1 Kronika
23 Be ni David egbɔ ni eshwɛ fioo ni ebaagbo* lɛ, ewó ebinuu Solomon Israel maŋtsɛ.+ 2 Kɛkɛ ni ebua Israel lumɛi lɛ, kɛ osɔfoi+ lɛ, kɛ Levibii+ lɛ fɛɛ anaa. 3 Akane Levibii ni eye kɛjɛ afii 30 kɛyaa lɛ;+ amɛyifalɛ yɛ bɔ ni akane amɛ ekomekome lɛ naa ji 38,000. 4 Amɛteŋ mɛi 24,000 sɔmɔ akɛ nitsumɔ ni atsuɔ yɛ Yehowa shĩa lɛ nɔkwɛlɔi, ni amɛteŋ mɛi 6,000 sɔmɔ akɛ onukpai kɛ kojolɔi,+ 5 ni amɛteŋ mɛi 4,000 sɔmɔ akɛ agbonaakwɛlɔi,+ ni amɛteŋ mɛi 4,000 kɛ nibii ni akɛtswaa lala ni David wie yɛ he akɛ, “Mifee koni akɛjie yi” lɛ jie Yehowa yi.+
6 Kɛkɛ ni David ja amɛmli kuikui+ yɛ Levi bihii lɛ anaa. Amɛji: Gershon, kɛ Kohat, kɛ Merari.+ 7 Gershon bihii ji Ladan kɛ Shimei. 8 Ladan bihii ji Yehiel, mɔ ni ji onukpa lɛ, kɛ Zetam, kɛ Yoel,+ amɛyi etɛ. 9 Shimei bihii ji Shelomot, kɛ Haziel, kɛ Haran, amɛyi etɛ. Mɛnɛɛmɛi ji Ladan shĩai lɛ onukpai lɛ. 10 Ni Shimei bihii ji Yahat, kɛ Zina,* kɛ Yeush, kɛ Beria. Mɛi ejwɛ nɛɛ ji Shimei bihii. 11 Yahat ji onukpa, ni lɛ esɛɛ lɛ Ziza.* Shi akɛni Yeush kɛ Beria fɔɔɔ bihii pii hewɔ lɛ, abu amɛ akɛ tsɛmɛi ashĩa kome mli bii, ni ahã amɛ nitsumɔ kome.
12 Kohat bihii ji Amram, kɛ Izehar,+ kɛ Hebron, kɛ Uziel,+ amɛyi ejwɛ. 13 Amram bihii ji Aaron+ kɛ Mose.+ Shi ajie Aaron ato afã kwraa+ koni efee He Krɔŋkrɔŋ Fe Fɛɛ lɛ krɔŋkrɔŋ, koni lɛ kɛ ebihii lɛ ashã afɔlei yɛ Yehowa hiɛ, ni amɛsɔmɔ yɛ ehiɛ, ni amɛjɔɔ mɛi yɛ egbɛ́i lɛ mli daa.+ 14 Shi Mose, ni ji anɔkwa Nyɔŋmɔ lɛ gbɔmɔ lɛ, abu ebihii lɛ afata Levi weku lɛ he. 15 Mose bihii ji Gershom+ kɛ Eliezer.+ 16 Yɛ Gershom bihii lɛ ateŋ lɛ, Shebuel+ ji onukpa. 17 Yɛ Eliezer seshibii* lɛ ateŋ lɛ, Rehabia+ ji onukpa; Eliezer bɛ binuu kroko* dɔŋŋ, shi Rehabia fɔ bihii babaoo diɛŋtsɛ. 18 Yɛ Izehar+ bihii lɛ ateŋ lɛ, Shelomit+ ji onukpa. 19 Hebron bihii ji Yeria, mɔ ni ji onukpa lɛ, ni mɔ ni ji enyɔ nɔ ji Amaria, ni mɔ ni ji etɛ nɔ ji Yahaziel, ni mɔ ni ji ejwɛ nɔ ji Yekameam.+ 20 Uziel bihii+ ji Mika, mɔ ni ji onukpa lɛ, kɛ Ishia, mɔ ni ji enyɔ nɔ lɛ.
