Ezra
10 Be ni Ezra miisɔle+ ni eejaje eshai nɛɛ ni eefó ni ekã shikpɔŋ yɛ anɔkwa Nyɔŋmɔ lɛ shĩa lɛ hiɛ lɛ, Israelbii babaoo, hii kɛ yei, kɛ gbekɛbii badamɔ emasɛi; no mli lɛ,* maŋbii lɛ miifó waa. 2 Kɛkɛ ni Shekania, Yehiel+ binuu lɛ ni jɛ Elam bii+ lɛ ateŋ lɛ kɛɛ Ezra akɛ: “Wɔtɔ̃ wɔ-Nyɔŋmɔ lɛ nɔ ejaakɛ wɔkɛ maŋsɛɛ yei ni jɛ shikpɔŋ lɛ nɔ bii lɛ ateŋ lɛ ebote gbalashihilɛ mli.*+ Enɛ fɛɛ sɛɛ lɛ, hiɛnɔkamɔ yɛ lolo kɛhã Israel. 3 No hewɔ lɛ, nyɛhãa wɔkɛ wɔ-Nyɔŋmɔ lɛ afea kpaŋmɔ+ koni wɔwo wɔŋamɛi lɛ fɛɛ gbɛ, kɛ agbɛnɛ hu, bii ni amɛfɔ lɛ, yɛ Yehowa mla lɛ, kɛ agbɛnɛ hu, mɛi ni sumɔɔ wɔ-Nyɔŋmɔ lɛ kitã lɛ* aŋaawoo lɛ naa.+ Nyɛhãa wɔyea Mla lɛ nɔ. 4 Tee shi ejaakɛ sane nɛɛ bo osane ni, ni wɔfi osɛɛ.* Feemɔ ekãa ni ofee.”
5 Kɛkɛ ni Ezra te shi ni ehã osɔfoi lɛ ateŋ hiɛnyiɛlɔi lɛ, kɛ Levibii lɛ, kɛ Israel fɛɛ kã kitã akɛ amɛbaafee nɔ ni akɛɛ lɛ.+ No hewɔ lɛ, amɛkãmɔ kitã lɛ. 6 Kɛkɛ ni Ezra te shi yɛ anɔkwa Nyɔŋmɔ lɛ shĩa lɛ hiɛ, ni etee Yehohanan, Eliashib binuu lɛ tsũ* lɛ mli. Be ni etee jɛmɛ lɛ, eyeee nɔ ko ni enuuu nu hu, ejaakɛ eeye awerɛho yɛ tɔmɔ ni mɛi ni ejɛ nomŋɔɔ mli amɛba lɛ etɔ̃ lɛ hewɔ.+
7 Kɛkɛ ni amɛhã ashiɛ yɛ Yuda kɛ Yerusalem fɛɛ akɛ mɛi fɛɛ ni ejɛ nomŋɔɔ mli amɛba lɛ ayabua amɛhe naa yɛ Yerusalem; 8 ni lumɛi lɛ kɛ onukpai lɛ kpɛ mli akɛ, mɔ fɛɛ mɔ ni baaa kɛyashi gbii etɛ lɛ, abaahe enibii fɛɛ yɛ edɛŋ,* ni abaashwie lɛ kɛje mɛi ni ejɛ nomŋɔɔ mli amɛba lɛ asafo lɛ mli.+ 9 No hewɔ lɛ, Yuda kɛ Benyamin hii lɛ fɛɛ babua amɛhe naa yɛ Yerusalem yɛ gbii etɛ lɛ mli, yɛ nyɔɔŋ ni ji nɛɛhu lɛ nɔ, yɛ nakai nyɔɔŋ lɛ gbi ni ji 20 lɛ nɔ. Maŋbii lɛ fɛɛ tara shi yɛ anɔkwa Nyɔŋmɔ lɛ shĩa lɛ kpo lɛ nɔ, ni amɛhe miikpokpo yɛ sane ni eba lɛ hewɔ, kɛ agbɛnɛ hu, yɛ nugbɔ ni nɛɔ waa lɛ hewɔ.
