1 Mose
5 Adam he sane ni aŋma afɔ̃ shi nɛ. Gbi ni Nyɔŋmɔ bɔ Adam lɛ, ebɔ lɛ tamɔ Nyɔŋmɔ henɔ.+ 2 Ebɔ amɛ nuu kɛ yoo.+ Yɛ gbi ni ebɔ amɛ+ lɛ nɔ lɛ, ejɔɔ amɛ ni ewo amɛ gbɛ́i akɛ Gbɔmɔ.*
3 Adam ye afii 130, kɛkɛ ni efɔ binuu ko ni je lɛ, tamɔ ehenɔ, ni ewo lɛ gbɛ́i akɛ Set.+ 4 Be ni Adam fɔ Set lɛ, ehi shi afii 800. Efɔ bihii kɛ biyei. 5 No hewɔ lɛ, gbii fɛɛ ni Adam ye yɛ wala mli lɛ fee afii 930, kɛkɛ ni egbo.+
6 Set ye afii 105, kɛkɛ ni efɔ Enosh.+ 7 Be ni Set fɔ Enosh lɛ, ehi shi afii 807. Efɔ bihii kɛ biyei. 8 No hewɔ lɛ, gbii fɛɛ ni Set ye lɛ fee afii 912, kɛkɛ ni egbo.
9 Enosh ye afii 90, kɛkɛ ni efɔ Kenan. 10 Be ni Enosh fɔ Kenan lɛ, ehi shi afii 815. Efɔ bihii kɛ biyei. 11 No hewɔ lɛ, gbii fɛɛ ni Enosh ye lɛ fee afii 905, kɛkɛ ni egbo.
12 Kenan ye afii 70, kɛkɛ ni efɔ Mahalalel.+ 13 Be ni Kenan fɔ Mahalalel lɛ, ehi shi afii 840. Efɔ bihii kɛ biyei. 14 No hewɔ lɛ, gbii fɛɛ ni Kenan ye lɛ fee afii 910, kɛkɛ ni egbo.
15 Mahalalel ye afii 65, kɛkɛ ni efɔ Yared.+ 16 Be ni Mahalalel fɔ Yared lɛ, ehi shi afii 830. Efɔ bihii kɛ biyei. 17 No hewɔ lɛ, gbii fɛɛ ni Mahalalel ye lɛ fee afii 895, kɛkɛ ni egbo.
18 Yared ye afii 162, kɛkɛ ni efɔ Henok.+ 19 Be ni Yared fɔ Henok lɛ, ehi shi afii 800. Efɔ bihii kɛ biyei. 20 No hewɔ lɛ, gbii fɛɛ ni Yared ye lɛ fee afii 962, kɛkɛ ni egbo.
21 Henok ye afii 65, kɛkɛ ni efɔ Metusela.+ 22 Be ni Henok fɔ Metusela lɛ, etee nɔ ekɛ anɔkwa Nyɔŋmɔ lɛ nyiɛ* afii 300. Efɔ bihii kɛ biyei. 23 No hewɔ lɛ, gbii fɛɛ ni Henok ye lɛ fee afii 365. 24 Henok tee nɔ ekɛ anɔkwa Nyɔŋmɔ lɛ nyiɛ.+ Kɛkɛ ni anaaa lɛ dɔŋŋ, ejaakɛ Nyɔŋmɔ ŋɔ lɛ.+
25 Metusela ye afii 187, kɛkɛ ni efɔ Lamek.+ 26 Be ni Metusela fɔ Lamek lɛ, ehi shi afii 782. Efɔ bihii kɛ biyei. 27 No hewɔ lɛ, gbii fɛɛ ni Metusela ye lɛ fee afii 969, kɛkɛ ni egbo.
28 Lamek ye afii 182, kɛkɛ ni efɔ binuu. 29 Ewo lɛ gbɛ́i akɛ Noa,*+ ni ekɛɛ: “Mɔ nɛ baashɛje wɔmii* yɛ wɔnitsumɔ ni wa kɛ tɔ ni etɔɔ wɔ waa yɛ shikpɔŋ lɛ ni Yehowa elomɔ lɛ hewɔ lɛ mli.”+ 30 Be ni Lamek fɔ Noa lɛ, ehi shi afii 595. Efɔ bihii kɛ biyei. 31 No hewɔ lɛ, gbii fɛɛ ni Lamek ye lɛ fee afii 777, kɛkɛ ni egbo.