Ester

7 No hewɔ lɛ, maŋtsɛ lɛ kɛ Haman+ ba Maŋnyɛ Ester okpɔlɔŋmɛɛ lɛ. 2 Yɛ gbi ni ji enyɔ lɛ nɔ be ni ayɔɔ wain okpɔlɔŋmɛɛ lɛ shishi lɛ, maŋtsɛ lɛ bi Ester shi kome ekoŋŋ akɛ: “Mɛni otaoɔ ni obi, Maŋnyɛ Ester? Akɛbaahã bo aahu! Ni mɛni otaoɔ ni afee ahã bo? Kɛ́* mimaŋtsɛyeli lɛ mlijaa fã po, abaafee ahã bo aahu!”+ 3 Maŋnyɛ Ester kɛɛ lɛ akɛ: “Maŋtsɛ, kɛ́ mihiɛ eba nyam yɛ ohiɛ, ni esa maŋtsɛ hiɛ lɛ, no lɛ, nɔ ni mitaoɔ mabi ji, okɛ miwala* ake mi, ni nɔ ni mitaoɔ ni afee ahã mi hu ji, okɛ mimaŋbii+ lɛ hu anɔ lɛ ake amɛ. 4 Ejaakɛ ahɔ̃ɔ wɔ,+ mi kɛ mimaŋbii lɛ fɛɛ, koni abule wɔshishi, ni agbe wɔ, ni akpãtã wɔhiɛ.+ Eji ahɔ̃ɔ wɔ kɛkɛ akɛ nyɔji hii kɛ nyɔji yei po kulɛ, miwieŋ nɔ ko. Shi sane ni ekɛbaaba lɛ ehiii, ejaakɛ ebaaye maŋtsɛ lɛ awui.”

5 Kɛkɛ ni Maŋtsɛ Ahasweros bi Maŋnyɛ Ester akɛ: “Namɔ ni, ni nɛgbɛ nuu ni taoɔ afee nɔ ko ni tamɔ nɛkɛ lɛ yɔɔ?” 6 Ester kɛɛ akɛ: “Haolɔ lɛ kɛ henyɛlɔ lɛ ji nɛkɛ Haman gbɔmɔ fɔŋ nɛɛ.”

Kɛkɛ ni Haman tsui fã waa yɛ maŋtsɛ lɛ kɛ maŋnyɛ lɛ hewɔ. 7 Maŋtsɛ lɛ mli wo la ni ete shi yɛ wain okpɔlɔŋmɛɛ lɛ he, ni etee maŋtsɛ shĩa lɛ abɔɔ lɛ mli, shi Haman te shi koni ekpa Maŋnyɛ Ester fai yɛ ewala* hewɔ, ejaakɛ ena akɛ bɔ fɛɛ bɔ ni fee lɛ, maŋtsɛ lɛ baagbala etoi. 8 Maŋtsɛ lɛ ku esɛɛ kɛjɛ maŋtsɛ shĩa lɛ abɔɔ lɛ mli kɛba shĩa ni aŋmɛ wain okpɔlɔ lɛ yɛ mli lɛ mli, ni ebana Haman ni eho ebu sɛi saatso ni Ester ta nɔ lɛ nɔ. Ni maŋtsɛ lɛ bo akɛ: “Mɛni, eyaato maŋnyɛ lɛ kabonaa hu yɛ mi diɛŋtsɛ mishĩa?” Be ni wiemɔ nɛɛ je maŋtsɛ lɛ naa nɔŋŋ kɛkɛ ni akɛ nii baha Haman hiɛ. 9 Kɛkɛ ni Harbona,+ ni ji maŋtsɛ shĩa onukpai lɛ ateŋ mɔ kome lɛ wie akɛ: “Haman esaa tso eto Mordekai,+ mɔ ni babɔ amaniɛ ni here maŋtsɛ lɛ yiwala lɛ.+ Ema Haman shĩa lɛ, ni ekwɔlɛ ji ninetalɔi 50.”* Kɛkɛ ni maŋtsɛ lɛ kɛɛ akɛ: “Nyɛyasɛŋa lɛ yɛ nɔ.” 10 No hewɔ lɛ, amɛsɛŋ Haman yɛ tso ni esaa eto Mordekai lɛ nɔ, ni maŋtsɛ lɛ mli ni ewo la lɛ naa ba shi.