kɛkɛ ni ejie ewebii lɛ kɛje kpo tamɔ tooku,+
Ni enyiɛ amɛhiɛ yɛ ŋa lɛ nɔ tamɔ kooloi akuu.
55 Eshwie jeŋmaji lɛ kɛje amɛhiɛ;+
Ekɛ susumɔ kpãa ja gboshinii ehã amɛ;+
Ehã Israel wekui lɛ hi amɛshihilɛhei lɛ.+
56 Shi amɛtee nɔ amɛje Nyɔŋmɔ, Mɔ Ni Nɔ Kwɔ Fe Fɛɛ lɛ ŋwane* ni amɛtse ehiɛ atua;+
Amɛbooo ekaimɔi lɛ atoi.+
57 Agbɛnɛ hu, amɛku amɛsɛɛ ni amɛyeee anɔkwa tamɔ amɛtsɛmɛi lɛ nɔŋŋ.+
Amɛtamɔ gãi ni mli egbɔjɔ, anyɛɛɛ akɛ he afɔ̃ amɛnɔ.+
59 Nyɔŋmɔ nu, ni emli wo la,+
No hewɔ lɛ, ekpoo Israel kwraa.
61 Ehã aŋɔ ehewalɛ he okadi lɛ nom kɛtee;
Etu enunyam lɛ ewo henyɛlɔ lɛ dɛŋ.+
62 Ekɛ ewebii lɛ hã klante+
Ni emli wo la ewo egboshinii lɛ.
63 La kpãtã eblahii lɛ ahiɛ,
Ni aláaa yookpeemɔ lala ko ahãaa eblayei froi lɛ.*
66 Ni ewo ehenyɛlɔi lɛ foi;+
Eshwie amɛhiɛ shi kɛtee naanɔ.
67 Ekpoo Yosef mama tsũ lɛ;
Ehalaaa Efraim weku lɛ.