KLƐŊKLƐŊ WOLO
(Lala 1-41)
1 Gbɔmɔ ni enyiɛɛɛ mɛi fɔji aŋaawoo sɛɛ,
Ni edamɔɔɔ eshafeelɔi agbɛ nɔ,+
Ni etaaa hefɛoyelɔi ateŋ lɛ yɛ miishɛɛ.+
2 Ejaakɛ Yehowa mla lɛ he emii shɛɔ,+
Ni ekaneɔ Nyɔŋmɔ mla lɛ ni ejwɛŋɔ nɔ jetsɛremɔ kɛ jenamɔ.+
3 Ebaafee tamɔ tso ni adu yɛ fai atoi,
Ni woɔ yibii yɛ ebe mli,
Ni enɔ bai gbiii.
Ni nɔ fɛɛ nɔ ni efeɔ lɛ yeɔ omanye.+
4 Mɛi fɔji lɛ tamɔɔɔ nakai;
Amɛ lɛ, amɛtamɔ ŋmaa he totoi ni kɔɔyɔɔ loɔ kɛyaa.
5 No hewɔ ni mɛi fɔji yeŋ bem yɛ kojomɔ mli lɛ;+
Hɛɛ, anaŋ eshafeelɔi yɛ he ni jalɔi ebua amɛhe naa yɛ.+
6 Ejaakɛ Yehowa le jalɔi agbɛ lɛ,+
Shi mɛi fɔji lɛ kɛ gbɛ ni amɛkɔ lɛ fɛɛ hiɛ baakpãtã.+