21 Merari bihii ji Mali kɛ Mushi.+ Ni Mali bihii ji Eleazar kɛ Kish. 22 Shi Eleazar gbo ni ebɛ binuu ko, ja biyei pɛ. No hewɔ lɛ, Kish bihii lɛ, ni ji amɛwekumɛi* lɛ kɛ amɛ bote gbalashihilɛ mli. 23 Mushi bihii ji Mali, kɛ Eder, kɛ Yeremot, amɛyi etɛ.
24 Mɛnɛɛmɛi ji Levibii lɛ ni akane ni aŋmala amɛgbɛ́i yɛ amɛtsɛmɛi ashĩai lɛ kɛ amɛtsɛmɛi ashĩai onukpai lɛ anaa lɛ. Akane Levibii ni eye kɛjɛ afii 20 kɛyaa lɛ ni aŋmala amɛgbɛ́i kɛhã nitsumɔ yɛ Yehowa shĩa lɛ. 25 Ejaakɛ David ekɛɛ akɛ: “Yehowa, Israel Nyɔŋmɔ lɛ, ehã ewebii lɛ ahe ejɔ amɛ,+ ni ebaahi Yerusalem kɛya naanɔ.+ 26 Agbɛnɛ hu, Levibii lɛ tereŋ sɔlemɔ buu lɛ loo nibii ni akɛtsuɔ nii yɛ mli lɛ dɔŋŋ.”+ 27 Yɛ naagbee famɔi ni David kɛhã lɛ naa lɛ, akane Levibii ni eye kɛjɛ afii 20 kɛyaa lɛ. 28 Amɛnitsumɔ ji, amɛye amɛbua Aaron bihii+ lɛ kɛtsu nii yɛ Yehowa shĩa lɛ, koni amɛkwɛ kpoi+ lɛ kɛ niyelihei lɛ anɔ, ni amɛfee nibii krɔŋkrɔŋi lɛ fɛɛ krɔŋkrɔŋ ni amɛtsu nitsumɔi krokomɛi ni he baahia yɛ anɔkwa Nyɔŋmɔ lɛ shĩa lɛ. 29 Amɛyeɔ amɛbuaa kɛ blodo ni eko kã eko nɔ*+ lɛ, kɛ ashikishaŋ kpakpa ni akɛshãa ŋmaa* afɔle lɛ, kɛ blodo tɛtrɛbii ni ashikishaŋ-sha* bɛ mli+ lɛ, kɛ keekii ni ashãa yɛ kã tɛtrɛbii anɔ lɛ, kɛ ashikishaŋ ni akpɔtɔ+ ni akɛ nii efutu mli lɛ, kɛ nibii srɔtoi fɛɛ ni akɛsusuɔ nii lɛ. 30 Amɛdamɔɔ shi daa leebi+ ni amɛdaa Yehowa shi ni amɛjieɔ eyi, ni nakai nɔŋŋ amɛfeɔ daa gbɛkɛnaashi.+ 31 Amɛyeɔ amɛbuaa be fɛɛ be ni abaashã shãa afɔle ahã Yehowa yɛ Hejɔɔmɔ Gbii+ lɛ, nyɔɔŋtsere hei+ lɛ, kɛ gbii juji lɛ anɔ,+ yɛ bɔ ni amɛhe mlai lɛ biɔ ni afee lɛ naa, ni amɛfeɔ enɛ daa yɛ Yehowa hiɛ. 32 Agbɛnɛ hu, amɛtsuɔ Yehowa shĩa lɛ nitsumɔ ni akɛwo amɛdɛŋ yɛ kpee buu lɛ, kɛ he krɔŋkrɔŋ lɛ, kɛ nɔ ni kɔɔ amɛnyɛmimɛi hii ni ji Aaron bihii lɛ ahe lɛ he nii.