10 Kɛkɛ ni osɔfo Ezra te shi ni ekɛɛ amɛ akɛ: “Nyɛtɔ̃ ejaakɛ nyɛkɛ maŋsɛɛ yei ebote gbalashihilɛ mli,+ ni nyɛkɛhã Israel tɔmɔ lɛ efa. 11 No hewɔ lɛ, agbɛnɛ nyɛjajea nyɛtɔmɔ lɛ nyɛtsɔa Yehowa, nyɛtsɛmɛi lɛ a-Nyɔŋmɔ lɛ, ni nyɛfea esuɔmɔnaa nii. Nyɛtsea nyɛhe yɛ shikpɔŋ lɛ nɔ bii lɛ, kɛ agbɛnɛ hu, nyɛŋamɛi ni jɛ maŋsɛɛ nɛɛ ahe.”+ 12 Kɛkɛ ni asafo muu lɛ fɛɛ kɛ gbee ni wa here nɔ akɛ: “Nɔ ni okɛɛ lɛ, nakai pɛpɛɛpɛ esa akɛ wɔfee. 13 Shi mɛi lɛ ayi fa, ni eji nugbɔnɛmɔ beiaŋ hu. Anyɛŋ adamɔ agbó lɛ naa, ni sane nɛɛ jeee gbi kome loo gbii enyɔ sane ni, ejaakɛ wɔtɔ̃ babaoo yɛ nɛkɛ sane nɛɛ mli. 14 No hewɔ lɛ, ofainɛ hã wɔlumɛi lɛ adamɔ asafo muu lɛ fɛɛ najiaŋ;+ ni ohã mɛi fɛɛ ni yɔɔ wɔmaji lɛ amli ni amɛkɛ maŋsɛɛ yei ebote gbalashihilɛ mli lɛ, aba yɛ be ni abaato lɛ mli, ni maŋ fɛɛ maŋ mli onukpai lɛ kɛ kojolɔi lɛ afata amɛhe kɛba, kɛyashi be ni wɔbaahã wɔ-Nyɔŋmɔ lɛ mli ni ewo la ewo wɔ yɛ sane nɛɛ hewɔ lɛ sɛɛ afo.”
15 Shi Yonatan, Asahel binuu lɛ, kɛ Yahzeia, Tikwa binuu lɛ ekpɛlɛɛɛ enɛ nɔ, ni Meshulam kɛ Shabetai,+ ni ji Levibii lɛ fi amɛsɛɛ. 16 Shi mɛi ni ejɛ nomŋɔɔ mli kɛba lɛ fee nɔ ni akpaŋ yɛ he lɛ; ni osɔfo Ezra kɛ amɛtsɛmɛi ashĩai weku yitsei lɛ, mɛi fɛɛ ni atsĩ amɛgbɛ́i tã lɛ, sɔŋŋ kpe yɛ nyɔɔŋ ni ji nyɔŋma lɛ klɛŋklɛŋ gbi lɛ nɔ koni amɛtao sane lɛ mli; 17 ni be ni klɛŋklɛŋ nyɔɔŋ lɛ nɔ klɛŋklɛŋ gbi lɛ kɛɛ eshɛɔ lɛ, amɛkɛ hii fɛɛ ni kɛ maŋsɛɛ yei ebote gbalashihilɛ mli lɛ egbe naa. 18 Ni ana akɛ osɔfoi lɛ abihii lɛ ekomɛi hu kɛ maŋsɛɛ yei ebote gbalashihilɛ mli:+ yɛ Yeshua,+ Yehozadak binuu lɛ bihii lɛ kɛ enyɛmimɛi hii lɛ ateŋ lɛ, Maaseia, kɛ Eliezer, kɛ Yarib, kɛ Gedalia. 19 Shi amɛwo shi* akɛ amɛbaawo amɛŋamɛi lɛ agbɛ, ni akɛni amɛtɔ̃ hu hewɔ lɛ, amɛkɛ toi lɛ ateŋ gwantɛŋnuu baahã yɛ amɛtɔmɔ lɛ hewɔ.+
20 Yɛ Imer+ bihii lɛ ateŋ lɛ, Hanani kɛ Zebadia; 21 ni yɛ Harim+ bihii lɛ ateŋ lɛ, Maaseia, kɛ Elia, kɛ Shemaia, kɛ Yehiel, kɛ Uzia; 22 ni yɛ Pashur+ bihii lɛ ateŋ lɛ, Elioenai, kɛ Maaseia, kɛ Ishmael, kɛ Netanel, kɛ Yozabad, kɛ Eleasa. 23 Ni yɛ Levibii lɛ ateŋ lɛ, Yozabad, kɛ Shimei, kɛ Kelaia, (lɛ nɔŋŋ ji Kelita), kɛ Petahia, kɛ Yuda, kɛ Eliezer; 24 ni yɛ lalɔi lɛ ateŋ lɛ, Eliashib; ni yɛ agbonaakwɛlɔi lɛ ateŋ lɛ, Shalum, kɛ Telem, kɛ Uri.
25 Ni yɛ Israelbii lɛ ateŋ hu, yɛ Parosh+ bihii lɛ ateŋ lɛ, Ramia, kɛ Izia, kɛ Malkia, kɛ Miyamin, kɛ Eleazar, kɛ Malkia, kɛ Benaia; 26 ni yɛ Elam+ bii lɛ ateŋ lɛ, Matania, kɛ Zakaria, kɛ Yehiel,+ kɛ Abdi, kɛ Yeremot, kɛ Elia; 27 ni yɛ Zatu+ bihii lɛ ateŋ lɛ, Elioenai, kɛ Eliashib, kɛ Matania, kɛ Yeremot, kɛ Zabad, kɛ Aziza; 28 ni yɛ Bebai+ bihii lɛ ateŋ lɛ, Yehohanan, kɛ Hanania, kɛ Zabai, kɛ Atlai; 29 ni yɛ Bani bihii lɛ ateŋ lɛ, Meshulam, kɛ Maluk, kɛ Adaia, kɛ Yashub, kɛ Sheal, kɛ Yeremot; 30 ni yɛ Pahat-moab+ bihii lɛ ateŋ lɛ, Adna, kɛ Kelal, kɛ Benaia, kɛ Maaseia, kɛ Matania, kɛ Bezalel, kɛ Binui, kɛ Manase; 31 ni yɛ Harim+ bihii lɛ ateŋ lɛ, Eliezer, kɛ Ishia, kɛ Malkia,+ kɛ Shemaia, kɛ Shimeon, 32 kɛ Benyamin, kɛ Maluk, kɛ Shemaria; 33 ni yɛ Hashum+ bihii lɛ ateŋ lɛ, Matenai, kɛ Matata, kɛ Zabad, kɛ Elifelet, kɛ Yeremai, kɛ Manase, kɛ Shimei; 34 yɛ Bani bihii lɛ ateŋ lɛ, Maadai, kɛ Amram, kɛ Uel, 35 kɛ Benaia, kɛ Bedeia, kɛ Keluhi, 36 kɛ Vania, kɛ Meremot, kɛ Eliashib, 37 kɛ Matania, kɛ Matenai, kɛ Yaasu; 38 ni yɛ Binui bihii lɛ ateŋ lɛ, Shimei, 39 kɛ Shelemia, kɛ Natan, kɛ Adaia, 40 kɛ Maknadebai, kɛ Shashai, kɛ Sharai, 41 kɛ Azarel, kɛ Shelemia, kɛ Shemaria, 42 kɛ Shalum, kɛ Amaria, kɛ Yosef; 43 ni yɛ Nebo bihii lɛ ateŋ lɛ, Yeiel, kɛ Matitia, kɛ Zabad, kɛ Zebina, kɛ Yadai, kɛ Yoel, kɛ Benaia. 44 Mɛnɛɛmɛi fɛɛ kɛ maŋsɛɛ yei bote gbalashihilɛ mli,+ ni amɛwo amɛŋamɛi lɛ kɛ amɛbii lɛ agbɛ.+